គណកម្មាធិការជាតិរៀបចំការបោះឆ្នោត (គ.ជ.ប) បានចេញរបាយការណ៍ដំបូងរបស់ខ្លួនពីចំនួនអ្នកទៅបោះឆ្នោតក្នុងចំណោមអ្នកមានឈ្មោះក្នុងបញ្ជី ដោយគិតត្រឹមវេលាម៉ោង១១ព្រឹក ថ្ងៃអាទិត្យទី២៣ ខែកក្កដា នេះ។

 

របាយការណ៍បានបង្ហាញថា ចំនួនអ្នកទៅបោះឆ្នោតទូទាំងប្រទេស មានជាង៥,៧លាននាក់ក្នុងចំណោមអ្នកមានឈ្មោះក្នុងបញ្ជីជាង៩,៧លាននាក់ ពោលគឺ៥៩,១៥ភាគរយ នារយៈពេល៤ម៉ោងដំបូង ក្នុងការបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣។

 

ផ្អែកលើចំនួនអ្នកបោះឆ្នោតនៅតាមបណ្តាខេត្តនីមួយៗ ខេត្តកែប មានអ្នកទៅបោះឆ្នោត៧១,៩៦ភាគរយក្នុងចំណោមអ្នកមានឈ្មោះក្នុងបញ្ជី បន្ទាប់មកមាន ខេត្តតាកែវ (៦៧,១១ភាគរយ), ខេត្តព្រះវិហា (៦៥,៨៩ភាគរយ), ខេត្តស្វាយរៀង (៦៥,៤០ភាគរយ)។

 

បណ្តាខេត្តដែលមានចំនួនអ្នកបោះក្រោម៥០ភាគរយនៅឡើយ ដោយគិតត្រឹមម៉ោង១១ថ្ងៃត្រង់រួមមាន បន្ទាយមានជ័យ (៣៨,៥៤ភាគរយ), កំពង់ស្ពឺ (៤៣,៤៩ភាគរយ)៕