លោកនាយករដ្ឋមន្ត្រី ហ៊ុន ម៉ាណែត បានសម្រេចតែងតាំងលោក ស រដ្ឋា និងលោក ជួន ណារិន្ទ ទៅជាអគ្គស្នងការរងនគរបាលជាតិ ។ នេះបើតាមអនុក្រឹត្យរបស់រដ្ឋាភិបាល ចុះថ្ងៃទី២៣ សីហា។

 

អនុក្រឹត្យដែលចុះហត្ថលេខាដោយលោក ហ៊ុន ម៉ាណែត បានសម្រេចឱ្យលោក ជួន ណារិន្ទ ស្នងការនគរបាលខេត្តព្រះសីហនុ ឡើងទៅជាអគ្គស្នងការរងនគរជាតិ។
 

ក្នុងលិខិតដដែលនោះ លោកនាយករដ្ឋមន្រ្តី ក៏សម្រេចដំឡើងលោក ស រដ្ឋា ពីអគ្គនាយករង នៃអគ្គនាយកដ្ឋានអន្តោប្រវេសន៍ ទៅជាអគ្គស្នងការរងនគរបាលជាតិដែរ។ លោក ស រដ្ឋា គឺជាកូនប្រុសរបស់សម្ដេច ស ខេង។