ជាតិ
និស្សិតខ្មែរនៅអ៊ីស្រាអែល ចង់វិលមកមាតុភូមិវិញ ព្រោះបារម្ភពីសុវត្ថិភាព ក្រុមនិស្សិតខ្មែរហាត់ការជំនាញកសិកម្ម នៅអ៊ីស្រាអែល។ រូបភាព៖ ហុង សុដាណែត
× ភ្នំពេញ៖ ទៅដល់អ៊ីស្រាអែលបាន១ខែ កញ្ញា ហុង សុដាណែត និស្សិតហាត់ការជំនាញកសិកម្ម បានជួបហេតុការណ៍ប្រយុទ្ធគ្នាយ៉ាងរន្ធត់ រវាងកងទ័ពអ៊ីស្រាអែល និងក្រុមហាម៉ាស់ ប៉ាឡេស្ទីន ដែលចាប់ផ្ដើមតាំងពីថ្ងៃទី៧ ខែតុលា។ យុវតីរូបនេះ ចាត់ទុកសង្រ្គាមនេះដូចជាសុបិនដ៏អាក្រក់ ខណៈរូបគេ និងនិស្សិតខ្មែរ ៧នាក់ផ្សេងទៀត កំពុងបារម្ភពីសុវត្ថិភាព និងចង់ត្រឡប់មកមាតុភូមិវិញ។
ចាប់តាំងពីម៉ោង៩យប់ ថ្ងៃទី៩ ខែតុលា មកដល់ពេលនេះ វិវាទរវាងអ៊ីស្រាអែល និងក្រុមហាម៉ាស់ ហាក់ស្ងប់ស្ងាត់បន្តិច ខណៈតំបន់ Sderot ត្រូវបានការពារយ៉ាងតឹងរឹងពីសំណាក់អាជ្ញាធរអ៊ីស្រាអែល។ បច្ចុប្បន្ន និស្សិតកម្ពុជាទាំង៨រូប កំពុងលាក់ខ្លួនក្នុងបន្ទប់សុវត្ថិភាពមួយកន្លែងនៅ Sderot ដែលមានចម្ងាយប្រមាណ៤ គីឡូម៉ែត្រ ពីដែនដីកាហ្សា របស់ក្រុមហាម៉ាស់។
សម្ដេច ហ៊ុន ម៉ាណែត នាយករដ្ឋមន្រ្តីកម្ពុជា នាព្រឹកថ្ងៃទី១០ ខែតុលា បានបញ្ជាក់ថា កម្ពុជាបានជម្លៀសនិស្សិត៣២៣នាក់ ក្នុងចំណោម៤៥៤នាក់ ទៅកាន់ទីតាំងមានសុវត្ថិភាព ហើយបន្តប្រឹងប្រែងអន្តរាគមន៍ស្វែងរកទីសុវត្ថិភាព សម្រាប់និស្សិត១៣១នាក់ទៀត៕
© រក្សាសិទ្ធិដោយ thmeythmey.com