ក្រុមការងាររៀបចំផែនការធនធានមនុស្ស ក្នុងវិស័យយុត្តិធម៌ មានតួនាទីពិនិត្យ សិក្សា និងវាយតម្លៃ ពីតម្រូវការធនធានមនុស្ស ក្នុងវិស័យយុត្តិធម៌ ដោយផ្អែកលើរចនាសម្ព័ន្ធ របស់ស្ថាប័ន និងចំនួនមន្ត្រីដែលមានស្រាប់។ ជាពិសេសត្រូវសិក្សា វាយតម្លៃ និងវិភាគ មុខងាររបស់រចនាសម្ព័ន្ធចំណុះក្រសួងយុត្តិធម៌ និងសាលាជម្រះក្ដី គ្រប់ជាន់ថ្នាក់ និងការប្រើប្រាស់ធនធានមនុស្សក្នុងវិស័យយុត្តិធម៌។ 

 

ក្រុមការងាររៀបចំផែនការធនធានមនុស្ស ក្នុងវិស័យយុត្តិធម៌ មានភារកិច្ច រៀបចំផែនការធនធានមនុស្សក្នុងវិស័យយុត្តិធម៌ឆ្នាំ២០២៤-២០២៨ ដើម្បីឆ្លើយតបទៅនឹងស្ថានភាព និងតម្រូវការធនធានមនុស្សក្នុងវិស័យយុត្តិធម៌។ ទន្ទឹមនឹងនេះ គឺធ្វើរបាយការណ៍វឌ្ឍនភាពការងារ ជាប្រចាំជូនរដ្ឋមន្ត្រីក្រសួងយុត្តិធម៌៕