ជាតិ
ក្រសួងអប់រំទុករយៈពេល៣០ថ្ងៃ សម្រាប់ការប្ដឹងតវ៉ាចំពោះលទ្ធផលប្រឡង
× ក្រសួងអប់រំ យុវជន និងកីឡា បញ្ជាក់ថា បេក្ខជន មាតាបិតា អ្នកអាណាព្យាបាល ឬអ្នកពាក់ព័ន្ធដែលមិនពេញចិត្តនឹងលទ្ធផលនៃការប្រឡង មានសិទ្ធិប្ដឹងតវ៉ាមកក្រសួង ក្នុងរយៈពេល៣០ ថ្ងៃ ចាប់ពីថ្ងៃប្រកាសលទ្ធផលប្រឡង។
នៅក្នុងគណនីហ្វេសប៊ុករបស់ក្រសួងអប់រំ បានសរសេរបញ្ជាក់ថា៖ «អ្នកប្ដឹងតវ៉ាត្រូវសរសេរជាលាយលក្ខណ៍អក្សរត្រឹមត្រូវ មានភស្តុតាង មានឈ្មោះ មុខរបរ អាសយដ្ឋានច្បាស់លាស់ និងមានការទទួលខុសត្រូវចំពោះមុខច្បាប់ជាធរមាន»។
ក្រសួងបន្ថែមថា ក្នុងករណីមានពាក្យបណ្ដឹង ឬពិនិត្យឃើញថា ការប្រឡងមានភាពមិនប្រក្រតីលើកិច្ចការរបស់បេក្ខជន និងលើការអនុវត្តភារកិច្ចរបស់គណៈមេប្រយោគ និងគណៈកម្មការផ្សេងៗ ក្រសួងត្រូវបង្កើត គណៈកម្មការកោសល្យវិច័យ។
កាលពីថ្ងៃម្សិលមិញសកម្មជននយោបាយវ័យក្មេងដ៏ល្បីតាមបណ្តាញសង្គមហ្វេសប៊ុក កញ្ញា ធី សុវណ្ណថា ស្នើឲ្យក្រសួងអប់រំយុវជននិងកីឡាពិនិត្យកំណែវិញ្ញាសារបស់ខ្លួនឡើងវិញ ក្រោយពីខ្លួនបរាជ័យ នៃការប្រឡងមធ្យមសិក្សាទុតិយភូមិនៅឆ្នាំនេះ។
សិស្សដែលប្រឡងជាប់មធ្យមសិក្សាទុតិយភូមិឆ្នាំ ២០១៥ នេះ មានចំនួន ៥៥,៨៨ ភាគរយ គឺស្មើនឹង ៤៦៥៦០ នាក់ ក្នុងចំណោមសិស្សប្រឡងទាំងអស់ ៨៣៣២៥ នាក់។ សិស្សប្រឡងជា ប់និទ្ទេស A មានចំនួន ១០៨ នាក់ និទ្ទេស B មានចំនួន ១០៨៥ នាក់និងនិទ្ទេស C មានចំនួ ន ៣២៩២ នាក់។
សិស្សរម្លឹកថា កាលពីឆ្នាំ ២០១៤ កន្លងទៅ សិស្សដែលប្រឡងជាប់មធ្យមសិក្សាទុតិយភូមិទាំងពីរលើកមានចំនួនតែជាង ៤០ ភាគរយតែប៉ុណ្ណោះ៕
© រក្សាសិទ្ធិដោយ thmeythmey.com