ជាតិ
លោក ទៀ សីហា ផ្តើមទស្សនកិច្ចផ្លូវការលើកដំបូងនៅវៀតណាម ដើម្បីពង្រឹងមិត្តភាព លោក ទៀ សីហា រដ្ឋមន្ត្រីក្រសួងការពារជាតិ។ រូបថតពីហ្វេសប៊ុកលោក ទៀ សីហា
× ភ្នំពេញ៖ លោក ទៀ សីហា រដ្ឋមន្រ្តីក្រសួងការពារជាតិ នឹងចាប់ផ្តើមទស្សនកិច្ចជាមិត្តភាព និងជាផ្លូវការ នៅប្រទេសវៀតណាម ចាប់ពីថ្ងៃទី១២ -១៤ វិច្ឆិកា តាមការអញ្ជើញរបស់លោក ផាន វ៉ាន់យ៉ាង រដ្ឋមន្រ្តីក្រសួងការពារជាតិវៀតណាម។
នេះគឺជាទស្សនិច្ចនៅវៀតណាម លើកដំបូងរបស់ ទៀ សីហា ក្នុងតំណែងជារដ្ឋមន្ត្រីក្រសួងការពារជាតិ។ ក្រសួងការពារជាតិ បញ្ជាក់នៅក្នុងសេចក្ដីប្រកាសព័ត៌មានរបស់ ខ្លួនថាដំណើរទស្សនកិច្ច ធ្វើឡើងក្នុងបំណងពង្រឹងពង្រីកទំនាក់ទំនង មិត្តភាព សាមគ្គីភាព និង កិច្ចសហប្រតិបត្តិការរវាងកងទ័ព និងប្រជាជននៃប្រទេសទាំងពីរ។
អំឡុងទស្សនកិច្ចនេះ លោករដ្ឋមន្រ្តីការពារជាតិកម្ពុជា នឹងជួបពិភាក្សាការងារទ្វេភាគីជាមួយរដ្ឋមន្រ្តីក្រសួងការពារជាតិវៀតណាម និងចូលជួបសម្ដែងកការគួរសមជាមួយថ្នាក់ ដឹកនាំជាន់ខ្ពស់ ប្រធានរដ្ឋ និងនាយករដ្ឋមន្រ្តីវៀតណាមផងដែរ៕
Tag:
ទៀ សីហា
ក្រសួងការពារជាតិ
វៀតណាម
© រក្សាសិទ្ធិដោយ thmeythmey.com