ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
ល្ខោនខោលឈុតថលតយ័ន្តក្នុងរឿងរាមកេរ្តិ៍ទាក់ទាញអ្នកទស្សនាយ៉ាងច្រើន
13, Jul 2016 ,
7:39 pm
រូបភាព
×
ដោយ:
ញឹក ស្រីល័ក្ខ (Nhek Sreyleak)
ភ្នំពេញ៖ កាលពីព្រឹកថ្ងៃទី១១ កក្កដា សាលាវិចិត្រសិល្បៈបានផ្តល់ទស្សនីយភាពល្ខោនខោលដោយឥតគិតថ្លៃ ដែលលើកយករឿងរាមកេរ្តិ៍ ក្នុងឈុតថលតយ័ន្ត មកសម្ដែងជូនទស្សនិកជន នៅសាលមហោស្របសាលាមធ្យមវិចិត្រសិល្បៈផ្ទាល់ ។
ការសម្ដែងទស្សនីយភាពល្ខោនខោលនេះ មានការយាងចូលរួមពីសំណាក់ព្រះបុត្រី នរោត្តម បុប្ផាទេវី សមាជិកក្រុមប្រឹក្សាធម្មនុញ្ញ រួមទាំងទូរទស្សនិកជនជាច្រើនរយនាក់ ដោយអ្នកខ្លះគ្មានកន្លែងអង្គុយទស្សនាឡើយព្រោះការចូលរួមលើសចំនួនកំណត់។
ល្ខោនខោល ជាល្ខោនមួយបែបដែលពាក់មុខខ្មុកសម្ដែង ហើយជាទូទៅ តួអង្គសម្ដែងសុទ្ធតែប្រុស និងសម្ដែងតែឈុតឆាកក្នុងរឿងរាមកេរ្តិ៍តែប៉ុណ្ណោះ។ សម្រាប់សំលៀកបំពាក់ និងគ្រឿងអលង្ការសម្រាប់លេងល្ខោនខោលមានភាពប្រណិតពុំខុសពីល្ខោនព្រះរាជទ្រព្យប៉ុន្មានទេ មិនថាល្ខោនខោលនេះជារបស់អ្នកក្រុង ឬរបស់អ្នកស្រែចម្ការឡើយ។
ទន្ទឹមនឹងនេះ ការសម្ដែងល្ខោនខោលមានន័យជ្រាលជ្រៅណាស់ ក្នុងជំនឿរបស់អ្នកស្រែចម្ការត្បិតមិនត្រឹមតែកម្សាន្តប៉ុណ្ណោះទេ គឺគេសម្ដែងក្នុងបរិបទកិច្ចពិធីដើម្បីបួងសួងសុំសេចក្ដីសុខ ភាពចម្រុងចម្រើន បញ្ចៀសឧបទ្រពចង្រៃ ហើយពិសេសគឺពិធីសុំទឹកភ្លៀង។
ល្ខោនខោលនេះ ជាមរតកវប្បធម៌ពុំអាចកាត់ថ្លៃបាន ហើយជាប់នៅក្នុងជំនឿទំនៀមទម្លាប់ របស់សហគមន៍មួយចំនួន ត្បិតការសម្ដែងនេះ ជាកាតព្វកិច្ចរបស់អ្នកស្រុកភូមិ និងប្រជាពលរដ្ឋគ្រប់រូបដែលត្រូវចូលរួមទាំងធនធាន និងកម្លាំង។
ជាមួយគ្នានេះ ការចូលរួមរបស់ទស្សនិកជន គឺដើម្បីជួយជ្រោមជ្រែងភាពថ្កុំថ្កើននៃវប្បធម៌យើង ក្នុងការផ្សព្វផ្សាយវប្បធម៌របស់ព្រះរាជាណាចក្រកម្ពុជាក្នុងឆាក អន្តរជាតិ នូវអ្វីដែលជាវប្បធម៌របស់ជាតិ។ ការចូលរួមរបស់ទស្សនិកជន គឺជាការផ្ដល់កម្លាំងចិត្តយ៉ាងធំធេងដល់សិល្បករទាំងអស់ ក្នុងការសម្រាប់ល្ខោនមួយនេះ។
គួរបញ្ជាក់ផងដែរ ល្ខោនខោល ឬល្ខោនពាក់របាំងមុខ គឺជាល្ខោនមួយដែលមានអាយុកាលចំណាស់តាំងពីមុនសម័យអង្គរ ក្នុងសតវត្សទី៩ តាមរយៈចម្លាក់លឹបតាមជញ្ជាំងប្រាសាទអង្គរ ល្ខោនខោលជាសម្បត្តិវប្បធម៌អរូបីរបស់ព្រះរាជាណាចក្រកម្ពុជា។ ល្ខោនខោលត្រូវបានអភិវឌ្ឍន៍ដោយបុរសទាំងស្រុង ក្នុងការរាំប្រចាំ នៅក្នុងព្រះរាជវាំងបុរាណខ្មែរ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
© រក្សាសិទ្ធិដោយ thmeythmey.com
អត្ថបទពេញនិយម
ផ្សារដើមគរថ្មី លើផ្ទៃដី៣០ហិកតា ត្រូវបានដាក់ដំណើរការជាផ្លូវការហើយ
5 ថ្ងៃ
ដំណឹងបឋម៖ ករណីផ្ទុះឃ្លាំងគ្រាប់នៅបន្ទាយភូមិភាគ៣ ក្រុងច្បារមន មានអ្នកស្លាប់ និងរបួសច្រើននាក ...
6 ថ្ងៃ
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ
18 ម៉ោង
តើពាក្យងារជា «សម្តេច» មានន័យដូចម្តេច?
3 ថ្ងៃ
តើពាក្យ «ដុតដៃដុតជើង» មានន័យដូចម្តេច?
1 សប្តាហ៍
អត្ថបទពេញនិយមបន្ថែម