អំឡុងពេលនៃកិច្ចប្រជុំកំពូលរយៈពេល៥ថ្ងៃនេះ  អ្នកសារព័ត៌មាន នឹងទៅទស្សនកិច្ចក្រុមហ៊ុនសាជីវកម្មវិស្វកម្មថាមពលចិន និងទៅទស្សនកិច្ចសកលវិទ្យាល័យសារគមនាគមន៍ ដ៏ល្បីរបស់ចិន។  អ្នកកាសែត នឹងបន្តទស្សនកិច្ចមជ្ឈមណ្ឌលធនធានទឹក នៃកិច្ចសហប្រតិបត្តិការមេគង្គ-ឡានឆាងនៃក្រសួងធនធានទឹករបស់ប្រទេសចិន។ ទន្ទឹមគ្នានេះ អ្នក កាសែតក៏មានឱកាសដើរកម្សាន្តនៅរមណីយដ្ឋានល្បីមួយចំនួនរបស់ចិនផងដែរ។  

 

កិច្ចប្រជុំកំពូលនៃកិច្ចសហប្រតិបត្តិការមេគង្គ-ឡានឆាង នៅទីក្រុងប៉េកាំង ដែលប្រព្រឹត្ត ឡើងចាប់ពីថ្ងៃទី២៦ដល់ ថ្ងៃទី៣០ ខែមិថុនា ឆ្នាំ២០២៣ ក្រៅពីវត្តមានអ្នកកាសែត កម្ពុជាហើយនោះ ក៏មានការចូលរួមពីតំណាងកាសែតដ៏មានឥទ្ធិលពលមួយចំនួន របស់ ប្រទេសឡាវ មីយ៉ាន់ម៉ា ថៃ វៀតណាម និង ចិន ផងដែរ៕