ក្រុមហ៊ុនទាំង៦ ដែល CDC បានអនុម័តនោះ រួមមានក្រុមហ៊ុន NEWBUSTAR (CAMBODIA) TIRE CO., LTD. មាន​គម្រោងបង្កើតរោងចក្រផលិតសំបកកង់យានយន្ត នៅតំបន់សេដ្ឋកិច្ចខេត្តក្រចេះ។ ក្រុម​ហ៊ុននេះ នឹង​បោះទុនវិនិយោគប្រមាណ ១៣៨លានដុល្លារអាម៉េរិក ដែលអាចបង្កើតការងារបានចំនួន ៩៧៥កន្លែង។
  

ចំណែកក្រុម​ហ៊ុន METAL JEWELRY (CAMBODIA) CO., LTD. នឹងបង្កើតរោងចក្រផលិត និងបង្គុំគ្រឿងអលង្ការ និងគ្រឿងលម្អធ្វើពីលោហៈ និងប្លាស្ទិក ដែលមានទីតាំងនៅក្នុងតំបន់សេដ្ឋកិច្ចពិសេស រាជធានីភ្នំពេញ។ ក្រុម​ហ៊ុននេះ នឹងបោះទុនវិនិយោគប្រមាណ ៩លានដុល្លារ ដែលអាចបង្កើតការងារបានចំនួន ៤៣៤ កន្លែង។
 

ដោយ​ឡែក ក្រុម​ហ៊ុន SINICE CO., LTD. មាន​គម្រោងបង្កើតរោងចក្រផលិតកាវទឹក ថ្នាំលាប ទឹកថ្នាំបោះពុម្ព ស្ថិតនៅក្នុងតំបន់សេដ្ឋកិច្ចពិសេស ក្រុងព្រះសីហនុ។ រោងចក្រនេះ មាន​ទុន​ប្រមាណ ៤លានដុល្លារ និងអាចបង្កើតការងារបានចំនួន ៣៤ កន្លែងផងដែរ។

ចំពោះ​ ក្រុម​ហ៊ុន RONGDASHENG INDUSTRIAL CO., LTD., TG-BROTHER ELECTRONIC LIGHTING CO., LTD. និងក្រុម​ហ៊ុន BOXU CRAFTS CO., LTD.  វិញ នឹងបង្កើតរោងចក្រផ្គុំដំឡើងអំពូលភ្លើង និង​ផលិតអំពូល។ ក្រុម​ហ៊ុនផលិត​អំពូល​ទាំង៣នេះ នឹង​សាងសង់នៅខេត្ត​ស្វាយរៀង។
 

បើតាម​ CDC ក្រុម​ហ៊ុន RONGDASHENG INDUSTRIAL CO., LTD មាន​ទុនវិនិយោគប្រមាណ ៦លានដុល្លារ និងអាចបង្កើតការងារបានចំនួន ៥៩២ កន្លែង។ ក្រុម​ហ៊ុន TG-BROTHER ELECTRONIC LIGHTING CO., LTD. បាន​បោះ​ទុនវិនិយោគប្រមាណ ៥លានដុល្លារ ដែល​អាចបង្កើតការងារបានចំនួន ៧៥៤ កន្លែង។ រីឯក្រុម​ហ៊ុន BOXU CRAFTS CO., LTD.វិញ មាន​ទុនវិនិយោគប្រមាណ ១,៥លានដុល្លារ និងអាចបង្កើតការងារបានចំនួន ៤៦៩ កន្លែង៕​