ជាតិ
សង្គមជាតិ
កម្ពុជាប្រកាសអនុវត្តគម្រោង«ចលនាភូមិថ្មី»តាមរយៈជំនួយថវិកា ៨លានដុល្លារពីកូរ៉េ
×![]()
ភ្នំពេញ៖ រដ្ឋាភិបាលសាធារណៈរដ្ឋកូរ៉េបានផ្តល់ហិរញ្ញប្បទានចំនួន ៨លានដុល្លារអាមេរិក តាមរយៈទីភ្នាក់ងារសហប្រតិបត្តិការអន្តរជាតិកូរ៉េ (KOICA) ដើម្បីអនុវត្តគម្រោង អភិវឌ្ឍន៍ជនបទនៅកម្ពុជារយៈពេល ៤ឆ្នាំ ដែលមានឈ្មោះថា«ចលនាភូមិថ្មី»។ 
នៅថ្ងៃទី២៥ ខែមិនា នេះ ក្រសួងអភិវឌ្ឍន៍ជនបទបានប្រកាសដាក់ឲ្យដំណើរការជាផ្លូវការ គម្រោងអភិវឌ្ឍន៍ជនបទដោយប្រើប្រាស់វិធីសាស្ត្រ«ចលនាភូមិថ្មី» ឬ«Saemaul Undong»។ គម្រោងចលនាភូមិថ្មីសាកល្បងនេះ មានរយៈពេល ៤ឆ្នាំ គិតចាប់ឆ្នាំ២០១៤ ដល់ ២០១៨ ដោយចាប់ផ្តើមអនុវត្តនៅក្នុងភូមិចំនួន ៣០ ក្នុងខេត្តចំនួន ៣ នៅប្រទេសកម្ពុជា រួមមាន ខេត្ត ត្បូងឃ្មុំ ខេត្តតាកែវ និងខេត្តកំពង់ស្ពឺ។
នាពិធីប្រកាសបើកជាផ្លូវការ ដែលប្រព្រឹត្តទៅនៅក្នុងសណ្ឋាគារ Intercontinental Hotel រដ្ឋមន្ត្រីក្រសួងអភិវឌ្ឍន៍ជនបទ លោក ជា សុផារ៉ា បាននិយាយថា គម្រោងចលនាភូមិថ្មីនេះ ជាគម្រោងជោគជ័យមួយរបស់សាធារណៈរដ្ឋកូរ៉េលើការងារ អភិវឌ្ឍន៍ជនបទ។
លោកបន្ថែមថា គម្រោងនេះបានធ្វើឲ្យសាធារណៈរដ្ឋកូរ៉េចាកផុតពីភាពក្រីក្រ និងជាប្រទេស ធ្លាប់ទទួលជំនួយ ក្លាយជាប្រទេសផ្តល់ជំនួយវិញ។ ដូច្នេះទើបរដ្ឋាភិបាលកម្ពុជាសម្រេចជ្រើស យកវិធីសាស្ត្រនេះ មកអនុវត្តក្នុងប្រទេសកម្ពុជា។
លោកបញ្ជាក់ថា៖«គម្រោងរបស់រាជរដ្ឋាភិបាលដែលបានហិរញ្ញប្បទានពីសាធារណៈរដ្ឋកូរ៉េ តាមរយៈ KOICA នូវថវិកាចំនួន ៨លានដុល្លារនេះ ផ្តោតលើសមាសភាគចំនួន ៣គឺ ការរៀបចំ តាក់តែងគោលនយោបាយអភិវឌ្ឍន៍ជនបទតាមវិធីសាស្ត្រភូមិថ្មី សម្រាប់អនុវត្តទូទាំង ប្រទេស»។
បើតាមលោករដ្ឋមន្ត្រី រដ្ឋាភិបាលកម្ពុជាក៏បានសម្របសម្រួលជាមួយរដ្ឋាភិបាលកូរ៉េ ក្នុងការបញ្ចូលមុខវិជ្ជា«ចលនាភូមិថ្មី»ចូលកម្មវិធីសិក្សាកម្រិតថ្នាក់បរិញ្ញាបត្រ និងថ្នាក់បរិញ្ញាបត្រជាន់ខ្ពស់តាមគ្រឹះស្ថានឧត្តមសិក្សារដ្ឋ ក្នុងនោះ រួមមាន សាកលវិទ្យាល័យភូមិន្ទកសិកម្ម សាលាជាតិកសិកម្មព្រែកលាប និងសាលាជាតិកសិកម្មកំពង់ចាម។
ជាមួយគ្នានេះដែរ លោក ក្វាក់ បមស៊ូ លេខាទីមួយនៃស្ថានឯកអគ្គរដ្ឋទូតកូរ៉េប្រចាំកម្ពុជា និងជាតំណាងឲ្យឯកអគ្គរដ្ឋទូតកូរ៉េ បានប្រសាសន៍បញ្ជាក់ពីភាពជោគជ័យនៃគម្រោងនេះ របស់កូរ៉េថា ប្រទេសកូរ៉េធ្លាប់បានឆ្លងកាត់នូវដំណាក់កាលលំបាកៗជាច្រើន ដោយសារ គម្រោងចលនាភូមិថ្មីនេះ ទើបបានធ្វើឲ្យកសិករកូរ៉េមាន ចំណូលកើនឡើងជាបន្តបន្ទាប់។
លោកបញ្ជាក់ថា៖«នៅឆ្នាំ១៩៧០ ចំណូលកសិករកូរ៉េជាមធ្យមជាង ៨២៥ដុល្លារក្នុងមួយឆ្នាំ តែរយៈពេល ៩ឆ្នាំក្រោយមកកើនឡើងដល់ ៤៦០២ដុល្លារ គិតជាភាគរយកើនឡើងរាល់ឆ្នាំ ជាង ២១ភាគរយ»។
KOICA ជាស្ថាប័នរដ្ឋាភិបាលសាធារណៈកូរ៉េដែលបានបង្កើតឡើងនៅឆ្នាំ ១៩៩១ ក្រោមការ គ្រប់គ្រងរបស់ក្រសួងការបរទេសនៃសាធារណៈរដ្ឋកូរ៉េ ដើម្បីធ្វើការគ្រប់គ្រងជំនួយឥត សំណងរបស់រដ្ឋាភិបាលកូរ៉េនៅក្នុងប្រទេសកំពុងអភិវឌ្ឍន៍។
គួររម្លឹកថា នៅក្នុងពិធីសន្និសីទ្ធសារព័ត៌មានស្តីពីសកម្មភាពវប្បធម៌ប្រចាំឆ្នាំ ២០១៥ នៅថ្ងៃទី ២០ មិនាកន្លងមក លោក ម៉ៅ ឌីណា មន្ត្រីកម្មវិធីការិយាល័យ KOICA ប្រចាំកម្ពុជា បានឲ្យដឹង ថា ទីភ្នាក់ងារសហប្រតិបត្តិការអន្តរជាតិកូរ៉េ (KOICA) បានផ្តល់ជំនួយឥតសំណង ១៥៦ លាន ដុល្លារអាមេរិកមកកាន់ប្រទេសកម្ពុជាចាប់ពីឆ្នាំ ១៩៩១ រហូតមកដល់ត្រឹមឆ្នាំ ២០១៤ ៕
នៅថ្ងៃទី២៥ ខែមិនា នេះ ក្រសួងអភិវឌ្ឍន៍ជនបទបានប្រកាសដាក់ឲ្យដំណើរការជាផ្លូវការ គម្រោងអភិវឌ្ឍន៍ជនបទដោយប្រើប្រាស់វិធីសាស្ត្រ«ចលនាភូមិថ្មី» ឬ«Saemaul Undong»។ គម្រោងចលនាភូមិថ្មីសាកល្បងនេះ មានរយៈពេល ៤ឆ្នាំ គិតចាប់ឆ្នាំ២០១៤ ដល់ ២០១៨ ដោយចាប់ផ្តើមអនុវត្តនៅក្នុងភូមិចំនួន ៣០ ក្នុងខេត្តចំនួន ៣ នៅប្រទេសកម្ពុជា រួមមាន ខេត្ត ត្បូងឃ្មុំ ខេត្តតាកែវ និងខេត្តកំពង់ស្ពឺ។
នាពិធីប្រកាសបើកជាផ្លូវការ ដែលប្រព្រឹត្តទៅនៅក្នុងសណ្ឋាគារ Intercontinental Hotel រដ្ឋមន្ត្រីក្រសួងអភិវឌ្ឍន៍ជនបទ លោក ជា សុផារ៉ា បាននិយាយថា គម្រោងចលនាភូមិថ្មីនេះ ជាគម្រោងជោគជ័យមួយរបស់សាធារណៈរដ្ឋកូរ៉េលើការងារ អភិវឌ្ឍន៍ជនបទ។
លោកបន្ថែមថា គម្រោងនេះបានធ្វើឲ្យសាធារណៈរដ្ឋកូរ៉េចាកផុតពីភាពក្រីក្រ និងជាប្រទេស ធ្លាប់ទទួលជំនួយ ក្លាយជាប្រទេសផ្តល់ជំនួយវិញ។ ដូច្នេះទើបរដ្ឋាភិបាលកម្ពុជាសម្រេចជ្រើស យកវិធីសាស្ត្រនេះ មកអនុវត្តក្នុងប្រទេសកម្ពុជា។
លោកបញ្ជាក់ថា៖«គម្រោងរបស់រាជរដ្ឋាភិបាលដែលបានហិរញ្ញប្បទានពីសាធារណៈរដ្ឋកូរ៉េ តាមរយៈ KOICA នូវថវិកាចំនួន ៨លានដុល្លារនេះ ផ្តោតលើសមាសភាគចំនួន ៣គឺ ការរៀបចំ តាក់តែងគោលនយោបាយអភិវឌ្ឍន៍ជនបទតាមវិធីសាស្ត្រភូមិថ្មី សម្រាប់អនុវត្តទូទាំង ប្រទេស»។បើតាមលោករដ្ឋមន្ត្រី រដ្ឋាភិបាលកម្ពុជាក៏បានសម្របសម្រួលជាមួយរដ្ឋាភិបាលកូរ៉េ ក្នុងការបញ្ចូលមុខវិជ្ជា«ចលនាភូមិថ្មី»ចូលកម្មវិធីសិក្សាកម្រិតថ្នាក់បរិញ្ញាបត្រ និងថ្នាក់បរិញ្ញាបត្រជាន់ខ្ពស់តាមគ្រឹះស្ថានឧត្តមសិក្សារដ្ឋ ក្នុងនោះ រួមមាន សាកលវិទ្យាល័យភូមិន្ទកសិកម្ម សាលាជាតិកសិកម្មព្រែកលាប និងសាលាជាតិកសិកម្មកំពង់ចាម។
ជាមួយគ្នានេះដែរ លោក ក្វាក់ បមស៊ូ លេខាទីមួយនៃស្ថានឯកអគ្គរដ្ឋទូតកូរ៉េប្រចាំកម្ពុជា និងជាតំណាងឲ្យឯកអគ្គរដ្ឋទូតកូរ៉េ បានប្រសាសន៍បញ្ជាក់ពីភាពជោគជ័យនៃគម្រោងនេះ របស់កូរ៉េថា ប្រទេសកូរ៉េធ្លាប់បានឆ្លងកាត់នូវដំណាក់កាលលំបាកៗជាច្រើន ដោយសារ គម្រោងចលនាភូមិថ្មីនេះ ទើបបានធ្វើឲ្យកសិករកូរ៉េមាន ចំណូលកើនឡើងជាបន្តបន្ទាប់។
លោកបញ្ជាក់ថា៖«នៅឆ្នាំ១៩៧០ ចំណូលកសិករកូរ៉េជាមធ្យមជាង ៨២៥ដុល្លារក្នុងមួយឆ្នាំ តែរយៈពេល ៩ឆ្នាំក្រោយមកកើនឡើងដល់ ៤៦០២ដុល្លារ គិតជាភាគរយកើនឡើងរាល់ឆ្នាំ ជាង ២១ភាគរយ»។
KOICA ជាស្ថាប័នរដ្ឋាភិបាលសាធារណៈកូរ៉េដែលបានបង្កើតឡើងនៅឆ្នាំ ១៩៩១ ក្រោមការ គ្រប់គ្រងរបស់ក្រសួងការបរទេសនៃសាធារណៈរដ្ឋកូរ៉េ ដើម្បីធ្វើការគ្រប់គ្រងជំនួយឥត សំណងរបស់រដ្ឋាភិបាលកូរ៉េនៅក្នុងប្រទេសកំពុងអភិវឌ្ឍន៍។
គួររម្លឹកថា នៅក្នុងពិធីសន្និសីទ្ធសារព័ត៌មានស្តីពីសកម្មភាពវប្បធម៌ប្រចាំឆ្នាំ ២០១៥ នៅថ្ងៃទី ២០ មិនាកន្លងមក លោក ម៉ៅ ឌីណា មន្ត្រីកម្មវិធីការិយាល័យ KOICA ប្រចាំកម្ពុជា បានឲ្យដឹង ថា ទីភ្នាក់ងារសហប្រតិបត្តិការអន្តរជាតិកូរ៉េ (KOICA) បានផ្តល់ជំនួយឥតសំណង ១៥៦ លាន ដុល្លារអាមេរិកមកកាន់ប្រទេសកម្ពុជាចាប់ពីឆ្នាំ ១៩៩១ រហូតមកដល់ត្រឹមឆ្នាំ ២០១៤ ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ថ្ងៃ
