ជាតិ
នយោបាយជាតិ
លោក ប៉ែន បូណា និងលោក តាន់ ហ្សង់ហ្វ្រង់ស្វ័រ ស្ថិតក្នុងចំណោមរដ្ឋមន្ត្រីប្រតិភូអមនាយករដ្ឋមន្ត្រី២៩រូប លោក តាន់ ហ្សង់ហ្វ្រង់ស្វ័រ (ឆ្វេង) និងលោក ប៉ែន បូណា
× ក្រៅពីសមាជិកគណៈរដ្ឋមន្ត្រី ដែលបានអនុម័តដោយរដ្ឋសភា រដ្ឋាភិបាលអាណត្តិទី៧ ក្រោមការដឹកនាំរបស់លោកនាយករដ្ឋមន្ត្រី ហ៊ុន ម៉ាណែត មានរដ្ឋមន្ត្រីប្រតិភូអមនាយករដ្ឋមន្ត្រី២៩រូប ដែលត្រូវបានព្រះករុណាព្រះមហាក្សត្រ ត្រាស់បង្គាប់តែងតាំង តាមរយៈព្រះរាជក្រឹត្យចុះថ្ងៃទី២២ ខែសីហា។
អតីតអ្នកសារព័ត៌មានល្បីឈ្មោះ គឺលោក ប៉ែន បូណា ដែលបានឡើងជារដ្ឋលេខាធិការក្រសួងព័ត៌មាន កាលពីចុងអាណត្តិមុន ត្រូវបានតែងតាំងជារដ្ឋមន្ត្រីប្រតិភូអមនាយករដ្ឋមន្ត្រី ហើយបើតាមការលើកឡើងរបស់ សម្តេច ហ៊ុន សែន ក្នុងជំនួបមួយជាមួយអ្នកសារព័ត៌មាន លោក ប៉ែន បូណា គឺជាអ្នកនាំពាក្យរដ្ឋាភិបាល។ លោក តាន់ ហ្សង់ហ្រ្វង់ស័រ អតីតអ្នកគ្រប់គ្រងវិទ្យុបារាំងអន្តរជាតិជាភាសាខ្មែរ និងជាអ្នកវិភាគភូមិសាស្ត្រនយោបាយ ក៏ជារដ្ឋមន្ត្រីប្រតិភូអមនាយករដ្ឋមន្ត្រី ផងដែរ។
ឥស្សរជនផ្សេងទៀតរួមមាន លោក ម៉ម សារិន, លោក ស្រ៊ី ថាមរុង្គ, លោក យូ ស៊ុនឡុង, លោក សោម សឿន, លោក ឡុង វិសាលោ, លោក សារ៉ាក់ ខាន់, លោក ឯក ស៊ុនចាន់, លោក កែវ បាភ្នំ, លោក គង់ វិបុល, លោក គុណ ញឹម, លោក ហ៊ុន ស៊ីថា, សុន គន្ធរ, លោក អ៊ុង ស៊ាន, លោក ផៃ ស៊ីផាន, លោក ឈឹម ផលវរុណ, លោក ង៉ោ សុវណ្ណ, លោក ឡាំ ហេងហួត, លោក នរ៉ាណាឫទ្ធិ អានន្ទដាយ៉ាត, លោក សូ ណារ៉ូ, លោក ព្រាប កុល, លោក សំហេង បុរស, លោក ឈួន ដារ៉ា, លោក គីម ប៊ុនថាន, លោក ជួន សុវណ្ណ, លោក សុខ សារ៉ាវុឌ្ឍ, លោកស្រី កុយ ពិសី និងលោក រ័ត្ន សណ្តាប់៕
© រក្សាសិទ្ធិដោយ thmeythmey.com