ជាតិ
បទវិភាគ
×![]()
ដោយ: លីម តុលា
ភ្នំពេញ៖ ពេលវេលានៃឆ្នាំចាស់បានកន្លងផុតទៅមែន។ ប៉ុន្តែបញ្ហាជាច្រើនត្រូវបានបន្សល់ទុកដោយរដ្ឋាភិបាលដោះស្រាយមិនទាន់ចេញ។ ជាការពិត បើទោះបីជាបញ្ហាមានច្រើនមែនក៏ដោយក្តី ប៉ុន្តែ សមិទ្ធផលមួយចំនួនក៏ត្រូវបានសម្រេចផងដែរដោយរដ្ឋាភិបាលដែលដឹកនាំដោយគណបក្សប្រជាជនកម្ពុជា។ តើអ្វីខ្លះជាសមិទ្ធផល និងអ្វីខ្លះជាការប្រឈម? 
តាមរយៈការទទួលស្គាល់ចំណុចខ្វះខាតរបស់ខ្លួន គណបក្សប្រជាជនកម្ពុជាដែលបន្តដឹកនាំរដ្ឋាភិបាល បានសម្រេចចិត្តកែទម្រង់ស៊ីជម្រៅសម្រាប់អាណត្តិទី៥នេះ។ កំណែទម្រង់ធំៗដែលរាស្ត្រខ្មែរមើលឃើញមុនគេ គឺគណបក្សប្រជាជនកម្ពុជាបានចាក់បញ្ចូលឈាមថ្មី(យុវជនបក្ស)ទៅក្នុងជួររដ្ឋាភិបាលចាស់ ដែលមន្ត្រីភាគច្រើនបានដឹកនាំប្រទេសតាំងពីក្រោយឆ្នាំ១៩៧៩មកម្ល៉េះ ។
នៅក្នុងជួររដ្ឋាភិបាលថ្មីអាណត្តិទី៥របស់គណបក្សប្រជាជនកម្ពុជា គេសង្កេតឃើញមានរដ្ឋមន្ត្រីវ័យក្មេង និងវ័យកណ្តាលសម្រាប់ដឹកនាំក្រសួងមួយចំនួន ក្នុងនោះមាន លោក សាយ សំអាល់ រដ្ឋមន្ត្រីក្រសួងបរិស្ថាន, លោក ហង់ ជួនណារ៉ុន រដ្ឋមន្ត្រីក្រសួងអប់រំ, លោក អូន ព័ន្ធមុន្នីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ, លោក ស៊ុន ចាន់ថុល រដ្ឋមន្ត្រីក្រសួងពាណិជ្ជកម្ម។ល។
ក្រៅពីនោះ រដ្ឋមន្ត្រីមួយចំនួនធំស្ថិតក្នុងវ័យចំណាស់បន្តិចហើយ។ ដោយមិននិយាយពីធនធនមនុស្សក្នុងក្របខ័ណ្ឌតំណែងរដ្ឋមន្ត្រី គេក៏សង្កេតឃើញផងដែរ តំណាងរាស្ត្រវ័យក្មេងរបស់គណបក្សប្រជាជនកម្ពុជា និងធនធានមនុស្សវ័យក្មេងមួយចំនួនផ្សេងទៀតត្រូវបានតែងតាំងនៅក្នុងតំណែងផ្សេងៗនៅក្នុងរដ្ឋបាលរបស់លោក ហ៊ុន សែន។
នៅក្នុងវិស័យអប់រំ កំណែទម្រង់ពេលប្រឡងបាក់ឌុបត្រូវបានមហាជនទូទាំងប្រទេសកម្ពុជាសាទរ និងគាំទ្រយ៉ាងពេញទំហឹង។ មិនត្រឹមតែប៉ុណ្ណោះ ប្រាក់បៀវត្សរ៍គ្រូបង្រៀន និងមន្ត្រីរាជការផ្សេងៗទៀតក៏ត្រូវបានរដ្ឋាភិបាលថ្មីសម្រួលដំឡើងអោយបានគួរសមផងដែរ។
នៅក្នុងសេវាសាធារណៈជាទូទៅវិញ មន្ត្រីរាជការថ្នាក់ក្រោមចាប់ផ្តើមបម្រើប្រជាពលរដ្ឋសកម្មជាងមុន ដោយទារកម្រៃជើងសារតិចជាងមុន បើទោះបីជាអំពើផ្តេសផ្តាសមួយចំនួននៅតែមានក្តី។ មន្ត្រីរាជការថ្នាក់ក្រោម ថ្នាក់កណ្តាល និងថា្នក់លើគោរពការងាររដ្ឋច្រើនជាងមុន។ មន្ត្រីចេះព្រួយបារម្ភពីការងាររដ្ឋ ពីព្រោះ ពួកគេខ្លាចទទួលទោសរដ្ឋបាលច្រើនជាងមុន។ មន្ត្រីរាជការខ្លះ ចាប់ផ្តើមចេះអៀនខ្មាសចំពោះមហាជន នៅពេលដែលពួកគេនៅបន្តមានវត្តមាននៅក្នុងហាងស្រស់ស្រូបអាហារពេលព្រឹក ក្នុងខណៈពេលដែលម៉ោងការងាររបស់រដ្ឋបានចាប់ផ្តើមហើយនោះ។ អំពើពុករលួយត្រូវបានកាត់បន្ថយខ្លះ និងលែងសូវសម្ញែងដូចមុន។
អង្គភាពប្រឆាំងអំពើពុករលួយបានដំណើរការដោយរលូន និងបានចាប់ខ្លួនជនពុករលួយមួយចំនួនចាប់តាំងពីការបង្កើតស្ថាប័ននេះនៅឆ្នាំ២០១០ កន្លងមក។
គណបក្សប្រឆាំងមានសិទ្ធិកោះហៅមន្ត្រីជាន់ខ្ពស់នៃរដ្ឋាភិបាលមកសាកសួរទៅតាមកាលវិភាគរបស់រដ្ឋសភាជាតិ។ រដ្ឋាភិបាលអនុញ្ញាតអោយបង្កើតច្បាប់ស្តីពីសិទ្ធិទទួលបានព័ត៌មានអោយចប់នៅមុនដំណាច់ឆ្នាំ២០១៨ ។ រដ្ឋាភិបាលបាន និងកំពុងបន្តតែងតាំងអ្នកនាំពាក្យតាមក្រសួងស្ថាប័នរដ្ឋអោយបានច្រើនជាងមុន។ លំហូរព័ត៌មានកាន់តែទំលំទូលាយជាងមុន។
មិនត្រឹមតែប៉ុណ្ណោះ រដ្ឋាភិបាលអនុញ្ញាតអោយមានវត្តមានទូរទស្សន៍កាន់កាប់ដោយបក្សប្រឆាំង។ លើសពីនេះទៅទៀត មេដឹកនាំគណបក្សប្រឆាំងត្រូវបានតែងតាំងអោយមានឋានៈស្មើនឹងនាយករដ្ឋមន្ត្រីក្នុងការចរចា ឬសន្ទនាពីកិច្ចការប្រទេសជាតិនានាជាមួយនាយករដ្ឋមន្ត្រីក្នុងតំណែង។
ចំពោះស្ថាប័នរៀបចំការបោះឆ្នោត តាមសំណើររបស់មហាជន សង្គមស៊ីវិល និងគណបក្សប្រឆាំង គណៈកម្មការជាតិរៀបចំការបោះឆ្នោតត្រូវបានធ្វើការកែទម្រង់ស៊ីជម្រៅដោយគណបក្សប្រជាជនកម្ពុជា និងគណបក្សសង្គ្រោះជាតិសម្រាប់ការបោះឆ្នោតឆ្នាំ២០១៧ និង២០១៨ ខាងមុខនេះ។ និយាយជារួម សមិទ្ធផលលេចធ្លោជាងគេ គឺដំណោះស្រាយនយោបាយរវាងបក្សប្រឆាំង និងបក្សប្រជាជនកម្ពុជាក្នុងឆ្នាំ២០១៤កន្លងមក។
ងាកមកនិយាយពីបញ្ហាសង្គមសេដ្ឋកិច្ចវិញ គេសង្កេតឃើញថា រដ្ឋាភិបាលបានសម្រេចបង្ខំអោយក្រុមហ៊ុនប្រេងបញ្ចុះតម្លៃប្រេងសាំង។ រដ្ឋាភិបាលព្យាយាមដោះស្រាយវិវាទដីធ្លី និងជំរុញការដកហូតអាជ្ញាប័ណ្ណមួយចំនួនពីក្រុមហ៊ុនណាដែលមិនបានធ្វើសកម្មភាព។ ហេដ្ឋារចនាសម្ព័ន្ធ ដូចជា ស្ពាន ផ្លូវថ្នល់ ប្រព័ន្ធធារាសាស្ត្រ ត្រូវបានសាង់សង់ជាបន្តបន្ទាប់ ហើយវានឹងអាចផ្តល់ផលនៅឆ្នាំខាងមុខៗនេះ។
បើទោះបីជារដ្ឋាភិបាលសម្រេចបានកំណែទម្រងខ្លះក៏ដោយ ក៏បញ្ហាជាច្រើននៅតែបន្តកើតមានឡើងនៅក្នុងសង្គមខ្មែរដដែល។ បញ្ហាទាំងនោះជារួមមាន៖ ទី១ បញ្ហាដីធ្លី។ទី២ បញ្ហាអំពើពុករលួយ។ ទី៣ ប្រព័ន្ធតុលាការមិនឯករាជ្យ។ ទី៤ វិស័យសុខាភិបាលនៅទន់ខ្សោយ។ ទី៥ អត្រាអ្នកគ្មានការងារស្ថិតនៅក្នុងកម្រិតខ្ពស់។ ទី៦ គម្លាតអ្នកមាន និងអ្នកក្រីក្រកាន់តែរីកធំឡើង។ ទី៧ គុណភាពអប់រំនៅមានកម្រិត។ ទី៨ ជំនួញមួយចំនួនធំស្ថិតក្នុងកណ្តាប់ដៃឈ្មួញបរទេស។ ទី៩ មនុស្សចាស់រស់នៅក្នុងក្តីអស់សង្ឃឹម។ ទី១០ ចំនួនអ្នកគ្មានទីជម្រកចេះតែកើនឡើង។ ទី១១ ទីផ្សារខ្មែរគ្របដណ្តប់ដោយផលិតផលបរទេសស្ទើរ៩០ភាគរយ។
សរុបសេចក្តីមកវិញ សមិទ្ធផលឆ្នាំចាស់ដែលស្តែងឡើង ទំនងជាមានទំហំតូចជាងបញ្ហាដែលត្រូវបានបន្សល់ទុកដោយឆ្នាំចាស់។ តើរដ្ឋាភិបាលអាចដោះស្រាយបញ្ហាចាក់ស្រែះពីឆ្នាំ២០១៤នៅឆ្នាំ២០១៥បានដែរឬទេ? នេះជាសំណួរដែលពលរដ្ឋខ្មែរទាំងអស់គ្នាត្រូវទន្ទឹងរង់ចាំមើល៕
តាមរយៈការទទួលស្គាល់ចំណុចខ្វះខាតរបស់ខ្លួន គណបក្សប្រជាជនកម្ពុជាដែលបន្តដឹកនាំរដ្ឋាភិបាល បានសម្រេចចិត្តកែទម្រង់ស៊ីជម្រៅសម្រាប់អាណត្តិទី៥នេះ។ កំណែទម្រង់ធំៗដែលរាស្ត្រខ្មែរមើលឃើញមុនគេ គឺគណបក្សប្រជាជនកម្ពុជាបានចាក់បញ្ចូលឈាមថ្មី(យុវជនបក្ស)ទៅក្នុងជួររដ្ឋាភិបាលចាស់ ដែលមន្ត្រីភាគច្រើនបានដឹកនាំប្រទេសតាំងពីក្រោយឆ្នាំ១៩៧៩មកម្ល៉េះ ។
នៅក្នុងជួររដ្ឋាភិបាលថ្មីអាណត្តិទី៥របស់គណបក្សប្រជាជនកម្ពុជា គេសង្កេតឃើញមានរដ្ឋមន្ត្រីវ័យក្មេង និងវ័យកណ្តាលសម្រាប់ដឹកនាំក្រសួងមួយចំនួន ក្នុងនោះមាន លោក សាយ សំអាល់ រដ្ឋមន្ត្រីក្រសួងបរិស្ថាន, លោក ហង់ ជួនណារ៉ុន រដ្ឋមន្ត្រីក្រសួងអប់រំ, លោក អូន ព័ន្ធមុន្នីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ, លោក ស៊ុន ចាន់ថុល រដ្ឋមន្ត្រីក្រសួងពាណិជ្ជកម្ម។ល។
ក្រៅពីនោះ រដ្ឋមន្ត្រីមួយចំនួនធំស្ថិតក្នុងវ័យចំណាស់បន្តិចហើយ។ ដោយមិននិយាយពីធនធនមនុស្សក្នុងក្របខ័ណ្ឌតំណែងរដ្ឋមន្ត្រី គេក៏សង្កេតឃើញផងដែរ តំណាងរាស្ត្រវ័យក្មេងរបស់គណបក្សប្រជាជនកម្ពុជា និងធនធានមនុស្សវ័យក្មេងមួយចំនួនផ្សេងទៀតត្រូវបានតែងតាំងនៅក្នុងតំណែងផ្សេងៗនៅក្នុងរដ្ឋបាលរបស់លោក ហ៊ុន សែន។
នៅក្នុងវិស័យអប់រំ កំណែទម្រង់ពេលប្រឡងបាក់ឌុបត្រូវបានមហាជនទូទាំងប្រទេសកម្ពុជាសាទរ និងគាំទ្រយ៉ាងពេញទំហឹង។ មិនត្រឹមតែប៉ុណ្ណោះ ប្រាក់បៀវត្សរ៍គ្រូបង្រៀន និងមន្ត្រីរាជការផ្សេងៗទៀតក៏ត្រូវបានរដ្ឋាភិបាលថ្មីសម្រួលដំឡើងអោយបានគួរសមផងដែរ។
នៅក្នុងសេវាសាធារណៈជាទូទៅវិញ មន្ត្រីរាជការថ្នាក់ក្រោមចាប់ផ្តើមបម្រើប្រជាពលរដ្ឋសកម្មជាងមុន ដោយទារកម្រៃជើងសារតិចជាងមុន បើទោះបីជាអំពើផ្តេសផ្តាសមួយចំនួននៅតែមានក្តី។ មន្ត្រីរាជការថ្នាក់ក្រោម ថ្នាក់កណ្តាល និងថា្នក់លើគោរពការងាររដ្ឋច្រើនជាងមុន។ មន្ត្រីចេះព្រួយបារម្ភពីការងាររដ្ឋ ពីព្រោះ ពួកគេខ្លាចទទួលទោសរដ្ឋបាលច្រើនជាងមុន។ មន្ត្រីរាជការខ្លះ ចាប់ផ្តើមចេះអៀនខ្មាសចំពោះមហាជន នៅពេលដែលពួកគេនៅបន្តមានវត្តមាននៅក្នុងហាងស្រស់ស្រូបអាហារពេលព្រឹក ក្នុងខណៈពេលដែលម៉ោងការងាររបស់រដ្ឋបានចាប់ផ្តើមហើយនោះ។ អំពើពុករលួយត្រូវបានកាត់បន្ថយខ្លះ និងលែងសូវសម្ញែងដូចមុន។
អង្គភាពប្រឆាំងអំពើពុករលួយបានដំណើរការដោយរលូន និងបានចាប់ខ្លួនជនពុករលួយមួយចំនួនចាប់តាំងពីការបង្កើតស្ថាប័ននេះនៅឆ្នាំ២០១០ កន្លងមក។
គណបក្សប្រឆាំងមានសិទ្ធិកោះហៅមន្ត្រីជាន់ខ្ពស់នៃរដ្ឋាភិបាលមកសាកសួរទៅតាមកាលវិភាគរបស់រដ្ឋសភាជាតិ។ រដ្ឋាភិបាលអនុញ្ញាតអោយបង្កើតច្បាប់ស្តីពីសិទ្ធិទទួលបានព័ត៌មានអោយចប់នៅមុនដំណាច់ឆ្នាំ២០១៨ ។ រដ្ឋាភិបាលបាន និងកំពុងបន្តតែងតាំងអ្នកនាំពាក្យតាមក្រសួងស្ថាប័នរដ្ឋអោយបានច្រើនជាងមុន។ លំហូរព័ត៌មានកាន់តែទំលំទូលាយជាងមុន។
មិនត្រឹមតែប៉ុណ្ណោះ រដ្ឋាភិបាលអនុញ្ញាតអោយមានវត្តមានទូរទស្សន៍កាន់កាប់ដោយបក្សប្រឆាំង។ លើសពីនេះទៅទៀត មេដឹកនាំគណបក្សប្រឆាំងត្រូវបានតែងតាំងអោយមានឋានៈស្មើនឹងនាយករដ្ឋមន្ត្រីក្នុងការចរចា ឬសន្ទនាពីកិច្ចការប្រទេសជាតិនានាជាមួយនាយករដ្ឋមន្ត្រីក្នុងតំណែង។
ចំពោះស្ថាប័នរៀបចំការបោះឆ្នោត តាមសំណើររបស់មហាជន សង្គមស៊ីវិល និងគណបក្សប្រឆាំង គណៈកម្មការជាតិរៀបចំការបោះឆ្នោតត្រូវបានធ្វើការកែទម្រង់ស៊ីជម្រៅដោយគណបក្សប្រជាជនកម្ពុជា និងគណបក្សសង្គ្រោះជាតិសម្រាប់ការបោះឆ្នោតឆ្នាំ២០១៧ និង២០១៨ ខាងមុខនេះ។ និយាយជារួម សមិទ្ធផលលេចធ្លោជាងគេ គឺដំណោះស្រាយនយោបាយរវាងបក្សប្រឆាំង និងបក្សប្រជាជនកម្ពុជាក្នុងឆ្នាំ២០១៤កន្លងមក។
ងាកមកនិយាយពីបញ្ហាសង្គមសេដ្ឋកិច្ចវិញ គេសង្កេតឃើញថា រដ្ឋាភិបាលបានសម្រេចបង្ខំអោយក្រុមហ៊ុនប្រេងបញ្ចុះតម្លៃប្រេងសាំង។ រដ្ឋាភិបាលព្យាយាមដោះស្រាយវិវាទដីធ្លី និងជំរុញការដកហូតអាជ្ញាប័ណ្ណមួយចំនួនពីក្រុមហ៊ុនណាដែលមិនបានធ្វើសកម្មភាព។ ហេដ្ឋារចនាសម្ព័ន្ធ ដូចជា ស្ពាន ផ្លូវថ្នល់ ប្រព័ន្ធធារាសាស្ត្រ ត្រូវបានសាង់សង់ជាបន្តបន្ទាប់ ហើយវានឹងអាចផ្តល់ផលនៅឆ្នាំខាងមុខៗនេះ។
បើទោះបីជារដ្ឋាភិបាលសម្រេចបានកំណែទម្រងខ្លះក៏ដោយ ក៏បញ្ហាជាច្រើននៅតែបន្តកើតមានឡើងនៅក្នុងសង្គមខ្មែរដដែល។ បញ្ហាទាំងនោះជារួមមាន៖ ទី១ បញ្ហាដីធ្លី។ទី២ បញ្ហាអំពើពុករលួយ។ ទី៣ ប្រព័ន្ធតុលាការមិនឯករាជ្យ។ ទី៤ វិស័យសុខាភិបាលនៅទន់ខ្សោយ។ ទី៥ អត្រាអ្នកគ្មានការងារស្ថិតនៅក្នុងកម្រិតខ្ពស់។ ទី៦ គម្លាតអ្នកមាន និងអ្នកក្រីក្រកាន់តែរីកធំឡើង។ ទី៧ គុណភាពអប់រំនៅមានកម្រិត។ ទី៨ ជំនួញមួយចំនួនធំស្ថិតក្នុងកណ្តាប់ដៃឈ្មួញបរទេស។ ទី៩ មនុស្សចាស់រស់នៅក្នុងក្តីអស់សង្ឃឹម។ ទី១០ ចំនួនអ្នកគ្មានទីជម្រកចេះតែកើនឡើង។ ទី១១ ទីផ្សារខ្មែរគ្របដណ្តប់ដោយផលិតផលបរទេសស្ទើរ៩០ភាគរយ។
សរុបសេចក្តីមកវិញ សមិទ្ធផលឆ្នាំចាស់ដែលស្តែងឡើង ទំនងជាមានទំហំតូចជាងបញ្ហាដែលត្រូវបានបន្សល់ទុកដោយឆ្នាំចាស់។ តើរដ្ឋាភិបាលអាចដោះស្រាយបញ្ហាចាក់ស្រែះពីឆ្នាំ២០១៤នៅឆ្នាំ២០១៥បានដែរឬទេ? នេះជាសំណួរដែលពលរដ្ឋខ្មែរទាំងអស់គ្នាត្រូវទន្ទឹងរង់ចាំមើល៕
© រក្សាសិទ្ធិដោយ thmeythmey.com
