កិច្ចព្រមព្រៀងនេះ បានត្រូវបានចុះដោយ លោក ចាន់ សុខទី ប្រតិភូរដ្ឋាភិបាលកម្ពុជា ទទួលបន្ទុកជាប្រធានអគ្គនាយកក្រុមហ៊ុនហ្រ្គីនត្រេដ នៃក្រសួងពាណិជ្ជកម្ម និងលោក Anibal Carvalho Muniz តំណាងជាន់ខ្ពស់មកពីក្រសួងកិច្ចការសេដ្ឋកិច្ច នៃប្រទេសទីម័រ នៅថ្ងៃទី១៥ វិច្ឆិកា។ 
 

ក្នុងឱកាសនោះ លោក ចាន់ សុខទី បានបញ្ជាក់ថា នេះជាការបើកច្រកទីផ្សារថ្មីមួយបន្ថែម សម្រាប់កម្ពុជាក្នុងវិស័យស្រូវអង្ករ ហើយកម្ពុជាដែលមានក្រសួងពាណិជ្ជកម្មជាសេនាធិការនឹងបន្តខិតខំស្វែងរកទីផ្សារថ្មីៗជាច្រើនទៀត។ 
 

សូមជម្រាបថា កាលពីដើមខែវិច្ឆិកា កម្ពុជាទទួលជោគជ័យលើការនាំចេញអង្ករសប្រមាណ៣,៤ពាន់តោន ទៅកាន់ឥណ្ឌូណេស៊ី ខណៈកិច្ចព្រមព្រៀងរវាងភាគីទាំងនេះមានរហូតដល់ ១២៥ ០០០តោន ឯណោះក្នុងមួយឆ្នាំ៕