លោក ហូ សិទ្ធី ដែលមានតំណែងជាទេសរដ្ឋមន្ត្រីទទួលបេសកកម្មពិសេសផងដែរនោះ បន្តតំណែងជា នាយកខុទ្ទកាល័យនាយករដ្ឋមន្ត្រី ដោយមានឋានៈស្មើទេសរដ្ឋមន្ត្រីដូចគ្នា។ លោក មាននាយករង និងនាយិការង២៣នាក់ ក្នុងនោះ លោក ប្រាក់ វណ្ណឌី, លោក ហ៊ីង ប៊ុនហៀង និងលោក ហ៊ុយ ពិសិដ្ឋ មានឋានៈស្មើទេសរដ្ឋមន្ត្រី។

 

នាយករង និងនាយិការងខុទ្ទកាល័យដែលមានឋានៈស្មើរដ្ឋមន្ត្រី រួមមាន លោក ហ៊ុន ស៊ីថា, លោក សេង ទៀង,លោក កឹមរ័ត្ន វិសិដ្ឋ, លោក ឈរ ផល្លី, លោក ស្លាត សុភាព, លោកតាន់ បញ្ញាវុធ, លោក ចៅ តុល, លោកស្រី ម៉ែន នារីសោភ័គ, លោក រស់ កុសល, លោក ហាក់ សុខហៃ និងលោក យី ដន។

 

រីឯលោក ឌី ពៅ, លោក អ៊ុំ គីតូ, លោក ងួន សំណាង, លោក ហូ មនោ និងលោកស្រី ឆេង សុផាវី ជានាយករង នាយិការងខុទ្ទកាល័យ ដែលមានឋានៈស្មើរដ្ឋលេខាធិការ ខណៈ លោក ហូ សិទ្ធីគុណ, លោក សេង ពិទូ, លោក ឈន ឆដា និងលោកស្រី ឈិត រតនា មានឋានៈស្មើអនុរដ្ឋលេខាធិការ។

 

ចំពោះសមាសភាពពិធីការនាយករដ្ឋមន្ត្រី លោកស្រី សុងឡេង បូរ៉ា នៅតែនាយិការពិធីការដូចកាលពីរដ្ឋាភិបាលសម្តេច ហ៊ុន សែន ផងដែរ។ លោកស្រីមានឋានៈស្មើរដ្ឋមន្ត្រី បន្ថែមលើមុខងារជារដ្ឋលេខាធិការទីស្តីការគណៈរដ្ឋមន្ត្រី។

 

ពិធីការ៤រូប រួមមាន លោកស្រី ទ្រី សុខា មានឋានៈស្មើរដ្ឋមន្ត្រី, លោក ជា យុពា និងលោកស្រី រស់ ចន្ទផល្លី មានឋានៈស្មើរដ្ឋលេខាធិការ ខណៈលោក មែ ស៊ីថន ជាពិធីការដែលមានឋានៈស្មើអនុរដ្ឋលេខាធិការ៕