ពីនេះ ពីនោះ
×![]()
ដោយ: ថ្មីៗ
ភិនភាគ៖ ភេខ្លួនរលោងមានប្រវែងក្បាល-ដងខ្លួន ៥២-៧៦ ស.ម ប្រវែងកន្ទុយ ៤០-៤៥ស.ម និងមានទម្ងន់ពី ៧-១១គ.ក។ វាមានទំហំ និងពណ៌ប្រហាក់ប្រហែលទៅនឹងភេក្បាលសំប៉ែតដែរ។ លក្ខណៈដែលខុសគ្នានោះត្រង់ថា ភេខ្លួនរលោងមានដងខ្លួនរលោងរាបស្មើ និងមានកន្ទុយសំប៉ែត។ បំពង់ក បបូរមាត់លើ ថ្ពាល់ ក និងទ្រូងមានពណ៌លឿងស្រាល។
ជីវសាស្ត្រ៖ ប្រភេទនេះមានរស់នៅតាមតំបន់ដីវាលទំនាបដូចជានៅតាមមាត់ពាមទន្លេ មាត់ទន្លេព្រៃកោងកាង ស្ទឹង បឹង និងអូរ។ ភេខ្លូនរលោងនេះរស់នៅជាក្រុមគ្រួសារដែលមានមេបា និងកូនរបស់វាដូចប្រភេទភេដទៃទៀតដែរ។ ពួកវាតែងតែរួបរួមគ្នាជាច្រើនក្រុមក្នុងការរកចំណីដែលជាវិធីមានប្រសិទ្ធិភាពបំផុត។ មនុស្សជាញឹកញាប់តែងតែចិញ្ចឹមសត្វភេនេះ ដើម្បីឲ្យវាចាប់ត្រី។ ចំណីអាហារ ទីកន្លែងលាក់ខ្លួន និងការបន្តពូជមានលក្ខណៈស្រដៀងគ្នាទៅនឹងភេក្បាលសំប៉ែតដែរ។
រប៉ាយរស់នៅ៖ ប្រភេទសត្វនេះមានវត្តមាននៅក្នុងខេត្តក្រចេះ ព្រែកទាល់ (ឋបនីយជីវៈមណ្ឌលបឹងទន្លេសាប) និងកោះញែកនៅក្នុងខេត្តមណ្ឌលគិរី។ វាជារឿយៗត្រូវបានគេប្រទះឃើញផងដែរនៅតាមសួនសត្វ។ គេក៏បានរកឃើញវត្តមានវាផងដែរនៅក្នុងប្រទេសប៉ាគឺស្ថាន និឥណ្ឌា រហូតដល់តំបន់ជាច្រើននៅអាស៊ីអាគ្នេយ៍។
ស្ថានភាពអភិរក្ស៖ ភេខ្លួនរលោងជាប្រភេទមានដោយបង្គួរ និងបានចុះបញ្ជីក្រហម IUCN (VU) ជាប្រភេទងាយរងគ្រោះនៅលើពីភពលោក ដោយសារការបំផ្លិចបំផ្លាញទីជម្រោក ការបរបាញ់ ដើម្បីយកសំណាកធ្វើពាណិជ្ជកម្ម៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 14 ម៉ោង
