ពីនេះ ពីនោះ
តើពាក្យ«អនុសញ្ញាអន្តរជាតិ»មានអត្ថន័យដូចម្ដេចក្នុងវិទ្យាសាស្ត្រនយោបាយ ?
×![]()
ដោយ: ថ្មីៗ
នៅក្នុងសទ្ទានុក្រមបច្ចេកសព្ទរបស់វិទ្យាសាស្ត្រនយោបាយ និងការទូត ដែលអនុម័តដោយក្រុមប្រឹក្សាជាតិភាសាខ្មែរ បានកំណត់អត្ថន័យពាក្យ «អនុសញ្ញាអន្តរជាតិ» ដូចខាងក្រោម៖
អនុសញ្ញាអន្តរជាតិ មានលក្ខណៈដូចគ្នានឹងន័យរបស់ពាក្យសន្ធិសញ្ញាដែរ។ លក្ខណៈវិនិច្ឆ័យនៃអនុសញ្ញាគឺ៖
ទី១. អនុសញ្ញាមានន័យ និងចាត់ទុកដូចជាច្បាប់សន្មត(ច្បាប់មានលក្ខណៈទូទៅនិងមានភាពប្រាកដប្រជាដែលត្រូវបានប្រជាជាតិទាំងឡាយលើសកលលោកសុខចិត្តទទួលយក ថា ជាកាតព្វកិច្ចខាងផ្លូវច្បាប់)។
ទី២. អនុសញ្ញាត្រូវបើកឲ្យមានការចូលរួមពីសំណាក់សហគមន៍អន្តរជាតិទាំងមូលឬពីបណ្ដារដ្ឋនានាមួយចំនួនធំ។
ឧទាហរណ៍៖ អនុសញ្ញាស្ដីពីការទប់ស្កាត់និងការដាក់ទណ្ឌកម្មនៃឧក្រិដ្ឋកម្មប្រល័យពូជសាសន៍ឆ្នាំ១៩៥១ អនុសញ្ញាស្ដីពីច្បាប់សមុទ្រ អនុសញ្ញាស្ដីពីបុព្វសិទ្ធិ និងអភ័យឯកសិទ្ធិរបស់អង្គការសហប្រជាជាតិឆ្នាំ១៩៤៦ អនុសញ្ញាទីក្រុងវីយែនស្ដីពីទំនាក់ទំនងការទូតឆ្នាំ១៩៦១។
© រក្សាសិទ្ធិដោយ thmeythmey.com
