ជាតិ
ព្រះពុទ្ធ៖ សេចក្ដីមិនប្រមាទ ជាផ្លូវនៃសេចក្ដីមិនស្លាប់
× ជាង ២៥០០ ឆ្នាំមកហើយ ដែលព្រះសម្មាសម្ពុទ្ធ បានសម្តែងធម៌ ទស្សនៈ ឬឱវាទ ដើម្បីជាគន្លឹះក្នុងការរស់នៅរបស់មនុស្ស សម្រាប់ឲ្យពួកគេគិតពិចារណា។ ក្នុងចំណោម ទស្សនៈជាច្រើនរបស់ព្រះអង្គ ក៏មានទស្សនៈមួយដែលទ្រង់សម្តែងអំពីគ្រោះថា្នក់នៅពេលដែលមនុស្សមានសេចក្តីប្រមាទនៅក្នុងខ្លួន ពោលគឺធ្វេសប្រហេសគ្រប់ពេល។ ការធ្វេសប្រហេស ការប្រមាទ ដែលព្រះពុទ្ធត្រាស់ថា ជាផ្លូវនៃសេចក្តីស្លាប់ ។
ព្រះសម្មាសម្ពុទ្ធ បានត្រាស់សម្តែងដល់មនុស្សទាំងឡាយយ៉ាងនេះថា ៖« សេចក្ដីមិនប្រមាទ ជាផ្លូវនៃសេចក្ដីមិនស្លាប់ សេចក្ដីប្រមាទជាផ្លូវនៃសេចក្ដីស្លាប់។ អ្នកដែលមិនប្រមាទហើយឈ្មោះថាមិនស្លាប់ អ្នកដែលប្រមាទហើយប្រៀបដូចជាបុគ្គលដែលស្លាប់ទៅហើយ។ បណ្ឌិតទាំងឡាយដឹងរឿងនេះ ដោយវិសេសហើយ ទើបតាំងនៅក្នុងសេចក្ដីមិនប្រមាទ រីករាយក្នុងសេចក្ដីមិនប្រមាទ ត្រេកអរក្នុងធម៌ជាទីគោចរ របស់ព្រះអរិយៈទាំងឡាយ បណ្ឌិត អ្នកមិនប្រមាទទាំងនេះ ជាអ្នកបានឈានមានសេចក្ដីព្យាយាមមានការប្រឹងប្រែងជាប់ជានិច្ច ជាអ្នកប្រាជ្ញ តែងពាល់ត្រូវនូវព្រះនិព្វានដែលជាឋានក្សេមចាកយោគៈដ៏ប្រសើរ » ។ © រក្សាសិទ្ធិដោយ thmeythmey.com