ពីនេះ ពីនោះ
×![]()
ដោយ: ថ្មីៗ
ធម្មតាកោសិការបស់មនុស្សយើងម្នាក់ៗសុទ្ធតែមានក្រូម៉ូសូមចំនួន២៣គូ។ ក្រូម៉ូសូមមួយក្នុងគូៗចេញពីម្តាយ និងមួយទៀតចេញឪពុក។
ជំងឺកូនកើតមកមិនគ្រប់ទឹកកើតឡើងបាននៅពេលដែលមានការបំបែកកោសិកាមិនធម្មតាដែលមានក្រូម៉ូសូមតែ ២១គូ។ ការបំបែកកោសិកាមិនធម្មតានេះបណ្តាលឱ្យហ្សែនដែលទទួលបានក៏មិនធម្មតាដែរ ជាពិសេសការឆ្លុះបញ្ជាក់អំពីលក្ខណៈទូទៅ និងបញ្ហានៃការលូតលាស់បែបមិនគ្រប់ទឹកតែម្តង។ រាល់ការប្រែប្រួលមួយក្នុងចំណោមការប្រែប្រួលនៃហ្សែនខាងក្រោមនេះសុទ្ធតែអាចនាំឱ្យកូនកើតមកមានជំងឺមិនគ្រប់ទឹកទាំងអស់៖
Trisomy 21៖ ប្រហែល ៩៥ភាគរយហើយដែលជំងឺមិនគ្រប់ទឹកបណ្តាលមកពី Trisomy 21 មានន័យថា កូនដែលកើតមកមានក្រូម៉ូសូមដែលផ្តល់ដោយឪពុកម្តាយមានតែ២១គូប៉ូណ្ណោះក្នុងកោសិកាទាំងអស់នៃរាងកាយ។ រឿងនេះបណ្តាលមកពីការបំបែកកោសិកាមិនធម្មតាក្នុងពេលរីកចម្រៀននៃកោសិកាមេជីវិតឈ្មោល ឬញី។
Mosaic Down Syndrome៖ នេះជាទម្រងដ៏កម្រមួយនៃជំងឺមិនគ្រប់ទឹក វាគឺជាករណីដែលមានកោសិកាមួយចំនួនប៉ុណ្ណោះផ្ទុកក្រូម៉ូសូម២១គូ។ រឿងនេះបណ្តាលមកពីការបំបែកខ្លួនមិនធម្មតាក្រោយពីមេជីវិតទាំងពីរលាយចូលគ្នារួច។
Translocation Down Syndrome៖ ករណីជំងឺមិនគ្រប់ទឹកនេះក៏អាចកើតឡើងនៅពេលផ្នែកមួយនៃក្រូម៉ូសូម២១ ទៅជាភ្ជាប់ចូលទៅក្នុងក្រូម៉ូសូមផ្សេងមួយទៀតមុនពេល ឬក្នុងពេលមានផ្ទៃពោះ។ ក្មេងមានជំងឺបែបនេះគឺមានក្រូម៉ូសូមចម្លង ២១ ប៉ុន្តែវាក៏មានក្រូម៉ូសូមបន្ថែម ២១មួយទៀតផងដែរ។
យើងមិនទាន់ដឹងថាមានកត្តាបរិស្ថាន ឬអាកប្បកិរិយាណាមួយច្បាស់លាស់ដែលនាំឱ្យកើតជំងឺមិនគ្រប់ទឹកឡើយ។
ភាគច្រើន ជំងឺមិនគ្រប់ទឹកមិនមែនជាជំងឺតពូជឡើយ។ វាបណ្តាលមកពីកំហុសក្នុងការបំបែកកោសិកាក្នុងពេលរីកចម្រើនមេជីវិតញី ឈ្មោល ឬអំប្រ៊ីយ៉ុង។
Translocation Down Syndrome គឺជាទម្ងន់មិនធម្មតាតែមួយគត់ដែលអាចចម្លងពីឪពុកម្តាយទៅកូន បាន។ ទោះបីជាយ៉ាងនេះក្តី មានក្មេងមិនគ្រប់ទឹកប្រហែល៤ភាគរយប៉ុណ្ណោះដែលមានទម្រង់ប្រភេទនេះ។ ហើយមានប្រហែល១ភាគបីប៉ុណ្ណោះដែលចម្លងពីម្តាយឪពុកពួកគេ៕
ប្រែសម្រួលដោយ៖ វេជ្ជ. ម៉េង សុខសៀន
ផ្តល់សិទ្ធិដោយ www.health.com.kh
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 5 ម៉ោង
