អភិបាលស្រុកពួក លោក ស៊ិន ចាន់ថុល បានឱ្យសារព័ត៌មានថ្មីៗដឹងថា កុមារីខាងលើរៀននៅ​សាលាបឋមសិក្សាមេជ្រៃ ស្ថិតនៅភូមិពាមតាអួរ ឃុំកែវពណ៌ ដែលសាលានេះមានក្មេងៗរៀនជាង ២០០នាក់។ ជាភូមិបណ្ដែតទឹក ដូច្នេះសាលាក៏តែងចល័តចុះឡើង តាមចរន្តទឹកផងដែរ ដែលតម្រូវឱ្យ​សិស្សប្រើប្រាស់មធ្យោបាយជាទូក ដើម្បីធ្វើដំណើរទៅសាលារៀន។ នេះជាការបញ្ជាក់​ពីលោក ស៊ិន ចាន់ថុល។ 

 

លោកអភិបាលស្រុកបន្ថែមថា អំឡុងពេលចុះទៅជួបគ្រួសារកុមារីគន្ធា នៅពេលនោះ  អភិបាលខេត្តសៀមរាប​លោក ប្រាក់ សោភ័ណ ក៏បានឱ្យអាជ្ញាធរមូលដ្ឋានពិនិត្យ និងការគាំពារដល់កុមារ ផ្សេងទៀត ដែលមានជីវភាពប្រហាក់ប្រហែលគ្នានេះដែរ។ ក្រៅពីនោះ សាលារៀនក៏ត្រូវមានការគាំពារ​ឡើងវិញ​ផងដែរ។ លោក ស៊ិន ចាន់ថុល បន្ថែមថា នៅថ្ងៃទី៣ កញ្ញា រដ្ឋបាលស្រុកនឹងបន្តចុះទៅ​ជួយ​កុមារចំនួន៧គ្រួសារទៀត ដែលមានជីវភាពខ្វះខាតដូចកុមារីគន្ធាដែរ៕