ជាតិ
បទយកការណ៍ / បទសម្ភាសន៍
យុវជនខ្មែរ ស៊ន សុភ័ក្រ ជាប់អាហារូបករណ៍ថ្នាក់អនុបណ្ឌិតរូបវិទ្យា ៣ សាកលវិទ្យាល័យ នៅកាណាដា
×![]()
ភ្នំពេញ៖ កាលពីឆ្នាំ២០១១ ស៊ន សុភ័ក្រ ទទួលបានមេដាយប្រាក់ផ្នែករូបវិទ្យាអូឡាំព្យាដអន្តរជាតិលើកទី៤២ (IPho: International Physics Olympiad) នៅទីក្រុងបាងកក ប្រទេសថៃ។ បច្ចុប្បន្ន សុភ័ក្រ កំពុងបន្តសិក្សាជំនាញមុខវិជ្ជាវិទ្យាសាស្ត្រនេះនៅក្នុងទីក្រុងហុងកុង ហើយក្រោយបញ្ចប់ការសិក្សានាខែមិថុនា ខាងមុខ យុវជនវ័យ២១ឆ្នាំរូបនេះ គ្រោងបន្តយកថ្នាក់អនុបណ្ឌិតនៅប្រទេសកាណាដា។
កាលពីបួនឆ្នាំមុន ស៊ន សុភ័ក្រ គឺជាបេក្ខជនតែម្នាក់គត់ក្នុងចំណោម៥នាក់ដែលត្រូវត្រឡប់មកកម្ពុជាវិញ ជាមួយជ័យលាភីមេដាយប្រាក់ពីព្រឹត្តិការណ៍ប្រកួតរូបវិទ្យាអូឡាំព្យាដអន្តរជាតិលើកទី៤២នៅទីក្រុងបាងកក ប្រទេសថៃ ដែលមានបេក្ខជនមកពីជាង៨០ប្រទេសបានចូលរួម ក្នុងនោះរួមមានមកពីទ្វីបអាស៊ី អឺរ៉ុប អាមេរិក អាហ្វ្រិក និង អូស្ត្រាលី។
ការដណ្តើមបានមេដាយប្រាក់រូបវិទ្យាអូឡាំព្យាដអន្តរជាតិលើកទី៤២ បានផ្តល់ឱកាសឲ្យ សុភ័ក្រ ទទួលអាហារូបករណ៍សិក្សាថ្នាក់បរិញ្ញាបត្រផ្នែករូបវិទ្យាក្នុងសាកលវិទ្យាល័យវិទ្យាសាស្ត្រដ៏ល្បីមួយរបស់ហុងកុង គឺ Hong Kong University of Science and Technology(HKUST) ។
និស្សិតអាហារូបករណ៍រូបនេះ ប្រាប់សារព័ត៌មានថ្មីៗថា ការសិក្សារូបវិទ្យានៅ ហុងកុង ធ្វើឡើងជាភាសាអង់គ្លេសគ្រប់មុខវិជ្ជា ហើយប្រព័ន្ធមានលក្ខណៈជាសកល ព្រមទាំងមាននិស្សិតចម្រុះជាតិសាសន៍កំពុងសិក្សា ដូចនេះទាមទារឲ្យនិស្សិតម្នាក់ៗ ត្រូវតែព្យាយាមសិក្សាប្រជែងជាដាច់ខាត។
សុភ័ក្រ ត្រូវសិក្សាប្រជែងសមត្ថភាពជាមួយនិស្សិត បរទេសដទៃទៀត រួមមានមកពីប្រទេសថៃ ឥណ្ឌូនេស៊ី ម៉ាឡេស៊ី ចិន អង់គ្លេស បារាំង ឥណ្ឌា និងវៀតណាម ជាដើម។ លោកអះអាងថា ការប្រឡងប្រជែងសមត្ថភាពនៅហុងកុង គឺកើតចេញពីសមត្ថភាពពិតៗ ពោលគឺ ពុំមានសិស្ស និស្សិតណាម្នាក់អាចលួចចម្លងជាដាច់ខាត។
សុភ័ក្រ និយាយយ៉ាងដូច្នេះ៖«និស្សិតទាំងអស់មានការប្រកួតប្រជែងណាស់ ពួកត្រូវព្យាយាម ទាំងទ្រឹស្តីសិក្សា និងការអនុវត្តរូបមន្តជាក់ស្តែង។ នៅទីនេះ មាននិស្សិតមកពីអាស៊ី អាមេរិក អាហ្វ្រិក និងអឺរ៉ុប ហើយពួកគេសុទ្ធតែជានិស្សិតដែលមានគំនិតផ្នែកវិទ្យាសាស្ត្រពូកែ។ អ្នករៀននៅនេះ គេប្រកួតប្រជែងគ្នាយកសមត្ថភាព គឺមិនយកពិន្ទុនោះទេ»។
ជាកូនមន្ត្រីរាជការជីវភាពធូរធា នៅរាជធានីភ្នំពេញម្នាក់ សុភ័ក្រ មិនខា្វយខ្វល់ពីបញ្ហាខ្វះខាត ក្នុងការសិក្សានោះទេ ដោយលោកគិតតែពីរៀនតែប៉ុណ្ណោះ ពោលគឺ លោកមានពេល វេលាគ្រប់គ្រាន់ក្នុងការសិក្សា ស្រាវជ្រាវបន្ថែម ដើម្បីប្រជែងជាមួយនិស្សិតបរទេស។
យុវជនវ័យ ២១ឆ្នាំ អាហារូបករណ៍រូបនេះ ប្រាប់ថា៖«ក្រៅពីសិក្សាក្នុងសាលាហើយ ខ្ញុំត្រូវទៅចូលស្រាវជ្រាវបន្ថែម នៅបណ្ណាល័យសាលា បន្ទប់ពិសោធនសាលា។ បើយើងមិនខំប្រឹងនោះ ទេ យើងនឹងមិនអាចប្រឡងជាប់ទេ ព្រោះនៅនេះ ការប្រឡងទាំងអស់ គឺកើតចេញ សមត្ថភាពសិស្ស និស្សិតផ្ទាល់ ដោយមានអាចចម្លងឯកសារជាដាច់ខាត»។ បើតាមយុវជន សុភ័ក្រ ប្រសិនបើអនុរក្សពិនិត្យឃើញថា សិស្ស និស្សិត មានការលួចចម្លងនោះ នឹងត្រូវធ្លាក់ ដោយស្វ័យប្រវត្តិ ដោយពុំអាចប្រកែកបានឡើយ។
ទោះបីជា រូបវិទ្យា ជាមុខវិជ្ជាវិទ្យាសាស្ត្រពិតដែលមានរូបមន្ត និងលំហាត់ស្មុគស្មាញច្រើន ក៏ដោយ ក៏នេះមិនជាឧបសគ្គសម្រាប់លោក សុភ័ក្រនោះទេ ដោយសារលោកបានបែងចែក ពេលវេលាសិក្សាតាមមុខវិជ្ជានីមួយៗត្រឹមត្រូវ។
«ការសិក្សារូបវិទ្យាមិនលំបាកនោះទេ សិស្ស និងនិស្សិតនឹងគិតថា រូបវិទ្យាជាមុខវិជ្ជាលំបាក ប្រសិនបើយើងព្យាយាមរកដំណោះស្រាយ និងអនុវត្តតាមរូបមន្តបានយល់ច្បាស់។ តាម ពិសោធន៍ ខ្ញុំបានធ្វើតារាងសិក្សាមួយផ្ទាល់ខ្លួន ហើយខ្ញុំតែងតែឆ្លៀតស្រាវជ្រាវបន្ថែម និងសួរ សាស្ត្រាចារ្យ ពិសេសគឺការអនុវត្តន៍លំហាត់នោះឲ្យយល់តែម្តង»។ នេះជាវិធីសាស្ត្រសិក្សា រូបវិទ្យារបស់យុវជន សុភ័ក្រ។
យុវជនសិស្សដែលមានសមត្ថភាពលើមុខវិជ្ជាវិទ្យាសាស្ត្ររូបនេះមានមោទនភាពនឹងការទទួលជ័យលាភីនេះ ដោយលោកលើកឡើងថា លោកបាននាំមកកេរ្តិ៍ឈ្មោះឲ្យគ្រួសារ និងសង្គមជាតិ។ សុភ័ក្រ និយាយទាំងរីករាយថា៖«និស្សិតខ្មែរយើងមានសមត្ថភាពមិនចាញ់សិស្ស និងនិស្សិតប្រទេសដ៏ទៃនោះទេ ឲ្យតែយើងព្យាយាមនោះ»។
រដ្ឋាភិបាលគួរលើកទឹកចិត្តដល់បញ្ញវន្តផ្នែកវិទ្យាសាស្ត្រ
ជាមួយគ្នានេះដែរ សុភ័ក្រ ក៏បានគាំទ្រចំពោះវិធានការប្រឡងបាក់ឌុបរបស់ក្រសួងអប់រំ ក្រោមការដឹកនាំរបស់រដ្ឋមន្ត្រីលោក ហង់ ជួនណារ៉ុនផងដែរ។ ជាងនេះដែរ លោកក៏សំណូម ដល់រដ្ឋាភិបាលកម្ពុជាយកចិត្តទុកដាក់បន្ថែមទៀតដល់បញ្ញវន្តផ្នែកវិទ្យាសាស្ត្រ។
លោកថា៖«ធនធានអ្នក វិទ្យាសាស្ត្រសំខាន់ណាស់សម្រាប់ការអភិវឌ្ឍប្រទេសឲ្យជឿនលឿន ។ អ្នកវិទ្យាសាស្ត្រ ជាអ្នកស្រាវជ្រាវរកគំនិតបច្ចេកវិជ្ជាថ្មីៗ សម្រាប់ការអភិវឌ្ឍននេះ ដូចជា ការបង្កើតផ្ទាំងអគ្គិសនីដើរដោយ ថាមពលពន្លឺព្រះអាទិត្យ និងការបង្កើតបច្ចេកទំនើបនាបច្ចុប្បន្ន។ ដូច្នេះ រដ្ឋាភិបាលគួរមាន កន្លែងពិសោធន៍គ្រប់គ្រាន់សម្រាប់សិស្ស និស្សិតផ្នែកវិទ្យាសាស្ត្រ»។
«ខ្ញុំនឹងចែករំលែកចំណេះដល់អ្នកសិក្សាជំនាន់ក្រោយរបស់កម្ពុជា»
តាមគម្រោងសិក្សា សុភ័ក្រ នឹងបញ្ចប់ថ្នាក់បរិញ្ញាបត្ររូបវិទ្យា នៅអំឡុងខែមិថុនា ឆ្នាំ២០១៥ខាងមុខនេះ។ ប៉ុន្តែក្រោយពីបញ្ចប់ការសិក្សានោះលោកមិនទាន់ត្រឡប់មកកម្ពុជា ភ្លាមនោះទេដោយសារលោកមានគ្រោងនឹងបន្តការសិក្សាថ្នាក់អនុបណ្ឌិត នៅក្នុងប្រទេសកាណាដាបន្ថែមទៀត។
លោកបានដាក់ពាក្យស្នើអាហារូបករណ៍តាមប្រព័ន្ធអ៊ីនធឺណេត ហើយខ្ញុំបានជាប់ឈ្មោះនៅសាកលវិទ្យាល័យចំនួន ៣ផ្សេងគ្នាក្នុងប្រទេសកាណាដា រួមមាន University of waterloo, University of Toronto និង University of British Columbia។
«ខ្ញុំបានសម្រេចចិត្តថានឹងបន្តថ្នាក់អនុបណ្ឌិតនៅ University of waterloo នៅកាណាដា រួចហើយ ដូច្នេះខ្ញុំនឹងទៅបន្តថ្នាក់អនុបណ្ឌិតនៅទីនោះ »។
ក្រោយពីបញ្ចប់ការសិក្សាថ្នាក់អនុបណ្ឌិតនៅក្នុងប្រទេសកាណាដាសុភ័ក្រ នឹងវិលមកកម្ពុជា វិញ ដើម្បីចែករំលែកចំណេះវិជ្ជា និងបទពិសោធន៍ដល់អ្នកជំនាន់ក្រោយ ដោយលោកប្តេជ្ញាថា លោកនឹងជួយបន្តចំណេះវិជ្ជានេះ ដល់អ្នកជំនាន់ក្រោយរបស់កម្ពុជា។
«ខ្ញុំចង់ឃើញខ្មែរយើងអភិវឌ្ឍនដូចប្រទេសអភិវឌ្ឍដូចគេ ។ ហើយខ្ញុំគិតថាមានតែបណ្តុះធនធានមនុស្សតែប៉ុណ្ណោះ ដែលអាចឲ្យប្រទេសជឿនលឿនទៅមុខ ដូច្នេះក្រោយពីរៀនចប់រួច ខ្ញុំចង់ធ្វើជាសាស្ត្រាចារ្យតែម្តង»។ នេះជាការរំពឹងទុករបស់ជ័យលាភីឆ្នើមផ្នែក រូបវិទ្យា ស៊ន សុភ័ក្រ។
គួរបញ្ជាក់ថា ការប្រកួតសមត្ថភាពផ្នែករូបវិទ្យាអន្តរជាតិ (IPho: International Physics Olympiad) ជាការប្រឡងដ៏ធំមួយផ្នែករូបវិទ្យាសម្រាប់សិស្សកម្រិតវិទ្យាល័យនៅជុំវិញពិភពលោក។ ការប្រកួតទាំងលើផ្នែកទ្រឹស្តី (theoretical problems) និងការពិសោធន៍ (experimental problems)នេះ ត្រូវបានរៀបចំឡើងចាប់តាំងពីឆ្នាំ ១៩៦៧ មកម្ល៉េះហើយមេដាយដែលត្រូវ ផ្តល់ជ័យលាភី រួមមាន មេដាយមាស ប្រាក់ សំរឹទ្ធ និងកិត្តិយស៕
កាលពីបួនឆ្នាំមុន ស៊ន សុភ័ក្រ គឺជាបេក្ខជនតែម្នាក់គត់ក្នុងចំណោម៥នាក់ដែលត្រូវត្រឡប់មកកម្ពុជាវិញ ជាមួយជ័យលាភីមេដាយប្រាក់ពីព្រឹត្តិការណ៍ប្រកួតរូបវិទ្យាអូឡាំព្យាដអន្តរជាតិលើកទី៤២នៅទីក្រុងបាងកក ប្រទេសថៃ ដែលមានបេក្ខជនមកពីជាង៨០ប្រទេសបានចូលរួម ក្នុងនោះរួមមានមកពីទ្វីបអាស៊ី អឺរ៉ុប អាមេរិក អាហ្វ្រិក និង អូស្ត្រាលី។
ការដណ្តើមបានមេដាយប្រាក់រូបវិទ្យាអូឡាំព្យាដអន្តរជាតិលើកទី៤២ បានផ្តល់ឱកាសឲ្យ សុភ័ក្រ ទទួលអាហារូបករណ៍សិក្សាថ្នាក់បរិញ្ញាបត្រផ្នែករូបវិទ្យាក្នុងសាកលវិទ្យាល័យវិទ្យាសាស្ត្រដ៏ល្បីមួយរបស់ហុងកុង គឺ Hong Kong University of Science and Technology(HKUST) ។និស្សិតអាហារូបករណ៍រូបនេះ ប្រាប់សារព័ត៌មានថ្មីៗថា ការសិក្សារូបវិទ្យានៅ ហុងកុង ធ្វើឡើងជាភាសាអង់គ្លេសគ្រប់មុខវិជ្ជា ហើយប្រព័ន្ធមានលក្ខណៈជាសកល ព្រមទាំងមាននិស្សិតចម្រុះជាតិសាសន៍កំពុងសិក្សា ដូចនេះទាមទារឲ្យនិស្សិតម្នាក់ៗ ត្រូវតែព្យាយាមសិក្សាប្រជែងជាដាច់ខាត។
សុភ័ក្រ ត្រូវសិក្សាប្រជែងសមត្ថភាពជាមួយនិស្សិត បរទេសដទៃទៀត រួមមានមកពីប្រទេសថៃ ឥណ្ឌូនេស៊ី ម៉ាឡេស៊ី ចិន អង់គ្លេស បារាំង ឥណ្ឌា និងវៀតណាម ជាដើម។ លោកអះអាងថា ការប្រឡងប្រជែងសមត្ថភាពនៅហុងកុង គឺកើតចេញពីសមត្ថភាពពិតៗ ពោលគឺ ពុំមានសិស្ស និស្សិតណាម្នាក់អាចលួចចម្លងជាដាច់ខាត។
សុភ័ក្រ និយាយយ៉ាងដូច្នេះ៖«និស្សិតទាំងអស់មានការប្រកួតប្រជែងណាស់ ពួកត្រូវព្យាយាម ទាំងទ្រឹស្តីសិក្សា និងការអនុវត្តរូបមន្តជាក់ស្តែង។ នៅទីនេះ មាននិស្សិតមកពីអាស៊ី អាមេរិក អាហ្វ្រិក និងអឺរ៉ុប ហើយពួកគេសុទ្ធតែជានិស្សិតដែលមានគំនិតផ្នែកវិទ្យាសាស្ត្រពូកែ។ អ្នករៀននៅនេះ គេប្រកួតប្រជែងគ្នាយកសមត្ថភាព គឺមិនយកពិន្ទុនោះទេ»។
ជាកូនមន្ត្រីរាជការជីវភាពធូរធា នៅរាជធានីភ្នំពេញម្នាក់ សុភ័ក្រ មិនខា្វយខ្វល់ពីបញ្ហាខ្វះខាត ក្នុងការសិក្សានោះទេ ដោយលោកគិតតែពីរៀនតែប៉ុណ្ណោះ ពោលគឺ លោកមានពេល វេលាគ្រប់គ្រាន់ក្នុងការសិក្សា ស្រាវជ្រាវបន្ថែម ដើម្បីប្រជែងជាមួយនិស្សិតបរទេស។
យុវជនវ័យ ២១ឆ្នាំ អាហារូបករណ៍រូបនេះ ប្រាប់ថា៖«ក្រៅពីសិក្សាក្នុងសាលាហើយ ខ្ញុំត្រូវទៅចូលស្រាវជ្រាវបន្ថែម នៅបណ្ណាល័យសាលា បន្ទប់ពិសោធនសាលា។ បើយើងមិនខំប្រឹងនោះ ទេ យើងនឹងមិនអាចប្រឡងជាប់ទេ ព្រោះនៅនេះ ការប្រឡងទាំងអស់ គឺកើតចេញ សមត្ថភាពសិស្ស និស្សិតផ្ទាល់ ដោយមានអាចចម្លងឯកសារជាដាច់ខាត»។ បើតាមយុវជន សុភ័ក្រ ប្រសិនបើអនុរក្សពិនិត្យឃើញថា សិស្ស និស្សិត មានការលួចចម្លងនោះ នឹងត្រូវធ្លាក់ ដោយស្វ័យប្រវត្តិ ដោយពុំអាចប្រកែកបានឡើយ។
ទោះបីជា រូបវិទ្យា ជាមុខវិជ្ជាវិទ្យាសាស្ត្រពិតដែលមានរូបមន្ត និងលំហាត់ស្មុគស្មាញច្រើន ក៏ដោយ ក៏នេះមិនជាឧបសគ្គសម្រាប់លោក សុភ័ក្រនោះទេ ដោយសារលោកបានបែងចែក ពេលវេលាសិក្សាតាមមុខវិជ្ជានីមួយៗត្រឹមត្រូវ។«ការសិក្សារូបវិទ្យាមិនលំបាកនោះទេ សិស្ស និងនិស្សិតនឹងគិតថា រូបវិទ្យាជាមុខវិជ្ជាលំបាក ប្រសិនបើយើងព្យាយាមរកដំណោះស្រាយ និងអនុវត្តតាមរូបមន្តបានយល់ច្បាស់។ តាម ពិសោធន៍ ខ្ញុំបានធ្វើតារាងសិក្សាមួយផ្ទាល់ខ្លួន ហើយខ្ញុំតែងតែឆ្លៀតស្រាវជ្រាវបន្ថែម និងសួរ សាស្ត្រាចារ្យ ពិសេសគឺការអនុវត្តន៍លំហាត់នោះឲ្យយល់តែម្តង»។ នេះជាវិធីសាស្ត្រសិក្សា រូបវិទ្យារបស់យុវជន សុភ័ក្រ។
យុវជនសិស្សដែលមានសមត្ថភាពលើមុខវិជ្ជាវិទ្យាសាស្ត្ររូបនេះមានមោទនភាពនឹងការទទួលជ័យលាភីនេះ ដោយលោកលើកឡើងថា លោកបាននាំមកកេរ្តិ៍ឈ្មោះឲ្យគ្រួសារ និងសង្គមជាតិ។ សុភ័ក្រ និយាយទាំងរីករាយថា៖«និស្សិតខ្មែរយើងមានសមត្ថភាពមិនចាញ់សិស្ស និងនិស្សិតប្រទេសដ៏ទៃនោះទេ ឲ្យតែយើងព្យាយាមនោះ»។
រដ្ឋាភិបាលគួរលើកទឹកចិត្តដល់បញ្ញវន្តផ្នែកវិទ្យាសាស្ត្រ
ជាមួយគ្នានេះដែរ សុភ័ក្រ ក៏បានគាំទ្រចំពោះវិធានការប្រឡងបាក់ឌុបរបស់ក្រសួងអប់រំ ក្រោមការដឹកនាំរបស់រដ្ឋមន្ត្រីលោក ហង់ ជួនណារ៉ុនផងដែរ។ ជាងនេះដែរ លោកក៏សំណូម ដល់រដ្ឋាភិបាលកម្ពុជាយកចិត្តទុកដាក់បន្ថែមទៀតដល់បញ្ញវន្តផ្នែកវិទ្យាសាស្ត្រ។
លោកថា៖«ធនធានអ្នក វិទ្យាសាស្ត្រសំខាន់ណាស់សម្រាប់ការអភិវឌ្ឍប្រទេសឲ្យជឿនលឿន ។ អ្នកវិទ្យាសាស្ត្រ ជាអ្នកស្រាវជ្រាវរកគំនិតបច្ចេកវិជ្ជាថ្មីៗ សម្រាប់ការអភិវឌ្ឍននេះ ដូចជា ការបង្កើតផ្ទាំងអគ្គិសនីដើរដោយ ថាមពលពន្លឺព្រះអាទិត្យ និងការបង្កើតបច្ចេកទំនើបនាបច្ចុប្បន្ន។ ដូច្នេះ រដ្ឋាភិបាលគួរមាន កន្លែងពិសោធន៍គ្រប់គ្រាន់សម្រាប់សិស្ស និស្សិតផ្នែកវិទ្យាសាស្ត្រ»។
«ខ្ញុំនឹងចែករំលែកចំណេះដល់អ្នកសិក្សាជំនាន់ក្រោយរបស់កម្ពុជា»
តាមគម្រោងសិក្សា សុភ័ក្រ នឹងបញ្ចប់ថ្នាក់បរិញ្ញាបត្ររូបវិទ្យា នៅអំឡុងខែមិថុនា ឆ្នាំ២០១៥ខាងមុខនេះ។ ប៉ុន្តែក្រោយពីបញ្ចប់ការសិក្សានោះលោកមិនទាន់ត្រឡប់មកកម្ពុជា ភ្លាមនោះទេដោយសារលោកមានគ្រោងនឹងបន្តការសិក្សាថ្នាក់អនុបណ្ឌិត នៅក្នុងប្រទេសកាណាដាបន្ថែមទៀត។
លោកបានដាក់ពាក្យស្នើអាហារូបករណ៍តាមប្រព័ន្ធអ៊ីនធឺណេត ហើយខ្ញុំបានជាប់ឈ្មោះនៅសាកលវិទ្យាល័យចំនួន ៣ផ្សេងគ្នាក្នុងប្រទេសកាណាដា រួមមាន University of waterloo, University of Toronto និង University of British Columbia។«ខ្ញុំបានសម្រេចចិត្តថានឹងបន្តថ្នាក់អនុបណ្ឌិតនៅ University of waterloo នៅកាណាដា រួចហើយ ដូច្នេះខ្ញុំនឹងទៅបន្តថ្នាក់អនុបណ្ឌិតនៅទីនោះ »។
ក្រោយពីបញ្ចប់ការសិក្សាថ្នាក់អនុបណ្ឌិតនៅក្នុងប្រទេសកាណាដាសុភ័ក្រ នឹងវិលមកកម្ពុជា វិញ ដើម្បីចែករំលែកចំណេះវិជ្ជា និងបទពិសោធន៍ដល់អ្នកជំនាន់ក្រោយ ដោយលោកប្តេជ្ញាថា លោកនឹងជួយបន្តចំណេះវិជ្ជានេះ ដល់អ្នកជំនាន់ក្រោយរបស់កម្ពុជា។
«ខ្ញុំចង់ឃើញខ្មែរយើងអភិវឌ្ឍនដូចប្រទេសអភិវឌ្ឍដូចគេ ។ ហើយខ្ញុំគិតថាមានតែបណ្តុះធនធានមនុស្សតែប៉ុណ្ណោះ ដែលអាចឲ្យប្រទេសជឿនលឿនទៅមុខ ដូច្នេះក្រោយពីរៀនចប់រួច ខ្ញុំចង់ធ្វើជាសាស្ត្រាចារ្យតែម្តង»។ នេះជាការរំពឹងទុករបស់ជ័យលាភីឆ្នើមផ្នែក រូបវិទ្យា ស៊ន សុភ័ក្រ។
គួរបញ្ជាក់ថា ការប្រកួតសមត្ថភាពផ្នែករូបវិទ្យាអន្តរជាតិ (IPho: International Physics Olympiad) ជាការប្រឡងដ៏ធំមួយផ្នែករូបវិទ្យាសម្រាប់សិស្សកម្រិតវិទ្យាល័យនៅជុំវិញពិភពលោក។ ការប្រកួតទាំងលើផ្នែកទ្រឹស្តី (theoretical problems) និងការពិសោធន៍ (experimental problems)នេះ ត្រូវបានរៀបចំឡើងចាប់តាំងពីឆ្នាំ ១៩៦៧ មកម្ល៉េះហើយមេដាយដែលត្រូវ ផ្តល់ជ័យលាភី រួមមាន មេដាយមាស ប្រាក់ សំរឹទ្ធ និងកិត្តិយស៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
