អ្នកស្រី អុក​ យ៉ុន ជាគ្រួសារមួយក្នុងចំណោមគ្រួសារពលរដ្ឋ៣២ នៃសហគមន៍ឃុំកំពង់ភ្លុក ដែលមានរបៀបក្នុងការទុកដាក់សំរាមបានត្រឹមត្រូវ។ អ្នកស្រីបានច្នៃស្បៃមង ដេរភ្ជាប់ជាកន្រ្តក​ញែកសំរាម គួរឱ្យទាក់ទាញ។ ស្រ្តីវ័យ៥៨ឆ្នាំរូបនេះ ក៏ទទួលបានចំណាត់លេខ១ផងដែរ ជាពលរដ្ឋដែលមានភាពស្អាត និងមិនបោះបង់សំរាមចោល​ផ្ដេសផ្ដាស។​ កំឡុងព្រឹត្តិការណ៍បុណ្យទន្លេនៅកំពង់ភ្លុកក្នុងខែ មិថុនា ឆ្នាំ២០២៣ អ្នកស្រី អុក យ៉ុន បានថវិកាចំនួន១លានរៀលពីគណៈកម្មការរៀបចំពិធី និងអង្គការគាំទ្រ។