ជាតិ
«យុវជនដើម្បីវប្បធម៌ជាតិ» ជាប្រធានបទនៃទិវាវប្បធម៌ជាតិ៣មិនា
×
រាជរដ្ឋាភិបាលកម្ពុជា បានចេញសារាចរណែនាំស្តីពីការរៀបចំទិវាវប្បធម៌៣មិនា លើកទី១៧ឆ្នាំ២០១។ទិវាវប្បធម៌៣មិនាគឺជាទិវាដ៏សំខាន់របស់ជាតិ ដែលកម្ពុជាតែងប្រារព្ធធ្វើជារៀងរាល់ឆ្នាំ ក្នុងគោលបំណងរំលឹកដល់គុណុបការៈនិងស្នាដៃដ៏ធំធេងនៃបុព្វបុរសយើងដែលបានបន្សល់ទុកនូវមរតកវប្បធម៌ដ៏សម្បូរបែបសម្រាប់អ្នកជំនាន់ក្រោយ និងជាទិវាបង្កើននូវសេចក្តីស្រឡាញ់ ព្រមទាំងស្មារតីចូលរួមថែរក្សាការពារសម្បត្តិ ទាំងរូបី និងអរូបី ឲ្យស្ថិតស្ថេរគង់វង្ស។
សារាចរដែលចុះហត្ថលេខាដោយ លោកនាយករដ្ឋមន្ត្រីហ៊ុនសែន បានកំណត់យក«យុវជនដើម្បីវប្បធម៌ជាតិ» គឺជាប្រធានបទនៅក្នុងទិវាវប្បធម៌ជាតិ៣មិនានៅឆ្នាំនេះដើម្បីឲ្យមហាជនជាពិសេសយុវជនដឹងគុណ ដឹងគុណចំពោះបុព្វការីជនដែលបានខិតខំប្រឹងប្រែងកសាងសម្បត្តិវប្បធម៌ដ៏សម្បូរបែបសម្រាប់ជាតិឲ្យអ្នកជំនាន់យល់ដឹងកាន់តែច្បាស់ពីតម្លៃពិតនៃវប្បធម៌ស្រឡាញ់វប្បធម៌ជាតិកាន់តែខ្លាំងចេះប្រើប្រាស់សក្តានុពលវប្បធម៌ធ្វើជាមូលដ្ឋាលគ្រិះក្នុងការអភិវឌ្ឍសេដ្ឋកិច្ច សង្គមតាមរយៈការបង្កើតសេវាកម្ម និងផលិតផលវប្បធម៌សម្រាប់គោលដៅពាណិជ្ជកម្ម និងទេសចរណ៍ព្រមទាំងជំរុញឲ្យយុវជនចូលរួមឲ្យកាន់សកម្មក្នុងការថែរក្សាការពារអភិរក្សនិងអភិវឌ្ឍន៍ លើកស្ទួយវប្បធម៌ចម្រុះឲ្យទទួលបានវឌ្ឍនភាពប្រកបដោយនិរន្តរភាពមិនប្រកាន់និន្នាការនិងការរើសអើង។
សារាចរដដែលក៏បានណែនាំឲ្យក្រសួង ស្ថាប័នអាជ្ញាធរដែនដីសហគ្រាសរដ្ឋនិងឯកជន ព្រមទាំងលំនៅដ្ឋានទាំងអស់ត្រូវលើកទង់ជាតិនិងទង់ជ្វាលាចងបដាពាក្យស្លោកនិងបិទបណ្ណប្រកាសនៅតាមដងផ្លូវ និងទីលានសាធារណៈចាប់ពីថ្ងៃទី១ដល់ថ្ងៃទី៧មិនាឆ្នាំ២០១៥ផងដែរ។
ជាមួយគ្នានេះក្រសួង និងស្ថាប័នដែលពាក់ព័ន្ធ ត្រូវរៀបចំនិងផ្សព្វផ្សាយពីខ្លឹមសារនៃទិវាវប្បធម៌ជាតិ៣មិនាឲ្យបានទូលំទូលាយដល់សាធារណៈជន៕
© រក្សាសិទ្ធិដោយ thmeythmey.com