ក្រុមជម្រើសជាតិកម្ពុជា អាយុក្រោម ២៣ឆ្នាំ ត្រូវប្រកួតជាមួយ លីបង់ ក្នុងវគ្គចែកពូល J។ សម្រាប់ឆ្នាំ ២០២៣នេះ កម្ពុជា មិនសូវបានចូលរួមព្រឹត្តិការណ៍អន្ដរជាតិច្រើនប៉ុន្មានទេ ដោយគ្រាន់តែបានប្រកួត ក្នុងព្រឹត្តិការណ៍ AFF U23 Championship នៅប្រទេសថៃ កាលពីថ្ងៃទី១៧-២១ ខែសីហា ប៉ុណ្ណោះ។ ៣ប្រកួតចុងក្រោយរបស់កម្ពុជា អាយុក្រោម ២៣ឆ្នាំ គឺឈ្នះ ព្រុយណេ ៥-០, ស្មើ មីយ៉ាន់ម៉ា ១-១ និងចាញ់ ថៃ ក្នុងលទ្ធផល ២-០។
 

ចំណែកលីបង់ បានប្រកួតអន្ដរជាតិនានា សរុប ៩ប្រកួត ក្នុងនោះចាញ់ ៨ប្រកួត និងឈ្នះ១ ក្នុងឆ្នាំ២០២៣ ។ ៩ប្រកួតនោះ មានដូចជាការប្រកួតមិត្តភាពអន្ដរជាតិ (Friendly Match), WAFF U23 Championship និង Pan Arab Games។ ចំណែក ៦ប្រកួតចុងក្រោយ លីបង់ មិនធ្លាប់ឈ្នះសោះ និងមានគ្រាប់បាល់ទំលាយសំណាញ់ទីគូប្រកួតតែ១ គ្រាប់ប៉ុណ្ណោះ។
 

ក្រោមការដឹកនាំ លោក Koji Gyotoku គ្រូជម្រើសជាតិបាល់ទាត់កម្ពុជា អាយុក្រោម ២៣ឆ្នាំ តើក្រុមជម្រើសជាតិកម្ពុជា អាចយកឈ្នះ លីបង់ បានដែរឬទេ?

ក្នុងថ្ងៃជាមួយគ្នា ម្ចាស់ផ្ទះ ពូល J អារ៉ាប៊ី សាអូឌីត ត្រូវស្វាគមន៍ ម៉ុងហ្គោលី នៅកីឡដ្ឋាន Prince Sultan Bin Adulaziz Sports City វេលាម៉ោង ១១:០០ យប់៕