ពីនេះ ពីនោះ
តើមូលហេតុអ្វីបានជា«គ្រូបង្រៀន» គឺជាបុគ្គលដែលគួរឲ្យគោរព?
× ភ្នំពេញ៖ គ្រូបង្រៀនគឺជាមុខរបរមួយថ្លៃថ្នូរ ឧត្ដុងឧត្ដម ហើយមានគុណប្រយោជន៍ចំពោះជាតិ មាតុភូមិ ក្នុងការបណ្ដុះបណ្ដាលធនធានមនុស្សដើម្បីអភិវឌ្ឍន៍សង្គមជាតិ និងធ្វើឲ្យសង្គមរីករាយជាមួយនឹងជនដែលមានចំណេះដឹង។ តើមានមូលហេតុអ្វីខ្លះដែលនាំឲ្យគ្រូបង្រៀនជាជនដែលគួរគោរព?
គ្រូបង្រៀនគឺជាវិស្វករនៃព្រលឹង ដែលបង្រៀនមនុស្សគ្រប់ជំនាន់ឲ្យចេះប្រើប្រាស់អត្ថិភាព ជីវិតរបស់ខ្លួនឲ្យមានប្រយោជន៍។ គ្រូបង្រៀនគឺជាបុព្វការីជន, ជាអ្នកកសាងសតិបញ្ញារបស់មនុស្សជាតិ, ជាអ្នកការពារនិងដោះស្រាយបញ្ហាជាតិ តាមរយៈការបង្កើតភ្នាក់ងារការពារជាតិដោយចំណេះ និងបញ្ញា។ គ្រូបង្រៀនគឺជាអ្នកចិត្តបុណ្យដ៏ប្រសើរ ហើយជាអ្នកដែលលះបង់ប្រយោជន៍ផ្ទាល់ខ្លួនដើម្បីប្រយោជន៍អ្នកដទៃ និងប្រទេសជាតិ។ គ្រូបង្រៀនគឺជាអ្នកចង្អុលបង្ហាញផ្លូវដ៏ភ្លឺស្វាង និងរុងរឿង, ជាឪពុកម្ដាយទីពីរ របស់សិស្សានុសិស្សគ្រប់រូប, ជាបុគ្គលដែលគួរឲ្យគោរព, ជាឃ្លាំងសតិបញ្ញាសម្រាប់ជាតិ, ជាអ្នកកសាងគ្រឹះបញ្ញា សន្តិភាព គុណធម៌ សីលធម៌ យុត្តិធម៌ និងសេចក្ដីល្អ ជូនមនុស្សក្នុងលោក។
គ្រូបង្រៀនដ្បិតថា ជាអាជីពមួយដែលធ្វើការយកប្រាក់ខែពីរាជការ ឬតាមស្ថាប័ននានា ហើយចាំបាច់ត្រូវតែបំពេញកាតព្វកិច្ចរបស់ខ្លួនដូចជាអាជីពដទៃ ប៉ុន្តែតម្លៃរបស់លោកគឺនៅមានក្នុងលក្ខណៈមួយបែបផ្សេងខុសពីអាជីពដទៃ។ ទោះជាយ៉ាងណា ដើម្បីទទួលបានតម្លៃដែលបានរៀបរាប់នេះ ល្គឹកណាទាល់តែគ្រូបង្រៀនខ្លួនឯងប្រឹងប្រែងរៀបចំខ្លួន ឲ្យបានសាកសមជាមួយតម្លៃដែលគេបានកំណត់ នោះគឺកាន់តែមានតម្លៃ៕
© រក្សាសិទ្ធិដោយ thmeythmey.com