ជាតិ
នយោបាយជាតិ
×![]()
ដោយ: ថ្មីៗ
រដ្ឋមន្ត្រីការបរទេសកម្ពុជា លោក ហោ ណាំហុង បានសរសេរលិខិតទៅលោក ហេង សំរិន ប្រធានរដ្ឋសភារាយការណ៍អំពីករណីពលរដ្ឋវៀតណាមបាញ់ថ្នាំពុលបំផ្លាញដំណាំកសិករខ្មែរ ដែលលើកឡើងដោយតំណាងរាស្ត្រគណបក្សសង្គ្រោះជាតិ ។ លោក ហោ ណាំហុង បានអះអាងប្រាប់លោក ហេង សំរិន តាមរយៈលិខិតចុះថ្ងៃទី ០៤ ខែឧសភា ថា មូលហេតុដែលប្រជាពលរដ្ឋវៀតណាម បាញ់ថ្នាំពុលបំផ្លាញដំណាំកសិករខ្មែរ ដោយសារកសិករខ្មែរ ដាំដំណាំលើដីរបស់វៀតណាម ។
បើតាមលិខិតរបស់លោក ហោ ណាំហុង កងកម្លាំងសមត្ថកិច្ចវៀតណាម បាននាំពលរដ្ឋខ្លួនចុះធ្វើសកម្មភាពបាញ់ថ្នាំពុលបំផ្លាញដំណាំកសិករខ្មែរ កាលពីថ្ងៃទី ១៩ ខែមេសា ឆ្នាំ ២០១៥ នៅភូមិជើង ឃុំជាំ ស្រុមេមត់ ខេត្តត្បូងឃ្មុំ ។ លិខិតលោកប្រមុខការទូតកម្ពុជា ប្រាប់ទៅលោក ហេង សំរិន បានបញ្ជាក់ពីការសិក្សារបស់ខ្លួនជាមួយគណៈកម្មាធិការចម្រុះទទួលបន្ទុកកិច្ចការព្រំដែន ដោយរកឃើញថា ខ្សែព្រំដែនកម្ពុជា-វៀតណាម នៅតំបន់ខាងលើនេះ ដើរតាមផែនទីខ្នាត១លើ១០០០០០ ដែលគណៈកម្មាធិការចម្រុះទទួលបន្ទុកកិច្ចការព្រំដែនកម្ពុជា-វៀតណាម បានបោះបង្គោលលេខ ៩៤ និងលេខ ៩៥ រួចហើយ ។ លិខិតរបស់លោក ហោ ណាំហុង បញ្ជាក់ដូច្នេះថា ៖ « ប៉ុន្តែដោយសារប្រជាពលរដ្ឋកម្ពុជាបានកាន់កាប់ជាក់ស្តែងចំនួន ១០០ ហិចតាចូលដីវៀតណាម គណៈកម្មាធិការព្រំដែន ក៏បានឯកភាពជាមួយភាគីវៀតណាម កែសម្រួសខ្សែព្រំដែនចន្លោះបង្គោល ៩៤ និង ៩៥ ទៅតាមខ្សែព្រំដែន ដែលប្រជាជនយើងបានកាន់កាប់ជាក់ស្តែងស្របតាម MOU ឆ្នាំ ២០១១ ។ តែនៅពេលថ្មីៗនេះ ក្នុងឆ្នាំ ២០១៥ ពលរដ្ឋយើងបានដាំដំណាំចូលដីវៀតណាមចំនួន ១៦, ៦ ហិចតាថែមទៀត ដែលនាំឲ្យវៀតណាមមានប្រតិកម្មបាញ់ថ្នាំបំពុលលើដំណាំកសិករយើង » ។
ការរាយការណ៍ប្រាប់លោក ហេង សំរិន ពីសំណាក់លោក ហោ ណាំហុង បានធ្វើឡើង ក្រោយពីក្រុមតំណាងរាស្ត្រគណបក្សសង្គ្រោះជាតិ ដែលមានលោក ម៉ៅ មុនីវណ្ណ លោក កង គឹមហាក់ ជាដើម បានសរសេរលិខិតស្នើសុំអន្តរាគមន៍ករណីសមត្ថកិច្ចវៀតណាមនាំពលរដ្ឋខ្លួនមកបាញ់ថ្នាំពុលបំផ្លាញដំណាំកសិករខ្មែរ ពីលោក ហោ ណាំហុង រដ្ឋមន្ត្រីក្រសួងការបរទេសកម្ពុជា តាមរយៈលោក កឹម សុខា ក្នុងនាមជាប្រធានរដ្ឋសភាស្តីទី កាលពីថ្ងៃទី ២៨ ខែមេសា កន្លងទៅ ៕
បើតាមលិខិតរបស់លោក ហោ ណាំហុង កងកម្លាំងសមត្ថកិច្ចវៀតណាម បាននាំពលរដ្ឋខ្លួនចុះធ្វើសកម្មភាពបាញ់ថ្នាំពុលបំផ្លាញដំណាំកសិករខ្មែរ កាលពីថ្ងៃទី ១៩ ខែមេសា ឆ្នាំ ២០១៥ នៅភូមិជើង ឃុំជាំ ស្រុមេមត់ ខេត្តត្បូងឃ្មុំ ។ លិខិតលោកប្រមុខការទូតកម្ពុជា ប្រាប់ទៅលោក ហេង សំរិន បានបញ្ជាក់ពីការសិក្សារបស់ខ្លួនជាមួយគណៈកម្មាធិការចម្រុះទទួលបន្ទុកកិច្ចការព្រំដែន ដោយរកឃើញថា ខ្សែព្រំដែនកម្ពុជា-វៀតណាម នៅតំបន់ខាងលើនេះ ដើរតាមផែនទីខ្នាត១លើ១០០០០០ ដែលគណៈកម្មាធិការចម្រុះទទួលបន្ទុកកិច្ចការព្រំដែនកម្ពុជា-វៀតណាម បានបោះបង្គោលលេខ ៩៤ និងលេខ ៩៥ រួចហើយ ។ លិខិតរបស់លោក ហោ ណាំហុង បញ្ជាក់ដូច្នេះថា ៖ « ប៉ុន្តែដោយសារប្រជាពលរដ្ឋកម្ពុជាបានកាន់កាប់ជាក់ស្តែងចំនួន ១០០ ហិចតាចូលដីវៀតណាម គណៈកម្មាធិការព្រំដែន ក៏បានឯកភាពជាមួយភាគីវៀតណាម កែសម្រួសខ្សែព្រំដែនចន្លោះបង្គោល ៩៤ និង ៩៥ ទៅតាមខ្សែព្រំដែន ដែលប្រជាជនយើងបានកាន់កាប់ជាក់ស្តែងស្របតាម MOU ឆ្នាំ ២០១១ ។ តែនៅពេលថ្មីៗនេះ ក្នុងឆ្នាំ ២០១៥ ពលរដ្ឋយើងបានដាំដំណាំចូលដីវៀតណាមចំនួន ១៦, ៦ ហិចតាថែមទៀត ដែលនាំឲ្យវៀតណាមមានប្រតិកម្មបាញ់ថ្នាំបំពុលលើដំណាំកសិករយើង » ។
ការរាយការណ៍ប្រាប់លោក ហេង សំរិន ពីសំណាក់លោក ហោ ណាំហុង បានធ្វើឡើង ក្រោយពីក្រុមតំណាងរាស្ត្រគណបក្សសង្គ្រោះជាតិ ដែលមានលោក ម៉ៅ មុនីវណ្ណ លោក កង គឹមហាក់ ជាដើម បានសរសេរលិខិតស្នើសុំអន្តរាគមន៍ករណីសមត្ថកិច្ចវៀតណាមនាំពលរដ្ឋខ្លួនមកបាញ់ថ្នាំពុលបំផ្លាញដំណាំកសិករខ្មែរ ពីលោក ហោ ណាំហុង រដ្ឋមន្ត្រីក្រសួងការបរទេសកម្ពុជា តាមរយៈលោក កឹម សុខា ក្នុងនាមជាប្រធានរដ្ឋសភាស្តីទី កាលពីថ្ងៃទី ២៨ ខែមេសា កន្លងទៅ ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 1 ថ្ងៃ
