អន្តរជាតិ
រុស្ស៊ីគំរាមអាមេរិក ដោយព្យូរសន្ធិសញ្ញាភ្លុយតូញ៉ូមផលិតនុយក្លេអ៊ែរ
×![]()
ដោយ: ថ្មីៗ
ប្រធានាធិបតី រុស្ស៊ី វ្ល៉ាឌីមៀ ពូទីន បានសម្រេចចុះហត្ថលេខាលើក្រឹត្យមួយដើម្បីព្យួរការអនុវត្តសន្ធិសញ្ញាស្តីពីការបោះបង់ចោលសារធាតុភ្លុយតូញ៉ូម(Plutonium)សម្រាប់ផលិតអាវុធនុយក្លេអ៊ែរ។ប្រមុខរដ្ឋរុស្ស៊ីអះអាងថា ការសម្រេចចិត្តនេះធ្វើឡើងដើម្បីឆ្លើយតបសកម្មភាពបង្ករឿងរបស់អាមេរិកប្រឆាំងរុស្ស៊ី និងការមិនបំពេញកាតព្វកិច្ចស្របតាមសន្ធិសញ្ញាអន្តរជាតិ។
ក្រឹត្យមួយមានគោលដៅផ្អាកការអនុវត្តសន្ធិសញ្ញាស្តីពីការបោះបង់សារធាតុភ្លុយតូញ៉ូម ត្រូវបានលោក វ្ល៉ាឌីមៀ ពូទីន ចុះហត្ថលេខាផ្ទាល់ដៃនៅថ្ងៃចន្ទដើមសប្តាហ៍នេះ។ តែការអនុវត្តកិច្ចព្រមព្រៀងដែលអនុវត្តបាន ១៦ឆ្នាំមកនេះ បើសិនជាអាមេរិកបំពេញតាមលក្ខខណ្ឌដែលរដ្ឋាភិបាលរុស្ស៊ីកំណត់ឲ្យ។
ស្របពេលរុស្ស៊ីសម្រេចព្យួរការអនុវត្តកិច្ចព្រមព្រៀងជាមួយក្រុងវ៉ាស៊ីនតោននេះ ប្រធានាធិបតីរុស្ស៊ីបានពន្យល់ថា ការសម្រេចផ្អាកការអនុវត្តកិច្ចព្រមព្រៀងនេះជាការឆ្លើយតបចំពោះសកម្មភាពបង្ករឿងរបស់ក្រុងវ៉ាស៊ីនតោន, ការមិនបំពេញកាតព្វកិច្ចតាមការកំណត់ក្នុងសន្ធិសញ្ញា និងការបន្តគំរាមកំហែងសន្តិសុខនិងស្ថិរភាពរុស្ស៊ី។
ក្រោមអំណាចនៃសន្ធិសញ្ញាឆ្នាំ ២០០០ នេះ រុស្ស៊ី និងអាមេរិកត្រូវបោះបង់ចោលសារធាតុ ភ្លូយតូញ៉ូមចំនួន ៦៨តោន(៣៤តោនសម្រាប់ភាគីនីមួយៗ) ហើយវាជាផ្នែកមួយនៃការជំរុញឲ្យមានការកាត់បន្ថយអាវុធនុយក្លេអ៊ែរផងដែរ។
យោងតាមក្រសួងការបរទេសអាមេរិក សារធាតុភ្លុយតូញ៉ូម ៦៨ តោន គ្រប់គ្រាន់សម្រាប់ផលិតអាវុធនុយក្លេអ៊ែរបាន ១៧០០០ ។ កាលពីខែមេសាកន្លងទៅរដ្ឋាភិបាលរុស្ស៊ីបានចោទថា អាមេរិកមិនបានបំពេញភារកិច្ចបំផ្លាញសារធាតុភ្លុយតូញ៉ូម ហើយបន្តប្រើប្រាស់សារធាតុភ្លុយតូញ៉ូមក្នុងអាវុធនុយក្លេអ៊ែរទៀត ខណៈដែលរុស្ស៊ីព្យាយាមគោរពតាមចំណុចដែលមានចែងក្នុងកិច្ចព្រមព្រៀង។
ដោយឡែក យោងតាមក្រឹត្យដែលលោក ពូទីន ចុះហត្ថលេខាកាលពីថ្ងៃចន្ទ គេឃើញមានការកំណត់លក្ខខណ្ឌជាច្រើនផងដែរ មុននឹងកិច្ចព្រមព្រៀងនេះត្រូវអនុវត្តឡើងវិញ។ រុស្ស៊ីបានតម្រូវឲ្យ អាមេរិកធ្វើយ៉ាងណាបន្ថយចំនួនកងទ័ពនិងរចនាសម្ព័ន្ធយោធាដែលមាននៅប្រទេសនានាដែលចូលជាសមាជិកណាតូនៅក្រោយថ្ងៃ ១កញ្ញាឆ្នាំ ២០០០។ ហើយមួយទៀតរុស្ស៊ីក៏ទាមទារឲ្យអាមេរិកដកទណ្ឌកម្មទាំងអស់ប្រឆាំងខ្លួន និងសំណងជំងឺចិត្តចំពោះរាល់ការខូចខាតទាំងអស់ដែលបណ្តាលមកពីទណ្ឌកម្មនេះ។
តាមពិតទៅទណ្ឌកម្មជាច្រើនជំហានត្រូវបានដាក់ចេញដោយអាមេរិកនិងបណ្តាប្រទេសអឺរ៉ុបដើម្បីប្រឆាំងរុស្ស៊ីក្រោយរុស្ស៊ីឈ្លានពានអ៊ុយក្រែននៅក្នុងឆ្នាំ ២០១៤ និងការបន្តគាំទ្រក្រុមឧទ្ទាមភាគខាងកើតអ៊ុយក្រែន។
តាមពិតទៅ កាលពីថ្ងៃចន្ទនេះដែរ អាមេរិកក៏បានប្រកាសបញ្ចប់រាល់ទំនាក់ទំនងជាមួយរុស្ស៊ីពាក់ព័ន្ធការអន្តរាគមន៍នៅស៊ីរី ពោលគឺគ្មានការជជែកគ្នាឡើយជុំវិញបញ្ហាស៊ីរីរវាងមហាអំណាចទាំងពី។ សកម្មភាពទាំងនេះបញ្ជាក់ឲ្យឃើញថា ទំនាក់ទំនងទ្វេភាគីរវាងមហាអំណាចទាំងពីរកំពុងធ្លាក់ចុះនិងតានតឹងខ្លាំងពោលគឺទាបជាងកម្រិតទំនាក់ទំនងដែលមាននៅសម័យសង្គ្រាមត្រជាក់ថែមទៀត៕
ក្រឹត្យមួយមានគោលដៅផ្អាកការអនុវត្តសន្ធិសញ្ញាស្តីពីការបោះបង់សារធាតុភ្លុយតូញ៉ូម ត្រូវបានលោក វ្ល៉ាឌីមៀ ពូទីន ចុះហត្ថលេខាផ្ទាល់ដៃនៅថ្ងៃចន្ទដើមសប្តាហ៍នេះ។ តែការអនុវត្តកិច្ចព្រមព្រៀងដែលអនុវត្តបាន ១៦ឆ្នាំមកនេះ បើសិនជាអាមេរិកបំពេញតាមលក្ខខណ្ឌដែលរដ្ឋាភិបាលរុស្ស៊ីកំណត់ឲ្យ។
ស្របពេលរុស្ស៊ីសម្រេចព្យួរការអនុវត្តកិច្ចព្រមព្រៀងជាមួយក្រុងវ៉ាស៊ីនតោននេះ ប្រធានាធិបតីរុស្ស៊ីបានពន្យល់ថា ការសម្រេចផ្អាកការអនុវត្តកិច្ចព្រមព្រៀងនេះជាការឆ្លើយតបចំពោះសកម្មភាពបង្ករឿងរបស់ក្រុងវ៉ាស៊ីនតោន, ការមិនបំពេញកាតព្វកិច្ចតាមការកំណត់ក្នុងសន្ធិសញ្ញា និងការបន្តគំរាមកំហែងសន្តិសុខនិងស្ថិរភាពរុស្ស៊ី។
ក្រោមអំណាចនៃសន្ធិសញ្ញាឆ្នាំ ២០០០ នេះ រុស្ស៊ី និងអាមេរិកត្រូវបោះបង់ចោលសារធាតុ ភ្លូយតូញ៉ូមចំនួន ៦៨តោន(៣៤តោនសម្រាប់ភាគីនីមួយៗ) ហើយវាជាផ្នែកមួយនៃការជំរុញឲ្យមានការកាត់បន្ថយអាវុធនុយក្លេអ៊ែរផងដែរ។
យោងតាមក្រសួងការបរទេសអាមេរិក សារធាតុភ្លុយតូញ៉ូម ៦៨ តោន គ្រប់គ្រាន់សម្រាប់ផលិតអាវុធនុយក្លេអ៊ែរបាន ១៧០០០ ។ កាលពីខែមេសាកន្លងទៅរដ្ឋាភិបាលរុស្ស៊ីបានចោទថា អាមេរិកមិនបានបំពេញភារកិច្ចបំផ្លាញសារធាតុភ្លុយតូញ៉ូម ហើយបន្តប្រើប្រាស់សារធាតុភ្លុយតូញ៉ូមក្នុងអាវុធនុយក្លេអ៊ែរទៀត ខណៈដែលរុស្ស៊ីព្យាយាមគោរពតាមចំណុចដែលមានចែងក្នុងកិច្ចព្រមព្រៀង។
ដោយឡែក យោងតាមក្រឹត្យដែលលោក ពូទីន ចុះហត្ថលេខាកាលពីថ្ងៃចន្ទ គេឃើញមានការកំណត់លក្ខខណ្ឌជាច្រើនផងដែរ មុននឹងកិច្ចព្រមព្រៀងនេះត្រូវអនុវត្តឡើងវិញ។ រុស្ស៊ីបានតម្រូវឲ្យ អាមេរិកធ្វើយ៉ាងណាបន្ថយចំនួនកងទ័ពនិងរចនាសម្ព័ន្ធយោធាដែលមាននៅប្រទេសនានាដែលចូលជាសមាជិកណាតូនៅក្រោយថ្ងៃ ១កញ្ញាឆ្នាំ ២០០០។ ហើយមួយទៀតរុស្ស៊ីក៏ទាមទារឲ្យអាមេរិកដកទណ្ឌកម្មទាំងអស់ប្រឆាំងខ្លួន និងសំណងជំងឺចិត្តចំពោះរាល់ការខូចខាតទាំងអស់ដែលបណ្តាលមកពីទណ្ឌកម្មនេះ។
តាមពិតទៅទណ្ឌកម្មជាច្រើនជំហានត្រូវបានដាក់ចេញដោយអាមេរិកនិងបណ្តាប្រទេសអឺរ៉ុបដើម្បីប្រឆាំងរុស្ស៊ីក្រោយរុស្ស៊ីឈ្លានពានអ៊ុយក្រែននៅក្នុងឆ្នាំ ២០១៤ និងការបន្តគាំទ្រក្រុមឧទ្ទាមភាគខាងកើតអ៊ុយក្រែន។
តាមពិតទៅ កាលពីថ្ងៃចន្ទនេះដែរ អាមេរិកក៏បានប្រកាសបញ្ចប់រាល់ទំនាក់ទំនងជាមួយរុស្ស៊ីពាក់ព័ន្ធការអន្តរាគមន៍នៅស៊ីរី ពោលគឺគ្មានការជជែកគ្នាឡើយជុំវិញបញ្ហាស៊ីរីរវាងមហាអំណាចទាំងពី។ សកម្មភាពទាំងនេះបញ្ជាក់ឲ្យឃើញថា ទំនាក់ទំនងទ្វេភាគីរវាងមហាអំណាចទាំងពីរកំពុងធ្លាក់ចុះនិងតានតឹងខ្លាំងពោលគឺទាបជាងកម្រិតទំនាក់ទំនងដែលមាននៅសម័យសង្គ្រាមត្រជាក់ថែមទៀត៕
Tag:
វ្ល៉ាឌីមៀ ពូទីន
សន្ធិសញ្ញាភ្លុយតូញ៉ូម
© រក្សាសិទ្ធិដោយ thmeythmey.com
