ជាតិ
លោក ពឹង គិមឆេន អតីតនាយកសាលាវត្តបូព៌ ក្លាយជាអនុរដ្ឋលេខាធិការក្រសួងអប់រំ
លោក ពឹង គិមឆេន អតីតនាយកសាលាបឋមសិក្សាវត្តបូព៌ ក្នុងខេត្តសៀមរាប។ រូបថត៖ ញឹក ស្រីល័ក្ខ
×![]()
ភ្នំពេញ៖ លោក ពឹង គិមឆេន អតីតនាយកបឋមវត្តបូព៌ ត្រូវបានព្រះមហាក្សត្រតែងតាំងជាអនុរដ្ឋលេខាធិការក្រសួងអប់រំ យុវជន និងកីឡា ក្នុងអាណត្តិទី៧នេះ។ មុនក្លាយជាអនុរដ្ឋលេខាធិការ លោក ពឹង គិមឆេន មានតួនាទីជាទីប្រឹក្សាក្រសួងអប់រំផងដែរ។
លោក ពឹង គិមឆេន ជាអតីតនាយកសាលាបឋមសិក្សាវត្តបូព៌ ក្នុងខេត្តសៀមរាប ដែលមានភាពលេចធ្លោក្នុងការអប់រំ និងការពង្រឹងវិន័យដល់សិស្ស។ ក្នុងព្រះរាជក្រឹត្យតែងតាំងរដ្ឋលេខាធិការ និងអនុរដ្ឋលេខាធិការក្រសួងអប់រំអាណត្តិទី៧ ដែលចុះព្រះហស្តលេខាដោយព្រះមហាក្សត្រនៅថ្ងៃទី២២ សីហានេះ លោក ពឹង គិមឆេន ស្ថិតនៅលេខរៀងទី២០ ក្នុងចំណោមអនុរដ្ឋលេខាធិការ ២០រូប។
លោក ពឹង គិមឆេន មានបទពិសោធន៍ក្នុងវិស័យអប់រំជាង ៤០ឆ្នាំមកហើយ។ លោក បានចូលនិវត្តន៍ក្នុងអាជីពជាគ្រូបង្រៀន និងនាយកសាលាកាលពីឆ្នាំ២០២១។ ជាមួយគ្នានេះ កាលពីខែកក្កដា ឆ្នាំ២០២១ លោក ពឹង គិមឆេន ត្រូវបានរដ្ឋាភិបាលតែងតាំងជាទីប្រឹក្សាក្រសួងអប់រំ យុវជន និងកីឡា ដែលមានឋានៈស្មើ ប្រធាននាយកដ្ឋាន។
សូមបញ្ជាក់ថា ក្នុងអាណត្តិទី៧នេះ លោក ហង់ជួន ណារ៉ុន ត្រូវបានតែងតាំងជារដ្ឋមន្ត្រីក្រសួងអប់រំដដែល។ តាមព្រះរាជក្រឹត្យខាងលើ ក្រសួងអប់រំ យុវជន និងកីឡា មានរដ្ឋលេខាធិការមានចំនួន ១៤រូប និងអនុរដ្ឋលេខាធិការចំនួន ២០រូប៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 10 ម៉ោង
