ពីនេះ ពីនោះ
តើពាក្យ «សាហាយ, សហាយ» មួយណាត្រូវ?
× មនុស្សស្ទើរគ្រប់គ្នាតែងតែសរសេរពាក្យនេះតាមភាសានិយាយ គឺសរសេរជា«សាហាយ»ដែលជាពាក្យខុសទៅវិញ។ តាមពិតនៅក្នុងវចនានុក្រមខ្មែររបស់សម្តេចព្រះសង្ឃរាជ ជួន ណាត បានបញ្ជាក់ថា ពាក្យដែលត្រឹមត្រូវគឺសរសេរជា «សហាយ»។ ពាក្យនេះជានាមមានន័យថា មិត្តសម្លាញ់, អ្នកដែលទៅឬមកជាមួយ, អ្នកជូន, អ្នកកំដរ, គ្នា។ ល។ ប្រើជាកិរិយាសព្ទមានន័យថា សហាយនឹងគ្នា ដើរហើរនឹងគ្នា ខូចកាចនឹងគ្នា។ ល។
ខ្មែរច្រើនប្រើពាក្យនេះសំដៅសេចក្តីផ្សេងថា៖ «បុរសស្ត្រីដែលដើរហើរ ឬដែលខូចកាចនឹងគ្នា មានន័យថា មានសហាយ មានស្រីឬមានប្រុសជាអ្នកប្រព្រឹត្តស្មន់អន្ធករនឹកគ្នា»៕
[ដកស្រង់ពីវចនានុក្រមខ្មែរ សម្តេចព្រះសង្ឃរាជ ជួន ណាត (Version 2.0)]
© រក្សាសិទ្ធិដោយ thmeythmey.com