ពីនេះ ពីនោះ
ភេរោមច្រមុះមានវត្តមាននៅខេត្តបាត់ដំបង, កំពង់ធំ, មណ្ឌលគិរី, និងខេត្តកោះកុង
×![]()
ដោយ: ថ្មីៗ
ភិនភាគ៖ ភេរោមច្រមុះមានប្រវែងក្បាល-ដងខ្លួន ៥០-៨២ស.ម ប្រវែងកន្ទុយ ៤៥-៥០ស.ម និងមានទម្ងន់ពី ៥-៦គ.ក។ វាមានទំហំតូចជាងភេខ្លួនរលោង និងភេក្បាលសំប៉ែត។ នៅលើខ្នងមានពណ៌ត្នោត ហើយនៅសង្ខាងខ្នង ពោះ និងទ្រូងមានពណ៌ព្រលែត។ ចង្កា បបូរមាត់លើបំពង់កមានពណ៌ស។ វាមានរោមនៅនឹងចុងច្រមុះ។ កន្ទុយមានរាងមូល។
ជីវសាស្ត្រ៖ វាចូលចិត្តរស់នៅតាមតំបន់ដីសើមវាលទំនាបដូចជា ព្រៃកោងកាង ព្រៃ Melaluca ព្រៃវាលភក់ និងតំបន់ដីសើមលិចទឹក។ ទោះបីជាវាមានវត្តមាននៅក្នុងប្រភេទព្រៃទាំងអស់នេះក៏ដោយ ក៏នៅក្នុងប្រទេសម៉ាឡេស៊ី ប្រភេទនេះត្រូវបានកត់ត្រាពីវត្តមានរបស់វានៅរយៈកម្ពស់រហូតដល់ ៥០០ម ផងដែរ។
រប៉ាយរស់នៅ៖ នៅក្នុងប្រទេសកម្ពុជា វាមានវត្តមាននៅព្រែកពាក់កន្ទេល(ខេត្តបាត់ដំបង) និងបឹងឆ្មា (ទន្លេសាបភាគឦសានខេត្តកំពង់ធំ)។ វាក៏មានវត្តមាននៅតាមតំបន់ផ្សេងទៀតដែរ ដូចជា នៅខេត្តមណ្ឌលគិរី និងតំបន់ឆ្នេរជុំវិញ ស្រែអំបិល (ខេត្តកោះកុង)។ ប្រភេទនេះក៏មានវត្តមាននៅក្នុងភាគខាងត្បូងប្រទេសរៀតណាម ប្រទេសថៃ ម៉ាឡេស៊ី កោះស៊ូម៉ាត្រា និងកោះបរណេអូផងដែរ។
ស្ថានភាពអភិរក្ស៖ ភេរោមច្រមុះស្ថិតក្នុងក្រុមប្រភេទមានដោយកម្រ និងត្រូវបានចុះក្នុងបញ្ជីក្រហម IUCN (DD) ថាជាប្រភេទពុំមានទិន្នន័យគ្រប់គ្រាន់។ ភេរោមច្រមុះកំពុងរងគ្រោះថ្នាក់ដោយសារការទាក់ចាប់ ដើម្បីធ្វើពាណិជ្ជកម្ម និងបាត់បង់ទីជម្រក៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 9 ម៉ោង
