ជាតិ
ពន្យល់ពាក្យ
សោ៖ ចាក់សោ, គម្រក់, ខ្សោយកម្លាំង, បងថ្លៃស្រី, ប្រដាប់មួល រឹត
×
«សោ» មានន័យផ្សេងៗគ្នា។ នេះបើតាមការពន្យល់ក្នុងវចនានុក្រមខ្មែរ២០២២របស់ក្រុមប្រឹក្សាជាតិភាសាខ្មែរ នៃរាជបណ្ឌិត្យសភាកម្ពុជា។
«សោ» នាមសព្ទ៖ ប្រដាប់ធ្វើដោយដែកឬស្ពាន់ មានមេមានកូនសម្រាប់ចាក់បិទត្រង់កន្លែងសម្រាប់បើកបិទ (មានទ្វារជាដើម) មិនឱ្យបើកបាន : មេសោ, កូនសោ, ចាក់សោ។
«សោ» គុណសព្ទ៖ គម្រក់; ល្ងង់; មិនបានការ : គំនិតសោ។
«សោ» កិរិយាសព្ទ៖ អ្នកស្រុកខ្លះប្រើពាក្យ សោ ថា ខ្សោយកម្លាំង : ខ្ញុំវាសោណាស់ទៅហើយ ដើរទៅទៀតពុំកើតទេ។
«សោ» នាមសព្ទ៖ ប្រដាប់ប្រើសម្រាប់មួល រឹត ដោះខ្ចៅ ជាដើម : សោមានច្រើនសណ្ឋាន សោចិញ្ចៀន សោចម្ពាម សោខ្សៀ។
- «សោខ្សៀ» ជាសោសម្រាប់ដោះខ្ចៅមានរាងដូចខ្សៀ។ ក្នុងសោមួយមានទំហំតែមួយទេទាំងគល់ទាំងចុង តែអាចប្រើសម្រាប់លូកចូលទៅដោះខ្ចៅក្នុងស្ថានភាពខុសៗគ្នា។
- «សោចម្ពាម» ជាសោសម្រាប់ដោះខ្ចៅមានរាងដូចចម្ពាម ហើយក្នុងសោមួយច្រើនមានទំហំចម្ពាមពីរលេខខុសៗគ្នា។
- «សោចិញ្ចៀន» ជាសោសម្រាប់ដោះខ្ចៅមានប្រហោងមួលរាងដូចចិញ្ជៀន។ គេប្រើវាសម្រាប់ដោះខ្ចៅដែលជាប់ខ្លាំង។
«សោ» នាមសព្ទ៖ ពាក្យចិនសម្រាប់ហៅបងថ្លៃស្រី៕
© រក្សាសិទ្ធិដោយ thmeythmey.com