ជាតិ
ពន្យល់ពាក្យ
«ចង្ហាយ» មានន័យខុសពី «ចំហាយ» រីឯ «ចម្ហាយ» គ្មានក្នុងវចនានុក្រម
× ស្មេរមួយចំនួន បានសរសេរពាក្យ «ចង្ហាយ» ឬ «ចម្ហាយ» បង្ហោះលើបណ្តាញសង្គម ដោយយល់ច្រឡំថា ពាក្យនេះ ជាព្យាង្គតម្រួតនៃពាក្យ «ចំហាយ»។ តាមវចនានុក្រមខ្មែរសម្តេចព្រះសង្ឃរាជ ជួន ណាត ក៏ដូចជាវចនានុក្រមខ្មែរ២០២២របស់ក្រុមប្រឹក្សាជាតិភាសាខ្មែរ ពាក្យទាំងពីរ មានន័យខុសគ្នាទាំងស្រុង។
«ចំហាយ» មានន័យពីរបែប គឺ កម្លាំងកម្សួលក្ដៅឬត្រជាក់ដែលផ្សាយចេញមក : ចំហាយភ្លើង, ចំហាយទឹកទន្លេ។ ន័យមួយទៀត សំដៅលើឥទ្ធិពលនៃអ្វីមួយ ដែលនៅបន្តមានសេសសល់នាពេលខាងក្រោយ : ចំហាយនៃពិធីចូលឆ្នាំខ្មែរ។
«ចង្ហាយ» ជាប្រដាប់ធ្វើដោយឈើ ឬ ឫស្សីមានតម្ពក់សម្រាប់ឆាយចំបើង, ឆាយស្មៅ។ រីឯពាក្យ «ចម្ហាយ» មិនមាននៅក្នុងវចនានុក្រមទេ។ ដូច្នេះ ការសរសេរថា សល់ចម្ហាយ ឬ សល់ចង្ហាយ មិនត្រឹមត្រូវនោះឡើយ៕
© រក្សាសិទ្ធិដោយ thmeythmey.com