អាថ៌កំបាំងនៃការចាក់សាក់បែបបុរាណនៅលើដងខ្លួនត្រូវបង្ហាញឲ្យដឹង

ជាតិ

អាថ៌កំបាំងនៃការចាក់សាក់បែបបុរាណនៅលើដងខ្លួនត្រូវបង្ហាញឲ្យដឹង

04, Feb 2016 , 9:19 am

រូបភាព

ដោយ: ថ្មីៗ

ភ្នំពេញ៖ អាថ៌កំបាំងនៃការចាក់សាក់បែបបុរាណនៅលើដងខ្លួនត្រូវបង្ហាញឲ្យដឹងនៅថ្ងៃខាងមុខនេះដោយជនជាតិបារាំង។ សន្និសីទរបស់លោក Olivier de Bernon នឹងធ្វើការបង្ហាញនៅថ្ងៃសៅរ៍វេលាម៉ោង៣រសៀលខាងមុខនេះនៅវិទ្យាស្ថានភាសាបារាំងទីក្រុងភ្នំពេញដោយមានមានចាក់បញ្ចាំងខ្សែភាពយន្តឯកសារដែលមានចំណងជើងថា«តួអក្សរការសាក់បែបប្រពៃណីបុរាណនៅប្រទេសកម្ពុជា»។

នៅប្រទេសកម្ពុជា ការចាក់សាក់បែបប្រពៃណីបុរាណ មានទំរង់ជាតួអក្សរពិបាកនឹងបកស្រាយពន្យល់ ពីព្រោះ តួអក្សរទាំងនេះត្រូវបានសម្តែងចេញតាមបែបស៊ីចង្វាក់គ្នាម្យ៉ាង ដូចជា ការចងក្រងពាក្យ (មន្ត) គំនូសអក្សរប្រទាក់ឆ្វាក់គ្នា(យ័ន្ត)ធម៌អរូបី(បរិត្ត)។ល។ ការចាក់សាក់នេះមិនទាក់ទងអ្វីនឹងសោភ័ណ្ឌភាពនៃរាងកាយទេ ប៉ុនែ្តជាការស្វែងរកអំណាចស័ក្តិសិទ្ធ ដែលផ្តល់ឱ្យពួកគេដោយការអនុវត្តពិធីសាសនានៅក្រោមដំបូលវត្តអារាម ប៉ុនែ្តផ្ទុយទៅវិញ អ្នកដឹកនាំព្រះពុទ្ធសាសនាជាន់ខ្ពស់នៅភ្នំពេញហាមឃាត់ការធ្វើពិធីប្រពៃណីបែបនេះនៅក្នុងទីធ្លាវត្តអារាមជាងមួយសតវត្សរ៍មកហើយ។

លោក Olivier de Bernon នាយកសិក្សានៅសាលាបារាំងចុងបូព៌ា និងជាអតីតប្រធានសារមន្ទីរ Guimet នៅទីក្រុងប៉ារីសនឹងធ្វើការបង្ហាញរបៀបចាក់សាក់ជាតួអក្សរបែបប្រពៃណីបុរាណនៅប្រទេសកម្ពុជានៅថ្ងៃសៅរ៍ខាងមុខនេះនៅទីក្រុងភ្នំពេញ។ សន្និសីទនេះនឹងធ្វើឡើងជាភាសាបារាំង និងមានបកប្រែជាភាសាខ្មែរ និងភាសាអង់គ្លេស។ អញ្ជើញចូលស្តាប់ដោយឥតគិតថ្លៃកន្លែងអង្គុយមានកំណត់៕

តើពាក្យ «សិទ្ធិ, សិទ្ធ» ប្រើខុសគ្នាដូចម្តេច?

5 ម៉ោង

ផ្សារដើមគរថ្មី លើផ្ទៃដី៣០ហិកតា ត្រូវបានដាក់ដំណើរការជាផ្លូវការហើយ

7 ថ្ងៃ

«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?

ភ្នំពេញ 2 ថ្ងៃ

តើពាក្យងារជា «សម្តេច» មានន័យដូចម្តេច?

4 ថ្ងៃ

រោងចក្រដំឡើងរថយន្តរបស់ក្រុមហ៊ុនជប៉ុនមួយទៀត បើកដំណើរការនៅកម្ពុជា

3 ថ្ងៃ

អត្ថបទពេញនិយមបន្ថែម