រដ្ឋមន្ត្រីក្រសួងការពារជាតិកូរ៉េខាងត្បូងលោក Shin Won-sik មានប្រសាសន៍ថា ការបាញ់ បង្ហោះអាចធ្វើឡើងមុនពេលកូរ៉េខាងត្បូងបាញ់បង្ហោះផ្កាយរណបឈ្លបយកការណ៍ជនជាតិ ដើមដំបូងរបស់ខ្លួននៅលើ Falcon 9 ដែលជារ៉ុក្កែតពីរដំណាក់កាលរបស់ក្រុមហ៊ុនអវកាស អាម៉េរិក SpaceX ពីមូលដ្ឋានទ័ពអវកាស Vandenberg ក្នុងរដ្ឋកាលីហ្វ័រញ៉ានៅថ្ងៃទី៣០ ខែវិច្ឆិកា។

 

«កូរ៉េខាងត្បូង និងអាម៉េរិក កំពុងតាមដានចលនារបស់កូរ៉េខាងជើង។ ការត្រៀមខ្លួនរបស់កូរ៉េ ខាងជើងកំពុងតែប្រព្រឹត្តទៅសម្រាប់ការបាញ់បង្ហោះក្នុងរយៈពេលមួយសប្តាហ៍ ឬ លើសពី នេះ»។ លោក Shin សម្គាល់ក្នុងបទសម្ភាសន៍មួយដែលចាក់ផ្សាយលើកញ្ចក់ទូរទស្សន៍ KBS នៅព្រឹកថ្ងៃដដែលបែបនេះរួចបន្តថា វាត្រូវចំណាយពេលប្រហែលមួយសប្តាហ៍ដើម្បីផ្លាស់ ទីម៉ាស៊ីនពីកន្លែងសាកល្បងទៅកាន់ Tongchang-ri (កន្លែងដាក់ឱ្យដំណើរការ) ហើយ ប្រមូលផ្តុំបន្ទះចាប់ផ្តើម រួចមកចាក់ប្រេងរាវ ។
 

ទន្ទឹមនេះ រដ្ឋមន្ត្រីក្រសួងការពារជាតិរូបនេះ បន្តថា មានការជឿជាក់ថា កូរ៉េខាងជើងស្ទើរតែ បានដោះស្រាយបញ្ហាម៉ាស៊ីនរបស់ខ្លួនដោយមានជំនួយពីរុស្ស៊ី។ កន្លងមកកូរ៉េខាងជើងបានធ្វើ ការប៉ុនប៉ងចំនួនពីរដងដើម្បីដាក់ផ្កាយរណបឈ្លបយកការណ៍ទៅក្នុងគន្លងកាលពីខែឧសភា ម្ដង និងខែសីហាម្ដង។
 

ការកត់សម្គាល់របស់ លោក Shin បានកើតឡើងមួយថ្ងៃបន្ទាប់ពីកូរ៉េខាងជើងខកខានកាល បរិច្ឆេទកំណត់នៅថ្ងៃទី១៨ ខែវិច្ឆិកាដែលរំពឹងទុកយ៉ាងទូលំទូលាយដោយសម្ព័ន្ធមិត្ត និងអ្នក សង្កេតការណ៍សម្រាប់ផែនការដែលបានបញ្ជាក់ក្នុងការដាក់ផ្កាយរណបចារកម្មយោធាទៅក្នុងគន្លង។
 

គួរបញ្ជាក់ថា ក្រោមដំណោះស្រាយទណ្ឌកម្មរបស់ក្រុមប្រឹក្សាសន្តិសុខអង្គការសហប្រជាជាតិ កូរ៉េខាងជើងត្រូវបានហាមប្រាមមិនឱ្យប្រើប្រាស់បច្ចេកវិទ្យាមីស៊ីលបាលីស្ទីកណាមួយឡើយ។យ៉ាងណាមិញ កាលពីដើមខែនេះ កូរ៉េខាងជើងបានកំណត់ «ទិវាឧស្សាហកម្មមីស៊ីល» ដើម្បី ប្រារព្ធខួបនៃការបាញ់សាកល្បងមីស៊ីលផ្លោងអន្តរទ្វីប Hwasong-17 របស់ខ្លួនកាលពីថ្ងៃទី១៩ ខែវិច្ឆិកាឆ្នាំមុន៕