ពីនេះ ពីនោះ
×![]()
ដោយ: ថ្មីៗ
ភ្នំពេញ៖ ធ្វើនយោបាយដើម្បីទៅយកអំណាច នេះគឺជាធម្មជាតិនៃពាក្យថានយោបាយ។ ការទៅយកអំណាចនេះគឺមានន័យថា ទៅយកសិទ្ធិក្នុងការធ្វើសេចក្ដីសម្រេចចិត្ត ក្នុងកិច្ចការអ្វីមួយដែលជាកាតព្វកិច្ចក្នុងនាមជាអ្នកដឹកនាំ អ្នកគ្រប់គ្រង ឬក្នុងនាមជាថ្នាក់ដឹកនាំប្រទេសជាដើម។ ចំណែកទស្សនវិទូដែលមានគំនិតធ្វើបដិវត្តន៍សង្គមពីការគ្រប់គ្រងបែបមូលធននិយមទៅជាការគ្រប់គ្រងបែបកុម្មុយនីស្ដបានលើកឡើងថា «ដើម្បីកែប្រែសង្គមបាន គឺត្រូវតែទៅយកអំណាចឲ្យបាន»។ មូលហេតុអ្វីបានជាលោកយល់ឃើញបែបនេះ?
ការគ្រប់គ្រងសេដ្ឋកិច្ចបែបមូលធននិយម បានជះឥទ្ធិពលទៅលើទស្សនវិទូលោក កាល់ ម៉ាក្ស យ៉ាងខ្លាំង។ ព្រោះតែប្រព័ន្ធសេដ្ឋកិច្ចនេះបានធ្វើឲ្យពួកវណ្ណៈមូលធនជិះជាន់វណ្ណៈអធន ដើម្បីផលប្រយោជន៍ផ្ទាល់ខ្លួន។ មូលធននិយម គឺជាប្រព័ន្ធសេដ្ឋកិច្ចមួយ ដែលពាណិជ្ជកម្ម និងឧស្សាហកម្មទាំងឡាយត្រូវបានគ្រប់គ្រងដោយវិស័យឯកជន។ ក្រុមថៅកែគឺចង់បានចំណេញច្រើន ហើយចំណាយទៅលើកម្មករក្នុងចំនួនប្រាក់ខែតិច ប៉ុន្តែកម្មករចង់បានប្រាក់ខែច្រើន តែធ្វើការតិច និងមានម៉ោងពេលកំណត់ឲ្យបានច្បាស់លាស់។ ក៏ប៉ុន្តែកម្មករ មិនអាចធ្វើការតវ៉ាបាន ព្រោះតែខ្លួនគ្មានអំណាចដើម្បីទៅទាមទារពីថៅកែបាន។ កត្តានេះហើយដែលធ្វើឲ្យ ម៉ាក្ស មើលឃើញថា ព្រោះតែកម្មករគ្មានអំណាចទើបមិនអាចធ្វើអ្វីបាន។ ហេតុនេះមានតែការធ្វើបដិវត្តន៍សង្គមទៅជារបបស្មើភាពគ្នាទេ ទើបអាចឲ្យកម្មករ និងក្រុមមនុស្សនៅក្នុងវណ្ណៈអធន អាចមានសិទ្ធិធ្វើសេចក្ដីសម្រេចចិត្តចំពោះជោគវាសនានៃការស់នៅរបស់ខ្លួនបាន នោះគឺរបបគ្រប់គ្រងបែបកុម្មុយនីស្ដ។
ការលើកឡើងរបស់ទស្សនវិទូ កាល់ ម៉ាក្ស ទាក់ទងអំណាចព្រោះមកពីហេតុផលកម្មករ ក្រុមមនុស្សដែលស្ថិតក្នុងវណ្ណៈអធន និងក្រុមមនុស្សវណ្ណៈមូលធន។ ប៉ុន្តែទ្រឹស្ដីនេះ គឺជាភាពត្រឹមត្រូវមួយ ទាំងផ្នែកទ្រឹស្ដី និងការអនុវត្តមួយចំនួនធំផងដែរ។ មិនថានៅក្នុងការគ្រប់គ្រងសង្គមតាមបែបកុម្មុយនីស្ដ ប្រជាធិបតេយ្យ និងសាធារណរដ្ឋក្ដី អំណាចគឺជាមូលដ្ឋាននៃការធ្វើសេចក្ដីសម្រេចចិត្តរបស់ក្រុមមេដឹកនាំដែលចង់ធ្វើការផ្លាស់ប្ដូរនិងកែប្រែសង្គម។ បើសិនជាក្រុមមនុស្សដែលមានឆន្ទៈធំ ចង់កែប្រែសង្គមដែលខ្លួនមើលឃើញ តែមិនព្រមឈ្មុសឈ្មុលទៅរកអំណាចទេ ឱកាសដែលខ្លួនអាចផ្លាស់ប្ដូរសង្គមក៏មិនអាចមានច្រើននោះដែរ។ ព្រោះមានអំណាចទើបអាចយកគោលនយោបាយដែលខ្លួនធ្វើទៅអនុវត្តន៍បាន យកគំនិតរបស់ខ្លួនដាក់ជាចំណុចអត្ថិភាពបាន មានសិទ្ធិរៀបចំផែនការយុទ្ធសាស្ត្រ ដោយប្រសិទ្ធភាពខ្ពស់។ល។ ឧទាហរណ៍ នៅក្នុងសង្គមមួយ ក្រុមប្រឆាំងទាមទារឲ្យរដ្ឋធ្វើកិច្ចការនេះ ធ្វើកិច្ចការនោះ តែនៅមិនទទួលបានការអនុវត្តតាមអ្វីដែលខ្លួនស្នើរ ព្រោះខ្លួនគ្មានសិទ្ធិធ្វើសេចក្ដីសម្រេចចិត្ត ដែលនោះគឺជាអំណាច។
ជាការពិតណាស់ ថ្វីដ្បិតតែអំណាចគឺជាមូលដ្ឋាននៃការធ្វើសេចក្ដីសម្រេចចិត្ត ដើម្បីផ្លាស់ប្តូរសង្គមក៏ពិតមែន តែមិនមែនមានន័យថា ការប្រើប្រាស់អំណាចមានលក្ខណៈដូចគ្នានោះទេ។ ភាពល្អអាក្រក់នៃការប្រើប្រាស់អំណាច គឺអាស្រ័យទៅលើចិត្ត និងគំនិត របស់បុគ្គលដែលត្រូវទៅកាន់អំណាច និងទទួលបានអំណាចនោះ ថាគាត់ជាមនុស្សប្រភេទណាដែលចង់កែប្រែសង្គមទៅជាបែបណា?
តែជាគោលការណ៍ គឺអំណាចជាមាគ៌ាសំខាន់សម្រាប់បុគ្គលគ្រប់រូប ដើម្បីអនុវត្តន៍ការគិតរបស់ខ្លួន ផែនការរបស់ខ្លួន និងឆន្ទៈ របស់ខ្លួនទៅតាមមុខនាទី និងព្រំដែនអំណាចរបស់ខ្លួន៕
ការគ្រប់គ្រងសេដ្ឋកិច្ចបែបមូលធននិយម បានជះឥទ្ធិពលទៅលើទស្សនវិទូលោក កាល់ ម៉ាក្ស យ៉ាងខ្លាំង។ ព្រោះតែប្រព័ន្ធសេដ្ឋកិច្ចនេះបានធ្វើឲ្យពួកវណ្ណៈមូលធនជិះជាន់វណ្ណៈអធន ដើម្បីផលប្រយោជន៍ផ្ទាល់ខ្លួន។ មូលធននិយម គឺជាប្រព័ន្ធសេដ្ឋកិច្ចមួយ ដែលពាណិជ្ជកម្ម និងឧស្សាហកម្មទាំងឡាយត្រូវបានគ្រប់គ្រងដោយវិស័យឯកជន។ ក្រុមថៅកែគឺចង់បានចំណេញច្រើន ហើយចំណាយទៅលើកម្មករក្នុងចំនួនប្រាក់ខែតិច ប៉ុន្តែកម្មករចង់បានប្រាក់ខែច្រើន តែធ្វើការតិច និងមានម៉ោងពេលកំណត់ឲ្យបានច្បាស់លាស់។ ក៏ប៉ុន្តែកម្មករ មិនអាចធ្វើការតវ៉ាបាន ព្រោះតែខ្លួនគ្មានអំណាចដើម្បីទៅទាមទារពីថៅកែបាន។ កត្តានេះហើយដែលធ្វើឲ្យ ម៉ាក្ស មើលឃើញថា ព្រោះតែកម្មករគ្មានអំណាចទើបមិនអាចធ្វើអ្វីបាន។ ហេតុនេះមានតែការធ្វើបដិវត្តន៍សង្គមទៅជារបបស្មើភាពគ្នាទេ ទើបអាចឲ្យកម្មករ និងក្រុមមនុស្សនៅក្នុងវណ្ណៈអធន អាចមានសិទ្ធិធ្វើសេចក្ដីសម្រេចចិត្តចំពោះជោគវាសនានៃការស់នៅរបស់ខ្លួនបាន នោះគឺរបបគ្រប់គ្រងបែបកុម្មុយនីស្ដ។
ការលើកឡើងរបស់ទស្សនវិទូ កាល់ ម៉ាក្ស ទាក់ទងអំណាចព្រោះមកពីហេតុផលកម្មករ ក្រុមមនុស្សដែលស្ថិតក្នុងវណ្ណៈអធន និងក្រុមមនុស្សវណ្ណៈមូលធន។ ប៉ុន្តែទ្រឹស្ដីនេះ គឺជាភាពត្រឹមត្រូវមួយ ទាំងផ្នែកទ្រឹស្ដី និងការអនុវត្តមួយចំនួនធំផងដែរ។ មិនថានៅក្នុងការគ្រប់គ្រងសង្គមតាមបែបកុម្មុយនីស្ដ ប្រជាធិបតេយ្យ និងសាធារណរដ្ឋក្ដី អំណាចគឺជាមូលដ្ឋាននៃការធ្វើសេចក្ដីសម្រេចចិត្តរបស់ក្រុមមេដឹកនាំដែលចង់ធ្វើការផ្លាស់ប្ដូរនិងកែប្រែសង្គម។ បើសិនជាក្រុមមនុស្សដែលមានឆន្ទៈធំ ចង់កែប្រែសង្គមដែលខ្លួនមើលឃើញ តែមិនព្រមឈ្មុសឈ្មុលទៅរកអំណាចទេ ឱកាសដែលខ្លួនអាចផ្លាស់ប្ដូរសង្គមក៏មិនអាចមានច្រើននោះដែរ។ ព្រោះមានអំណាចទើបអាចយកគោលនយោបាយដែលខ្លួនធ្វើទៅអនុវត្តន៍បាន យកគំនិតរបស់ខ្លួនដាក់ជាចំណុចអត្ថិភាពបាន មានសិទ្ធិរៀបចំផែនការយុទ្ធសាស្ត្រ ដោយប្រសិទ្ធភាពខ្ពស់។ល។ ឧទាហរណ៍ នៅក្នុងសង្គមមួយ ក្រុមប្រឆាំងទាមទារឲ្យរដ្ឋធ្វើកិច្ចការនេះ ធ្វើកិច្ចការនោះ តែនៅមិនទទួលបានការអនុវត្តតាមអ្វីដែលខ្លួនស្នើរ ព្រោះខ្លួនគ្មានសិទ្ធិធ្វើសេចក្ដីសម្រេចចិត្ត ដែលនោះគឺជាអំណាច។
ជាការពិតណាស់ ថ្វីដ្បិតតែអំណាចគឺជាមូលដ្ឋាននៃការធ្វើសេចក្ដីសម្រេចចិត្ត ដើម្បីផ្លាស់ប្តូរសង្គមក៏ពិតមែន តែមិនមែនមានន័យថា ការប្រើប្រាស់អំណាចមានលក្ខណៈដូចគ្នានោះទេ។ ភាពល្អអាក្រក់នៃការប្រើប្រាស់អំណាច គឺអាស្រ័យទៅលើចិត្ត និងគំនិត របស់បុគ្គលដែលត្រូវទៅកាន់អំណាច និងទទួលបានអំណាចនោះ ថាគាត់ជាមនុស្សប្រភេទណាដែលចង់កែប្រែសង្គមទៅជាបែបណា?
តែជាគោលការណ៍ គឺអំណាចជាមាគ៌ាសំខាន់សម្រាប់បុគ្គលគ្រប់រូប ដើម្បីអនុវត្តន៍ការគិតរបស់ខ្លួន ផែនការរបស់ខ្លួន និងឆន្ទៈ របស់ខ្លួនទៅតាមមុខនាទី និងព្រំដែនអំណាចរបស់ខ្លួន៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 6 ម៉ោង
