«ប្រទេសជាសមាជិកគុនខ្មែរ ជំរុញយើងឲ្យឈានចូលកម្រិតអាស៊ី Asian Games ដែលស្ថិតក្រោមការគ្រប់គ្រងរបស់អូឡាំពិកអាស៊ី (OCA) ដែលមាន៤៥ប្រទេស ព្រោះយើង ត្រូវបានគេទទួលស្គាល់ ជាកម្រិតក្បាច់គុន ក្នុងការប្រកួតពហុកីឡា និងបានបង្ហាញខ្លួនរួចហើយនៅស៊ីហ្គេម។ ហើយយុទ្ធសាស្ដ្រចុងក្រោយ គឺរុញគុនខ្មែរឲ្យដល់អូឡាំពិកតែម្តង នៅឆ្នាំ២០៣២។»។ នេះជាការបញ្ជាក់របស់លោក វ៉ាត់ ចំរើន មុនបន្ថែមថា មុនឈានដល់ដំណាក់កាលនេះ ប្រជាពលរដ្ឋដែលជាម្ចាស់ក្បាច់គុនរបស់ខ្លួន ត្រូវតែបង្ហាញការគាំទ្រ អភិរក្ស អភិវឌ្ឍន៍ ទាំងអស់គ្នាជាមុនសិន ទើបអ្វីៗសម្រេចបានផ្លែផ្កា។
  

ការ​ប្រកួត​គុន​ខ្មែរ​ជ្រើសរើស​ជើងឯក​ពិភពលោក​លើកទី៤ ឆ្នាំ២០២៣ ដែល​នឹង​រៀបចំ​ឡើង​នៅមុខប្រាសាទអង្គរ​ ពីថ្ងៃទី២៦ ដល់២៨ ខែវិច្ឆិកា ជា​ផ្នែក​មួយ​ក្នុង​ការ​​ផ្សព្វផ្សាយ​ប្រដាល់​ដូនតាខ្មែរនេះ ​ទៅ​កាន់​ពិភពលោក។​ ​ព្រឹត្តិការណ៍​នេះ​ ត្រូវរៀបចំឱ្យបាន​ទៀងទាត់​​ដើម្បី​ឱ្យស្រប​តាមគោលការណ៍​ឈាន​ទៅឱ្យ​​OCA ​ទទួល​ស្គាល់​ មុនដល់កម្រិតអូឡាំពិក។​
 

នៅក្រោយការប្រកួតពិភពលោកនេះ លោក វ៉ាត់ ចំរើន ជឿជាក់ថា សហព័ន្ធកីឡាប្រដាល់គុនខ្មែរអន្ដរជាតិ នឹងទទួលបានសមាជិកបន្ថែមទៀត លើសមាជិកបច្ចុប្បន្ន ដែលមានជាង ៦០ប្រទេសសមាជិក៕