ជាតិ
សង្គមជាតិ
លោក ជា សុផារ៉ា បង្កើតក្រុមការងារជួបអ្នកតវ៉ា ដើម្បីដោះស្រាយបញ្ហាដីធ្លី
រូបថត ហេ្វសប៊ុកក្រសួងរៀបចំដែនដី
×![]()
ដោយ: ថ្មីៗ
ភ្នំពេញ៖ លោក ជា សុផារ៉ា អតីតរដ្ឋមន្ត្រីក្រសួងអភិវឌ្ឍន៍ជនបទ ដែលទើបចូលកាន់តំណែងរដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ កាលពីថ្ងៃទី៥ មេសា កន្លងមក បានសម្រេចបង្កើតក្រុមការងារសម្របសម្រួលជាមួយពលរដ្ឋមួយ ដើម្បីទទួលញ្ញត្តិ និងដោះស្រាយបញ្ហាវិវាទដីធ្លី។
លោក ជា សុផារ៉ា បានសម្រេចចាត់តាំងមន្ត្រីចំនួន ១១រូប ឋានៈចាប់ពីអនុប្រធាននាយកដ្ឋាន រហូតដល់ រដ្ឋលេខាធិការ ឲ្យទទួលដោះស្រាយបញ្ហាវិវាទដីធ្លីពលរដ្ឋ។ បើតាមសេចក្តីសម្រេចស្តីពី ការបង្កើតក្រុមការងារទទួលជួប សម្របសម្រួល និងដោះស្រាយជាមួយក្រុមអ្នកតវ៉ា ឬក្រុមបាតុករពាក់ព័ន្ធនឹងបញ្ហាដីធ្លី ចុះថ្ងៃទី៨ ខែមេសា ឆ្នាំ២០១៦នេះ លោក ជា សុផារ៉ា បានបង្គាប់មន្ត្រីខាងលើ ឲ្យចាំទទួលជួបក្រុមអ្នកតវ៉ា ឬក្រុមបាតុករ និងទទួលញ្ញតិ្ត និងឯកសារពាក់ព័ន្ធនានា ពីក្រុមអ្នកតវ៉ា ឬក្រុមបាតុករ ព្រមទាំងសម្របសម្រួល និងដោះស្រាយបញ្ហាជាមួយពួកគេផងដែរ។
ក្រៅពីភារកិច្ចទាក់ទងជាមួយក្រុមអ្នកតវ៉ាហើយនោះ បើសេចក្តីសម្រេចលោក ជា សុផារ៉ា ក្រុមការងារនេះ មានភារកិច្ចស្នើវិធានការដោះស្រាយជូនក្រសួង ដើម្បីសម្រេចដោះស្រាយបញ្ហា និងតាមដានការអនុវត្តវិធានការដោះស្រាយរហូតដល់ករណីវិវាទត្រូវបានបញ្ចប់ជាស្ថាពរ ព្រមទាំងធ្វើរបាយការណ៍ជូនក្រសួង ពីលទ្ធផលដោះស្រាយនានា។
គួររម្លឹកថា លោក ជា សុផារ៉ា បានប្តេជ្ញាក្នុងពិធីចូលកាន់តំណែងរដ្ឋមន្ត្រីក្រសួងរៀបចំដែនដី កាលពីថ្ងៃទី៤ ខែមេសា កន្លងទៅ ថា លោកនឹងដោះស្រាយបញ្ហាការងារឲ្យបាន ឲ្យលឿន និងធ្វើឲ្យមានតម្លាភាព។ ការងារទាំងនោះ រួមមាន ការពង្រឹងសមត្ថភាពមន្ត្រី បញ្ហាវិវាទដីធ្លី ការរំលោភដីសាធារណៈ និងសំណង់ខុសច្បាប់ ជាដើម៕
លោក ជា សុផារ៉ា បានសម្រេចចាត់តាំងមន្ត្រីចំនួន ១១រូប ឋានៈចាប់ពីអនុប្រធាននាយកដ្ឋាន រហូតដល់ រដ្ឋលេខាធិការ ឲ្យទទួលដោះស្រាយបញ្ហាវិវាទដីធ្លីពលរដ្ឋ។ បើតាមសេចក្តីសម្រេចស្តីពី ការបង្កើតក្រុមការងារទទួលជួប សម្របសម្រួល និងដោះស្រាយជាមួយក្រុមអ្នកតវ៉ា ឬក្រុមបាតុករពាក់ព័ន្ធនឹងបញ្ហាដីធ្លី ចុះថ្ងៃទី៨ ខែមេសា ឆ្នាំ២០១៦នេះ លោក ជា សុផារ៉ា បានបង្គាប់មន្ត្រីខាងលើ ឲ្យចាំទទួលជួបក្រុមអ្នកតវ៉ា ឬក្រុមបាតុករ និងទទួលញ្ញតិ្ត និងឯកសារពាក់ព័ន្ធនានា ពីក្រុមអ្នកតវ៉ា ឬក្រុមបាតុករ ព្រមទាំងសម្របសម្រួល និងដោះស្រាយបញ្ហាជាមួយពួកគេផងដែរ។
ក្រៅពីភារកិច្ចទាក់ទងជាមួយក្រុមអ្នកតវ៉ាហើយនោះ បើសេចក្តីសម្រេចលោក ជា សុផារ៉ា ក្រុមការងារនេះ មានភារកិច្ចស្នើវិធានការដោះស្រាយជូនក្រសួង ដើម្បីសម្រេចដោះស្រាយបញ្ហា និងតាមដានការអនុវត្តវិធានការដោះស្រាយរហូតដល់ករណីវិវាទត្រូវបានបញ្ចប់ជាស្ថាពរ ព្រមទាំងធ្វើរបាយការណ៍ជូនក្រសួង ពីលទ្ធផលដោះស្រាយនានា។
គួររម្លឹកថា លោក ជា សុផារ៉ា បានប្តេជ្ញាក្នុងពិធីចូលកាន់តំណែងរដ្ឋមន្ត្រីក្រសួងរៀបចំដែនដី កាលពីថ្ងៃទី៤ ខែមេសា កន្លងទៅ ថា លោកនឹងដោះស្រាយបញ្ហាការងារឲ្យបាន ឲ្យលឿន និងធ្វើឲ្យមានតម្លាភាព។ ការងារទាំងនោះ រួមមាន ការពង្រឹងសមត្ថភាពមន្ត្រី បញ្ហាវិវាទដីធ្លី ការរំលោភដីសាធារណៈ និងសំណង់ខុសច្បាប់ ជាដើម៕
Tag:
ជា សុផារ៉ា
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 4 ម៉ោង
