កីឡាអន្តរជាតិ
អន្តរជាតិ
Messi រំឭកពីការខកចិត្តមិនអាចលើកពាន Champions League នៅ PSG
× Lionel Messi បានរំឭកដល់ពេលវេលាដែលរូបគេបានចាប់ផ្តើមលេងនៅអតីតក្លិប Paris Saint Germain ថាមានភាពតានតឹងខ្លាំង ដោយរងបរាជ័យក្នុងការប្រជែងក្នុងក្របខណ្ឌ Champions League ២រដូវកាលជាប់គ្នា និងធ្វើឱ្យពួកគេមានការខកចិត្តខ្លាំងយ៉ាងខ្លាំង។
«ខ្ញុំបានទៅកាន់ប៉ារីស ព្រោះតែខ្ញុំចូលចិត្តក្លិបនោះ ក៏ព្រោះតែខ្ញុំមានមិត្តភក្កិច្រើននាក់ ហើយវាមើលទៅពិតងាយស្រួលសម្រាប់ខ្ញុំក្នុងការសម្របខ្លួននៅក្នុងការលេង សម្រាប់គោលដៅថ្មីមួយ។ តែធាតុពិត វាពិតជាតានតឹងខ្លាំងណាស់ វាពិបាកខ្លាំងក្នុងការសម្របខ្លួនជាងអ្វីខ្ញុំបានរំពឹងទុក ជាមួយនឹងគម្រោងការប្រកួត មិត្តរួមក្រុមថ្មី ទីក្រុងថ្មី។»។ Messi បានប្រាប់ទៅកាន់ BeIN sports ក្នុងកិច្ចសម្ភាសនាថ្ងៃទី២៥ ខែមិថុនា បែបនេះ។
Messi បញ្ជាក់ថាខ្លួនខកចិត្តខ្លាំងនៅពេល PSG ប្រកួតក្នុងពានរង្វាន់ Champions League រងបរាជ័យក្រោមថ្វីជើងក្រុម Real Madrid ក្នុងឆ្នាំ ២០២២ និង Bayern Munich ឆ្នាំ ២០២៣។
កីឡាករវ័យ ៣៦ឆ្នាំ កាលនោះបានចូលរួមជាមួយ PSG នៅក្នុងឆ្នាំ ២០២១ បន្ទាប់ពីរួមរស់រយៈពេល ១៧រដូវកាលនៅក្រុម Barcelona ប៉ុន្តែពេលនេះកីឡាសញ្ជាតិអាហ្សង់ទីនបានផ្លាស់ទៅកាន់ក្លិប Inter Miami នៃក្របខណ្ឌ Major league Soccer ក្នុងនាមជាកីឡាករគ្មានតម្លៃខ្លួន ចាប់តាំងពីចាក់ចេញពី PSG។
រដូវកាលដំបូងសម្រាប់ Messi ជាមួយ PSG រូបគេរកបាន ១១គ្រាប់សម្រាប់ក្រុម ពីការប្រកួតចំនួន ៣៤លើក វាក្លាយជារឿងដ៏ពិបាកក្នុងការសម្របខ្លួនសម្រាប់ Messi បន្ទាប់ពីវិបត្តិកូវីដ-១៩ អំឡុងពេលរដូវរងារក្នុងប្រទេសអាហ្សង់ទីន។ បញ្ហាកូវីដ-១៩ បានធ្វើឱ្យ Messi ខកខានពីការប្រកួតរយៈពេល ១ខែ។
យ៉ាងណា Messi រកឃើញទម្រង់លេងខ្លួនបានល្អខ្លាំងឡើងវិញអំឡុងពេលចាប់ផ្តើមយុទ្ធនាការពានរង្វាន់ World Cup 2022 នៅប្រទេសកាតា។ Messi បាននិយាយទាក់ទងបញ្ហាទម្រង់លេងដូច្នេះថា ៖ «វាទាមទារខ្ញុំនូវពេលវេលា ដើម្បីរកឃើញទម្រង់លេងដ៏ល្អមួយឡើងវិញ វាមិនមែនជាលេសឡើយ ប៉ុន្តែលេងនៅ World Cup ជាតួនាទីសំខាន់ អ្នកខ្លះវិលត្រលប់មកវិញបន្ទាប់ពីនេះ អ្នកខ្លះរងរបួស ដូចជា Neymar។ ខ្ញុំគិតថា ជាទូទៅកម្រិតនៃ Ligue 1 និង Champions League ត្រូវបានប៉ះពាល់ដោយ World Cup។»៕
Tag:
Lionel Messi
Champions League
© រក្សាសិទ្ធិដោយ thmeythmey.com