តាមការបញ្ជាក់ពីអ្នកនាំពាក្យរដ្ឋាភិបាលលោក Hirokazu Matsuno ចំពោះក្រសួងការបរទេស លោក Yoshimasa Hayashi ត្រូវបានជំនួសដោយអតីតរដ្ឋមន្ត្រីយុត្តិធម៌លោកស្រី Yoko Kamikawa អាយុ៧០ឆ្នាំ។ លោកស្រីដែលជាស្ត្រីម្នាក់ក្នុងចំណោមស្ត្រី៥នាក់ទៀតនៅក្នុងគណៈរដ្ឋមន្ត្រីថ្មី។

 

សម្រាប់ក្រសួងការពារជាតិវិញ លោក Yasukazu Hamada ត្រូវជំនួសដោយលោក Minoru Kihara អាយុ៥៤ឆ្នាំដែលពីមុនធ្លាប់ធ្វើជាលេខាធិការសភាសម្រាប់កិច្ចការពារជាតិ។ រដ្ឋមន្ត្រីកសិកម្មលោក Tetsuro Nomura ដែលថ្មីៗនេះរងការរិះគន់ជុំវិញបញ្ហាទឹកដែលធ្វើប្រព្រឹត្តពីរោងចក្រ Fukushima ត្រូវបានជំនួសដោយលោក Ichiro Miyashita ដែលអាយុ៦៥ឆ្នាំ។

 

យ៉ាងណាក្ដី លោក គីស៊ីដា រក្សាទុកលោក Shunichi Suzuki ជារដ្ឋមន្ត្រីហិរញ្ញវត្ថុដដែល។ 

 

ការរុះរើគណៈរដ្ឋមន្រ្តីនេះ រំពឹងបង្កើនប្រជាប្រិយភាពលោក គីស៊ីដា ឡើងវិញ បន្ទាប់ពីធ្លាក់ចុះខ្លាំងដោយសារការកើនឡើងថ្លៃទំនិញ។ នៅថ្ងៃទី១០ ខែកញ្ញា នាយករដ្ឋមន្រ្តីជប៉ុន ក៏បានប្រកាសពីគម្រោងអនុវត្តកញ្ចប់សេដ្ឋកិច្ចដើម្បីដោះស្រាយផលប៉ះពាល់នៃការកើនឡើងតម្លៃលើអ្នកប្រើប្រាស់ដែរ។