បើតាមសេចក្ដីអំពាវនាវរបស់ក្រសួងអប់រំ ពិធីបើកការប្រឡង នឹងប្រព្រឹត្តិទៅនៅថ្ងៃទី១២ ខែឧសភា នាវេលាម៉ោង៨ព្រឹក។ ឯពិធីបិទ និងចែកវិញ្ញាបនបត្រ និងរង្វាន់ជ័យលាភី នឹងប្រព្រឹត្តទៅនៅថ្ងៃទី១៦ ខែឧសភា នាវេលាម៉ោង ១៤:០០រសៀល នៅវិទ្យាល័យ ជាស៊ីម សន្ធរម៉ុក រាជធានីភ្នំពេញ។ ។ 
 

ការប្រឡងសិស្សពូកែទូទាំងប្រទេសនេះ ក្រសួងអប់រំ រៀបចំឡើងដើម្បីលើកកម្ពស់គុណភាពអប់រំ តាមរយៈការអភិវឌ្ឍធនធានមនុស្ស ដែលមានចំណេះដឹង និងលើកកម្ពស់ជំនាញប្រកបដោយសមត្ថភាពខ្ពស់។
 

ជាមួយគ្នានេះ ក្រសួងអប់រំ បានអំពាវនាវ ដល់សាធារណជនឱ្យជួយឧបត្ថម្ភជាថវិកា សម្ភារៈ សម្រាប់ជារង្វាន់ និងការលើកទឹកចិត្តបន្ថែម ដល់ម្ចាស់ជ័យលាភីសិស្សពូកែទូទាំងប្រទេស ដើម្បីជំរុញចលនានេះ ឱ្យកាន់តែមានប្រសិទ្ធភាពខ្ពស់ នៅឆ្នាំបន្ទាប់៕