ជាតិ
នយោបាយជាតិ
ប្រទេសចំនួន ៣៦ បារម្ភពីបញ្ហាសិទ្ធិមនុស្សនៅកម្ពុជា តែមន្ត្រីរដ្ឋាភិបាលច្រានចោល
លោក Keith Harper ឯកអគ្គរដ្ឋទូតសហរដ្ឋអាមេរិកប្រចាំនៅក្រុមប្រឹក្សាសិទ្ធិមនុស្សរបស់អង្គការសហប្រជាជាតិ
×![]()
ប្រទេសចំនួន ៣៦ បានចេញសេចក្តីប្រកាសរួមគ្នា បង្ហាញក្តីបារម្ភពីស្ថានភាពសិទ្ធិមនុស្សនៅក្នុងប្រទេសកម្ពុជា បន្ទាប់ពីមានការគំរាមកំហែងមកលើគម្រោងធ្វើធ្វើមហាបាតុកម្មរបស់គណបក្សសង្គ្រោះជាតិ និងករណីបាញ់សម្លាប់លោក កែម ឡី។ តែយ៉ាងណា អ្នកនាំពាក្យរដ្ឋាភិបាល បានច្រានចោលនូវកង្វល់របស់ប្រទេសទាំងនោះ។ 
ប្រទេស អូស្ត្រាលី សហរដ្ឋអាមេរិក ជប៉ុន កាណាដា ម៉ាសេដូនី ណ័រវ៉េ ស្វីស អាល់បានី និងប្រទេសចំនួន ២៨ ជាសមាជិកនៃសហភាពអឺរ៉ុប ដែលសរុបទាំងអស់ចំនួន ៣៦ ប្រទេស កំពុងមានក្តីកង្វល់ជុំវិញបញ្ហាសិទ្ធិមនុស្សនៅក្នុងប្រទេសកម្ពុជា។ ក្តីកង្វល់ដែលបង្ហាញនៅក្នុងសេចក្តីប្រកាសព័ត៌មានរួមគ្នារបស់ប្រទេសទាំង ៣៦ នៅថ្ងៃនេះ ធ្វើឡើងនៅឯក្រុមប្រឹក្សាសិទ្ធិមនុស្សរបស់អង្គការសហប្រជាជាតិ នាទីក្រុងហ្សឺណែវ ប្រទេសស្វីស ហើយត្រូវបានផ្សព្វផ្សាយដោយស្ថានទូតអាមេរិកប្រចាំនៅកម្ពុជា។
បើតាមទំព័រហ្វេសប៊ុកផ្លូវការរបស់ស្ថានទូតអាមេរិកប្រចាំនៅកម្ពុជា ឯកអគ្គរដ្ឋទូតសហរដ្ឋអាមេរិកប្រចាំនៅក្រុមប្រឹក្សាសិទ្ធិមនុស្សរបស់អង្គការសហប្រជាជាតិ លោក Keith Harper ជាអ្នកអាននូវសេចក្តីប្រកាសរួមរបស់ប្រទេសទាំង ៣៦ នោះ ដោយមានខ្លឹមសារសំខាន់បែបនេះថា៖«យើងមានកង្វល់យ៉ាងខ្លាំង ចំពោះការកើនឡើងនូវភាពតានតឹងនយោបាយ នៅកម្ពុជានៅពេលនេះ ដែលជាការគំរាមកំហែងដល់សកម្មភាពស្របច្បាប់របស់គណបក្សប្រឆាំង និងអង្គការមិនមែនរដ្ឋាភិបាលដែលធ្វើការផ្នែកសិទ្ធិមនុស្ស»។ សេចក្តីប្រកាសរួមនោះ បន្តដូច្នេះទៀតថា៖«យើងមានកង្វល់ជាពិសេសដោយមើលឃើញថា មានការប្តឹងទៅតុលាការដោយមិនទំនង ប្រឆាំងនឹងអ្នករិះគន់រដ្ឋាភិបាល។ យើងមានកង្វល់ដូចគ្នានេះផងដែរ ពីស្ថានភាពនៃ វប្បធម៌សន្ទនា រវាងគណបក្សនយោបាយធំជាងគេទាំងពីរ ដែលឈប់មានដំណើរទៅមុខ»។
ប្រទេសទាំង ៣៦ នោះ ក៏សម្តែងការសោកស្តាយ ចំពោះឃាតកម្ម លើរូបលោកកែម ឡី អ្នកវិភាគបញ្ហាសង្គម និងនយោបាយ ហើយករណីនេះ ក៏ធ្វើឲ្យសង្គមស៊ីវិល និងអ្នកឯករាជ្យនៅកម្ពុជាមានការភ័យព្រួយ ដែរ។
លោក ផៃ ស៊ីផាន អ្នកនាំពាក្យរដ្ឋាភិបាលកម្ពុជា បានច្រានចោលចំពោះក្តីកង្វល់របស់ប្រទេសទាំង ៣៦ នោះ។ « សេចក្តីប្រកាសនោះ មិនបានឆ្លុះបញ្ចាំងពីការពិតនៅកម្ពុជាទេ។ គណបក្សសង្គ្រោះជាតិទេ ជាអ្នកបង្ករឿង ដែលនាំឲ្យមានការភន្តច្រឡំ។ យើងយល់ថា សេចក្តីប្រកាសនេះ ជាហេតុផលនយោបាយច្រើនជាង»។ នេះជាការបញ្ជាក់របស់លោក ផៃ ស៊ីផាន ហើយលោក ក៏បន្តការពាររដ្ឋាភិបាលទៀតថា ករណីឯកឧត្តម កឹម សុខា កន្លងមក គឺជារឿងបុគ្គល ដែលប្រព្រឹត្តខុសច្បាប់តែប៉ុណ្ណោះ ហើយកម្ពុជាបច្ចុប្បន្នមានការគោរពសិទ្ធិមនុស្សត្រឹមត្រូវ។ លោក អះអាងបែបនេះថា៖ « វាជារឿងបុគ្គលខុសច្បាប់ ចង់ប្រមូលពលរដ្ឋធ្វើបាតុកម្មការពារខ្លួន។ យើងត្រូវមានវិធានការ»។
យ៉ាងណា អ្នកនាំពាក្យរដ្ឋាភិបាលរូបនេះ បន្ថែមប្រាប់សារព័ត៌មានថ្មីៗថា ក្តីកង្វល់របស់ប្រទេសទាំង ៣៦ អំពីបញ្ហាសិទ្ធិមនុស្សកម្ពុជា មន្ត្រីទូតកម្ពុជា នឹងពន្យល់ប្រទេសទាំងនោះ នៅក្នុងកិច្ចប្រជុំក្រុមប្រឹក្សាសិទ្ធិមនុស្សរបស់អង្គការសហប្រជាជាតិ នាទីក្រុងហ្សឺណែវ ប្រទេសស្វីស។
ជាមួយគ្នានេះ ប្រទេសទាំង ៣៦ នោះ ក៏អំពាវនាវឲ្យបើកការស៊ើបអង្កេតពេញលេញ និងដោយតម្លាភាព ចំពោះការស្លាប់របស់ លោកកែម ឡី ដែរ។
ប្រទេស អូស្ត្រាលី សហរដ្ឋអាមេរិក ជប៉ុន កាណាដា ម៉ាសេដូនី ណ័រវ៉េ ស្វីស អាល់បានី និងប្រទេសចំនួន ២៨ ជាសមាជិកនៃសហភាពអឺរ៉ុប ដែលសរុបទាំងអស់ចំនួន ៣៦ ប្រទេស កំពុងមានក្តីកង្វល់ជុំវិញបញ្ហាសិទ្ធិមនុស្សនៅក្នុងប្រទេសកម្ពុជា។ ក្តីកង្វល់ដែលបង្ហាញនៅក្នុងសេចក្តីប្រកាសព័ត៌មានរួមគ្នារបស់ប្រទេសទាំង ៣៦ នៅថ្ងៃនេះ ធ្វើឡើងនៅឯក្រុមប្រឹក្សាសិទ្ធិមនុស្សរបស់អង្គការសហប្រជាជាតិ នាទីក្រុងហ្សឺណែវ ប្រទេសស្វីស ហើយត្រូវបានផ្សព្វផ្សាយដោយស្ថានទូតអាមេរិកប្រចាំនៅកម្ពុជា។
បើតាមទំព័រហ្វេសប៊ុកផ្លូវការរបស់ស្ថានទូតអាមេរិកប្រចាំនៅកម្ពុជា ឯកអគ្គរដ្ឋទូតសហរដ្ឋអាមេរិកប្រចាំនៅក្រុមប្រឹក្សាសិទ្ធិមនុស្សរបស់អង្គការសហប្រជាជាតិ លោក Keith Harper ជាអ្នកអាននូវសេចក្តីប្រកាសរួមរបស់ប្រទេសទាំង ៣៦ នោះ ដោយមានខ្លឹមសារសំខាន់បែបនេះថា៖«យើងមានកង្វល់យ៉ាងខ្លាំង ចំពោះការកើនឡើងនូវភាពតានតឹងនយោបាយ នៅកម្ពុជានៅពេលនេះ ដែលជាការគំរាមកំហែងដល់សកម្មភាពស្របច្បាប់របស់គណបក្សប្រឆាំង និងអង្គការមិនមែនរដ្ឋាភិបាលដែលធ្វើការផ្នែកសិទ្ធិមនុស្ស»។ សេចក្តីប្រកាសរួមនោះ បន្តដូច្នេះទៀតថា៖«យើងមានកង្វល់ជាពិសេសដោយមើលឃើញថា មានការប្តឹងទៅតុលាការដោយមិនទំនង ប្រឆាំងនឹងអ្នករិះគន់រដ្ឋាភិបាល។ យើងមានកង្វល់ដូចគ្នានេះផងដែរ ពីស្ថានភាពនៃ វប្បធម៌សន្ទនា រវាងគណបក្សនយោបាយធំជាងគេទាំងពីរ ដែលឈប់មានដំណើរទៅមុខ»។
ប្រទេសទាំង ៣៦ នោះ ក៏សម្តែងការសោកស្តាយ ចំពោះឃាតកម្ម លើរូបលោកកែម ឡី អ្នកវិភាគបញ្ហាសង្គម និងនយោបាយ ហើយករណីនេះ ក៏ធ្វើឲ្យសង្គមស៊ីវិល និងអ្នកឯករាជ្យនៅកម្ពុជាមានការភ័យព្រួយ ដែរ។
លោក ផៃ ស៊ីផាន អ្នកនាំពាក្យរដ្ឋាភិបាលកម្ពុជា បានច្រានចោលចំពោះក្តីកង្វល់របស់ប្រទេសទាំង ៣៦ នោះ។ « សេចក្តីប្រកាសនោះ មិនបានឆ្លុះបញ្ចាំងពីការពិតនៅកម្ពុជាទេ។ គណបក្សសង្គ្រោះជាតិទេ ជាអ្នកបង្ករឿង ដែលនាំឲ្យមានការភន្តច្រឡំ។ យើងយល់ថា សេចក្តីប្រកាសនេះ ជាហេតុផលនយោបាយច្រើនជាង»។ នេះជាការបញ្ជាក់របស់លោក ផៃ ស៊ីផាន ហើយលោក ក៏បន្តការពាររដ្ឋាភិបាលទៀតថា ករណីឯកឧត្តម កឹម សុខា កន្លងមក គឺជារឿងបុគ្គល ដែលប្រព្រឹត្តខុសច្បាប់តែប៉ុណ្ណោះ ហើយកម្ពុជាបច្ចុប្បន្នមានការគោរពសិទ្ធិមនុស្សត្រឹមត្រូវ។ លោក អះអាងបែបនេះថា៖ « វាជារឿងបុគ្គលខុសច្បាប់ ចង់ប្រមូលពលរដ្ឋធ្វើបាតុកម្មការពារខ្លួន។ យើងត្រូវមានវិធានការ»។
យ៉ាងណា អ្នកនាំពាក្យរដ្ឋាភិបាលរូបនេះ បន្ថែមប្រាប់សារព័ត៌មានថ្មីៗថា ក្តីកង្វល់របស់ប្រទេសទាំង ៣៦ អំពីបញ្ហាសិទ្ធិមនុស្សកម្ពុជា មន្ត្រីទូតកម្ពុជា នឹងពន្យល់ប្រទេសទាំងនោះ នៅក្នុងកិច្ចប្រជុំក្រុមប្រឹក្សាសិទ្ធិមនុស្សរបស់អង្គការសហប្រជាជាតិ នាទីក្រុងហ្សឺណែវ ប្រទេសស្វីស។
ចុងបញ្ចប់នៃេសេចក្តីប្រកាសរួមនោះ ប្រទេសទាំង ៣៦ បានអំពាវនាវឲ្យ ភាគីពាក់ព័ន្ធទាំងអស់ ពោលគឺគណបក្សសង្គ្រោះជាតិ និងគណបក្សប្រជាជនកម្ពុជា ត្រូវធ្វើយ៉ាងណាបន្ថយភាពតានតឹង និងបង្កើនទំនុកចិត្តដល់គ្នាឡើងវិញ។ ប្រទេសទាំងនោះ ក៏អំពាវនាវដូច្នេះទៀតថា៖«យើងសូមអំពាវនាវឲ្យរដ្ឋាភិបាលខិតខំជាអតិប្បរិមា ដើម្បីបង្កើតឲ្យមានបរិយាកាសនយោបាយមួយ ដែលគណបក្សប្រឆាំង និងសង្គមស៊ីវិលអាចធ្វើសកម្មភាពបានដោយសេរី។ យើងសូមអំពាវនាវផងដែរ ឲ្យប្រទេសកម្ពុជាគោរពតាមការប្តេជ្ញាចិត្តរបស់ខ្លួនចំពោះប្រជាជនកម្ពុជា និងសហគមន៍អន្តរជាតិ ដើម្បីឲ្យការបោះឆ្នោតដោយសេរី និងយុត្តិធម៌ ដែលនឹងធានាភាពស្របច្បាប់នៃរដ្ឋាភិបាលក្រោយ។ យើងត្រៀមជាស្រេចក្នុងការជួយប្រទេស និងប្រជាជនកម្ពុជា ក្នុងការដោះស្រាយកង្វល់ទាំងនេះ តាមលក្ខណៈស្របតាមច្បាប់អន្តរជាតិស្តីពីសិទ្ធិមនុស្ស»។
ជាមួយគ្នានេះ ប្រទេសទាំង ៣៦ នោះ ក៏អំពាវនាវឲ្យបើកការស៊ើបអង្កេតពេញលេញ និងដោយតម្លាភាព ចំពោះការស្លាប់របស់ លោកកែម ឡី ដែរ។
Tag:
ផៃ ស៊ីផាន
សហរដ្ឋអាមេរិក
សិទ្ធិមនុស្សកម្ពុជា
CNRP
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
