ពីនេះ ពីនោះ
តើពាក្យ«ពិជឃាត, ពិជឃាដ, ពេជ្ឈឃាត, ពេជ្ឈឃាដ» មួយណាទើបជាពាក្យត្រឹមត្រូវ?
× ពាក្យថា«ពិជឃាត, ពិជឃាដ, ពេជ្ឈឃាត, ពេជ្ឈឃាដ» ប្រហែលជាមានសាធារណជនច្រើនអាចនៅមានការច្រឡំក្នុងការសរសេរពាក្យទាំងនេះ ថាមួយណាទើបជាពាក្យត្រឹមត្រូវ ។ វចនានុក្រមខ្មែររបស់សម្ដេចព្រះសង្ឃរាជជួន ណាត ពាក្យដែលត្រឹមត្រូវគឺពាក្យ «ពេជ្ឈឃាដ» ដែលកើតមកពីការផ្សំគ្នារវាងពាក្យថា «ពេជ្ឈ មានន័យថា មនុស្សដែលគេត្រូវសម្លាប់» និងពាក្យ«ឃាត មានន័យថាអ្នកសម្លាប់»។
ពាក្យ«ពេជ្ឈ+ឃាត» បានជាពាក្យថា «ពេជ្ឈឃាដ» នេះបើតាមវចនានុក្រមរបស់សម្ដេចព្រះសង្ឃរាជ ជួន ណាត។ ហេតុនេះ ពាក្យថា «ពេជ្ឈឃាដ»នេះមានន័យថា អ្នកពិឃាតមនុស្សទោស គឺអ្នកដែលរាជការតាំងឲ្យជាអ្នកសម្លាប់មនុស្សដែលមានទោសគួរដល់ប្រហារជីវិត។
ដកស្រង់ពីវចនានុក្រមខ្មែររបស់សម្ដេចព្រះសង្ឃរាជជួន ណាត
© រក្សាសិទ្ធិដោយ thmeythmey.com