តាមការព្យាកររបស់ក្រសួងធនធានទឹក និងឧតុនិយម នៅថ្ងៃទី១៩វិច្ឆិកានេះ តំបន់វាលទំនាប  មានខ្យល់បក់មកពីទិសឦសាន ក្នុងល្បឿនពី ៣-៥ ម៉ែត្រក្នុងមួយវិនាទី ចាប់ពីថ្ងៃទី១៩ ដល់២១ ខែវិច្ឆិកា ។ ក្នុងនោះ តំបន់វាលទំនាបមានសីតុណ្ហភាពអប្បបរមាពី ២២-២៤ អង្សាសេ និងអតិបរមាពី ២៨-៣១ អង្សាសេ។  
 

ទន្ទឹមនឹងនោះ តំបន់ខ្ពង់រាប មានសីតុណ្ហភាពអប្បបរមាពី ១៩-២២ អង្សាសេ និងអតិបរមាពី ២៧-២៩អង្សាសេ។ ស្ថានភាពបែបនេះ នឹងធ្វើឱ្យខ្យល់បក់មកពីទិសឦសាន ក្នុងល្បឿនពី ៧-៩ម៉ែត្រក្នុងមួយវិនាទីផងដែរ។ 
 

ជាមួយគ្នានេះ ខេត្តឧត្តរមានជ័យ ព្រះវិហារ មណ្ឌលគិរី និងខេត្តរតនគិរី ធាតុអាកាសបន្តត្រជាក់នៅពេលព្រឹក ជាមួយនឹងសីតុណ្ហភាពអប្បបរមា ១៩-២០អង្សាសេ។ ដោយឡែក តំបន់មាត់សមុទ្រ សីតុណ្ហភាពអប្បបរមាពី ២៤-២៦ អង្សាសេ និងអតិបរមាពី ២៨-៣០អង្សាសេ ធ្វើឱ្យខ្យល់បក់មកពីទិសឦសានក្នុងល្បឿនពី ៤-៦ម៉ែត្រក្នុងមួយវិនាទី។