ចំណុចសំខាន់ពីរ ដែលក្រសួងរ៉ែ នឹងរឹតបន្ដឹងតាមការដ្ឋានរ៉ែ គឺមិនអនុញ្ញាតឱ្យលេចចេញសារធាតុពុលណាមួយចេញពីការដ្ឋាន ទៅចូលក្នុងអូរ ស្ទឹង ទន្លេ បង្កផលប៉ះពាលដល់សុខភាពពលរដ្ឋឡើយ។ មួយទៀត គឺត្រូវតែយកចិត្តទុកដាក់លើសុវត្ថិភាពកម្មករតាមការដ្ឋានរ៉ែ។ 

 

លើសពីនេះ លោក កែវ រតនៈ អះអាងថា ក្នុងអាណត្តិនេះ រដ្ឋាភិបាល នឹងខិតខំប្រមូលចំណូលពីធនធានរ៉ែឱ្យអស់លទ្ធភាព ដើម្បីអភិវឌ្ឍសង្គមជាតិ។ ជាមួយគ្នាដែរ លោកសង្កត់ធ្ងន់ថា រដ្ឋាភិបាលមានគោលដៅចាត់វិធានការដ្ឋានរ៉ែអនាធិបតេយ្យ៕