«សំខាន់ធំ គឺវិជ្ជាជីវៈ ធ្វើអ្វីឱ្យប្រាកដ និងឱ្យពូកែ»។ នេះបើតាមប្រសាសន៍លោក ប្រាក់ សុខុន ជិត១នាទី ដែលត្រូវបានចែកចាយនៅក្នុងគ្រុបឯកសារមន្ត្រីសាធារណៈ នាព្រឹកថ្ងៃទី១៩ កក្កដានេះ ។



 

លោក ប្រាក់ សុខុន ចង់បានន័យថា បើមន្ត្រីមានសមត្ថភាពហើយ តែមិនធ្វើសកម្មភាព វាដូចជាយកសមត្ថភាពនោះ ទៅទុកចោលគ្មានប្រយោជន៍ដដែល។ ជាមួយគ្នានេះ ប្រមុខការទូតកម្ពុជា ក៏បានផ្ដាំមន្ត្រីខ្លួន មិនឱ្យយកការសម្ងាត់ជាតិ ទៅប្រាប់បរទេសឡើយ។
 

«ហើយមួយទៀត ត្រូវមានស្វាមីភក្តិចំពោះជាតិមាតុភូមិ ពីព្រោះបើអ្នកការទូតយើង មិនស្មោះត្រង់ចំពោះជាតិ យកឯកសម្ងាត់ យករឿងសម្ងាត់ជាតិ ទៅឱ្យបរទេសហ្នឹង គឺគ្រោះថ្នាក់ធំ»។ នេះបើតាមលោក ប្រាក់ សុខុន ។