ជាតិ
ខេត្តកំពង់ចាម ទទួលបានទេសចរជាង១៥ម៉ឺននាក់ នៅថ្ងៃទី១នៃបុណ្យអុំទូក រូបភាពពី៖ រដ្ឋបាលខេត្តកំពង់ចាម
×
ដោយ៖ សែម ប្រាក់ដាវ
ភ្នំពេញ៖ ថ្ងៃទី១ នៃការប្រណាំងទូក បណ្ដែតប្រទីប សំពះព្រះខែ និងអកអំបុក មានភ្ញៀវទេសចរចំនួន ១៥៧ ២៧៥ នាក់ ក្នុងនោះទេសចរអន្តរជាតិមាន ចំនួន ១៩០នាក់។
ខេត្តកំពង់ចាម បានរៀបចំពិធីបុណ្យអុំទូក ចំនួន ២ថ្ងៃ ចាប់ពីថ្ងៃទី២៨-២៩ ខែ តុលា។ នៅថ្ងៃទី១នៃពិធីបុណ្យ ខេត្តមួយនេះ ទទួលបានភ្ញៀវទេសចរ ១៥ ២៧៥នាក់ ក្នុងនោះអ្នកទស្សនាពិធីប្រណាំងទូក មានចំនួន ៣១ ២៤៨នាក់ និងភ្ញៀវទេសចរដែលមកទស្សនាពិធីតាំងពិព័រណ៌ មានចំនួន ១២៣ ០៨៧នាក់ ។ លើសពីនេះ ភ្ញៀវទេសចរដែលមកទស្សនានៅតាមរមណីយដ្ឋាននានាក្នុងខេត្តកំពង់ចាម មានចំនួន ៣ ១៣០នាក់។
ទិដ្ឋភាពក្នុងពិធីប្រណាំងទូកកាលពីថ្ងៃទី២៨តុលា
បើតាមរដ្ឋបាលខេត្តកំពង់ចាម ការប្រណាំងទូក «ង» ក្នុងខេត្តកំពង់ចាម ប្រព្រឹត្តិទៅយ៉ាងរលូន មានភាពសប្បាយរីករាយដល់ភ្ញៀវជាតិ និងអន្តរជាតិ ដែលបានទស្សនាយ៉ាងច្រើនកុះករ នៅតំបន់តាមដងទន្លេមេគង្គ។ លើសពីនេះ នៅតាមតំបន់រមណីយដ្ឋាននីមួយៗ មានសន្តិសុខ សណ្តាប់ធ្នាប់ របៀបរៀបរយល្អ និងរក្សាបរិស្ថានបានយ៉ាងល្អផងដែរ៕
ការប្រណាំងទូក កាលពីថ្ងៃទី២៨តុលា នៅខេត្តកំពង់ចាម
© រក្សាសិទ្ធិដោយ thmeythmey.com