លោក ញឹក ប៊ុនឆៃ និងមន្ត្រី២២នាក់ទៀត បាត់បង់សមាជិកភាពពីហ្វ៊ុនស៊ិនប៉ិច ជាផ្លូវការ

ជាតិ

នយោបាយជាតិ

លោក ញឹក ប៊ុនឆៃ និងមន្ត្រី២២នាក់ទៀត បាត់បង់សមាជិកភាពពីហ្វ៊ុនស៊ិនប៉ិច ជាផ្លូវការ

06, Feb 2016 , 5:52 pm

រូបភាព

លោក ញឹក ប៊ុនឆៃ និងឥស្សរជនដែលបានបាត់បង់សមាជិកភាពពីហ៊្វុនស៊ិនប៉ិច

ដោយ: ថ្មីៗ

ប្រធានគណបក្សហ្វ៊ុនស៊ិនប៉ិច សម្តេចក្រុមព្រះ នរោត្តម រណឫទ្ធិ នៅថ្ងៃទី៦ ខែកុម្ភៈ បានចេញសេចក្តីសម្រេចស្តីពីបញ្ជីឈ្មោះឥស្សរជនបក្សចំនួន២៣នាក់ ដែលត្រូវបានបាត់បង់នូវសមាជិកភាព បន្ទាប់ពីមានការបែងបាក់ទ្រង់ទ្រាយធំរវាងព្រះអង្គ និងលោក ញឹក ប៊ុនឆៃ ដែលជាអនុប្រធានទី២ ។

យោងតាមបញ្ជីឈ្មោះ ឥស្សរជនទាំងនោះ គឺសុទ្ធជាអ្នកជិតស្និទ្ធរបស់លោក ញឹក ប៊ុនឆៃ ដែលបានសម្រេចចាកចេញពីហ្វ៊ុនស៊ិនប៉ិច ទៅចូលរួមបង្កើតគណបក្សរាជានិយមមួយទៀតដែលមានឈ្មោះថា «គណបក្សខ្មែររួបរួមជាតិ»។

មន្ត្រីទាំងនោះរួមមានដូចជា លោក ញឹក ប៊ុនឆៃ លោក ទា ចំរ៉ាត់ លោក ខាន់ សាវឿន លោក សឹម សុន លោក ឈឹម ឈន លោក ទេព នន្ទរី លោក ទុំ សម្បុរ លោក ឈឹម សាខន លោក អ៊ឹង ទាស៊ាម លោក គួច គី លោកស្រី ប្រាក់ ចន្ថា លោក ច័ន្ទ នរ៉ា លោក មៀច សំអ៊ាន់ លោក គុជ ម៉ូលី លោក ជា សែ លោក ឆែម ពេត លោក អ៊ុំ សុមន្ថា លោក ម៉េង ហួរ លោក ធៀង វណ្ណដារ៉ុង លោក គី សារ៉ា លោក សង្ហ គីរី និងលោក ថោង នូវ។

តាមសេចក្តីសម្រេច សម្តេចក្រុមព្រះ បានតម្រូវឲ្យអនុប្រធានគណបក្ស គណៈកម្មាធិការនាយក អគ្គលេខាធិការ ប្រតិបត្តិ ក្រុមការងារបោះឆ្នោត រាជធានីខេត្ត អនុវត្តឲ្យមានប្រសិទ្ធភាពខ្ពស់៕