ជាតិ
«ខ្យូស» គឺ តូបសម្រាប់លក់ឬសម្រាកលម្ហែកាយ និងបរិភោគអាហារ
× វចនានុក្រមខ្មែរ២០២២របស់ក្រុមប្រឹក្សាជាតិភាសាខ្មែរនៃរាជបណ្ឌិត្យសភាកម្ពុជា លើកយកពាក្យ «ខ្យូស» មកពន្យល់ថា តូបសម្រាប់លក់ឬសម្រាកលម្ហែកាយ និងបរិភោគអាហារជាដើម។ ឧទាហរណ៍ដូចជា : ខ្យូសលម្ហែកាយមាត់ទឹក, ខ្យូសប្រក់ស្បូវ។
វចនានុក្រម មិនបានបញ្ជាក់ថា «ខ្យូស» ជាពាក្យកម្ចីពីភាសាបរទេសណាមួយឡើយ ប៉ុន្តែបើតាមការយល់ដឹងរបស់ក្រុមការងារសារព័ត៌មានឌីជីថលថ្មីៗ ពាក្យនេះ អាចចេញពីភាសាបារាំង «Kiosque» ដែលមានការពន្យល់ដូចគ្នា។ រីឯភាសាអង់គ្លេស គឺ «Kiosk» និង «Kyochk» ជាភាសាតួកគី។
សព្វថ្ងៃគេនិយមហៅថា «កញ្ចុះ» ផងដែរ ប៉ុន្តែវចនានុក្រមខ្មែរ២០២២ ផ្តល់និយមន័យដាច់ដោយឡែកមួយទៀត អំពីពាក្យ «កញ្ចុះ»។ កញ្ចុះ គឺឈ្មោះត្រីឥតស្រកាមួយប្រភេទ មានធ្មុងដុះនៅក្រោយត្រចៀកទាំងពីរខាង ធ្មុងមួយដុះនៅលើខ្នង រូបស្រដៀងគ្នានឹងត្រីឆ្លាំង តែតូចជាងត្រីឆ្លាំង។ កញ្ចុះមានបីប្រភេទគឺ កញ្ចុះក្ដោង, កញ្ចុះថ្ម, កញ្ចុះឆ្នូត៕
© រក្សាសិទ្ធិដោយ thmeythmey.com