អូស្មាន ហាស្សាន់៖ សាសនិកឥស្លាមត្រូវដឹងគុណថ្ងៃ៧មករាស្របតាមគម្ពីរសាសនា

ជាតិ

សង្គមជាតិ

អូស្មាន ហាស្សាន់៖ សាសនិកឥស្លាមត្រូវដឹងគុណថ្ងៃ៧មករាស្របតាមគម្ពីរសាសនា

15, Jun 2016 , 1:06 pm

រូបភាព

ដោយ: សារព័ត៌មានថ្មីៗ

ភ្នំពេញ៖ មានថ្ងៃ៧មករា ទើបធ្វើឲ្យមានការអភិវឌ្ឍ។ ថ្ងៃ៧មករា ក៏បានធ្វើឲ្យសាសនាឥស្លាមរស់ឡើងវិញដូចសព្វថ្ងៃ។ នេះជាខ្លឹមសារខ្លះៗ ដែលលោក អូស្មាន ហាស្សាន់ បាននិយាយក្នុងពិធីពិសាអាហារស្រាយបួសនៅកោះពេជ្រនៅល្ងាចថ្ងៃទី១៤ មិថុនាម្សិលមិញ។

ក្នុងសន្ទរកថាដ៏វែង ដោយបាននិយាយទាំងការបើកទូលាយរបស់រដ្ឋាភិបាលកម្ពុជា ដល់សហគមន៍ឥស្លាម មានទាំងការស្លៀកពាក់ ការសង់វិហារ សេរីភាពការគោរពប្រតិបត្តិសាសនា ការសិក្សាទាំងក្នុងនិងក្រៅប្រទេស។ល។ លោក អូស្មាន ហាស្សាន់ រដ្ឋមន្ត្រីប្រតិភូអមនាយករដ្ឋមន្ត្រី បាននិយាយថា សាសនិកឥស្លាម ត្រូវដឹងគុណថ្ងៃ៧មករា ហើយឆ្លើយតបទៅនឹងគុណនេះព្រោះវាស្របទៅនឹងក្រឹត្យក្រមក្នុងគម្ពីររបស់សាសនា ក៏ដូចជាពាក្យសំដីរបស់ព្យាការីមហាំម៉ាត់។

ក្នុងនោះដែរ លោក ហាស្សាន់ ដែលជាប្រធានមូលនិធិអភិវឌ្ឍន៍មូស្លីមកម្ពុជា បានលើកពីអត្ថន័យក្នុងគម្ពីគួរអាន ដែលជាគម្ពីរបស់សាសនាឥស្លាមមកនិយាយយ៉ាងដូច្នេះថា« ប្រសិនបើអ្នកសម្តែងនូវការដឹងគុណ យើង (អល់ឡោះ)ប្រាកដជាថែមជូន (បុណ្យ) ដល់ពួកអ្នកទៀត ប៉ុន្តែប្រសិនបើអ្នករមិលគុណ ទណ្ឌកម្មរបស់យើងពិតជាធ្ងន់ធ្ងរណាស់» និងអនុវត្តន៍តាមប្រសាសន៍របស់ព្យាការីមហាំម៉ាត់ថា« ជនណាមិនដឹងគុណមនុស្ស ជននោះក៏មិនដឹងគុណអល់ឡោះ ការនិយាយពីគុណ គឺជាការដឹងគុណ ការមិននិយាយរម្លឹកពីគុណ គឺជាការរមិលគុណ»។ ត្រង់ន័យនេះ លោក អូស្មាន ហាស្សាន់ ចង់និយាយសំដៅទៅអ្នកខ្លះ ដែលមិនចងចាំថ្ងៃរំដោះ៧មករា និងបំភ្លេចចោលថ្ងៃនោះ។

សូមស្តាប់សំឡេង លោក អូស្មាន ហាស្សាន់ ដូចតទៅ