ជាតិ
ពលរដ្ឋ អាចមើលលទ្ធផលបោះឆ្នោតបឋម តាមប្រព័ន្ធផ្សព្វផ្សាយចំនួន៧
× ការបោះឆ្នោតជម្រើសតាំងតំណាងរាស្រ្តនីតិកាលទី៧ បានចាប់ផ្តើមពីម៉ោង៧ព្រឹក ហើយនឹងត្រូវបិទបញ្ចប់នៅម៉ោង៣រសៀល នាថ្ងៃទី២៣ ខែកក្កដា ឆ្នាំ២០២៣នេះ។ គណៈកម្មាធិការជាតិរៀបចំការបោះឆ្នោត (គ.ជ.ប) ជូនដំណឹងថា ក្រោយបិទបញ្ចប់ការបោះឆ្នោត លទ្ធផលបឋមនៃការបោះឆ្នោតនេះ នឹងត្រូវប្រកាសចាប់ពីល្ងាចទៅ រហូតដល់ម៉ោង១២យប់ នាថ្ងៃ២៣កក្កដានេះ ហើយនឹងត្រូវប្រកាសនៅព្រឹកម៉ោង៨ ថ្ងៃ២៤ខែកក្កដា បន្តទៀត។
តាមរយៈសេចក្តីជួនដំណឹងខាងលើ ប្រជាពលរដ្ឋ អាចតាមដានមើលការប្រកាសលទ្ធផលបឋមនៃការបោះឆ្នោត តាមរយៈប្រព័ន្ធផ្សព្វផ្សាយចំនួន៧ រួមមាន ទូរទស្សន៍ជាតិកម្ពុជា (ទ.ទ.ក), វិទ្យុជាតិកម្ពុជា, ទីភ្នាក់ងារសារព័ត៌មានកម្ពុជា (AKP), គេហទំព័រ electresult.nec.gov.kh , កម្មវិធីទូរស័ព្ទដៃ (App) គឺ NEC KH និង CamNEC News, ហ្វេសប៊ុកឈ្មោះ គណៈកម្មាធិការជាតិរៀបចំការបោះឆ្នោត National Election Commitee, យូធូបឈ្មោះ គណៈកម្មាធិការជាតិរៀបចំការបោះឆ្នោត National Election Committee។
គួរដឹងថា ការប្រកាសលទ្ធផលបោះឆ្នោត មាន៣ដំណាក់កាល គឺលទ្ធផលបឋម លទ្ធផលបណ្តោះអាសន្ន និងលទ្ធផលផ្លូវការ។ យោងតាមការកំណត់របស់គ.ជ.ប លទ្ធផលផ្លូវការ នឹងត្រូវប្រកាស នៅថ្ងៃទី៩ ខែសីហា ឆ្នាំ២០២៣៕
© រក្សាសិទ្ធិដោយ thmeythmey.com