កីឡាជាតិ
ជាតិ
×![]()
លោក តូ រិទ្ធីយ៉ា អតីតកីឡាករម៉ារ៉ាតុនក្នុងទសវត្សរ៍៨០ ជាបេក្ខភាពម្នាក់ដែលត្រូវរត់ភ្លើងគប់បើកការប្រកួតកីឡាជាតិលើកទី១ នាយប់ថ្ងៃទី២៨ ខែតុលា នៅពហុកីឡដ្ឋានជាតិ។ អតីតកីឡាករម៉ារ៉ាតុនរូបនេះបានបញ្ជាក់ថា ការរត់ភ្លើងគប់តំណាងប្រទេសជាតិជាក្តីស្រមៃតាំងពីលោកបានបញ្ចប់អាជីពជាកីឡាករម៉ារ៉ាតុន។
លោក តូ រិទ្ធីយ៉ា អតីតកីឡាករម៉ារ៉ាតុនក្នុងទសវត្សរ៍៨០ និង៩០បានសម្រេចគោលបំណងដែលបានទន្ទឹងរង់ចាំអស់រយៈពេលជាង២០ឆ្នាំ ដោយលោកត្រូវបានថ្នាក់ដឹកកីឡាជ្រើសរើសឲ្យកាន់ភ្លើងគប់រត់ក្នុងថ្ងៃបើកការប្រកួតកីឡាជាតិលើកទី១ជាប្រវត្តិសាស្ត្រ នាយប់ថ្ងៃទី២៨ ខែតុលា នៅពហុកីឡដ្ឋានជាតិ។ បច្ចុប្បន្នលោកជានាយកផ្នែកបណ្តុះបណ្តាលនៃវិទ្យាស្ថានអប់រំកាយ និងកីឡា។
ក្នុងបទសម្ភាសជាមួយសារព័ត៌មានថ្មីក្នុងថ្ងៃសម្តែងសាកល្បងកាលពីថ្ងៃទី២៣ ខែតុលា លោក តូ រិទ្ធីយ៉ា បានបញ្ចាក់យ៉ាងដូច្នេះថា៖«សម្រាប់ខ្ញុំមានអារម្មណ៍សប្បាយយ៉ាងខ្លាំង ដោយសារខ្ញុំទន្ទឹងរង់ចាំកាន់ភ្លើងគប់ហ្នឹង ក្រោយពីខ្ញុំបានបញ្ចប់អាជីពជាកីឡាករម៉ារ៉ាតុន។ ប៉ុន្តែថ្ងៃនេះគឺជាថ្ងៃមួយដែលខ្ញុំមានមោទកភាពសម្រាប់ជាតិ ហើយខ្ញុំមានសេចក្តីសប្បាយរីករាយណាស់ដែលបានចូលរួមកាន់ភ្លើងគប់»។
នាយកផ្នែកបណ្តុះបណ្តាលនៃវិទ្យាស្ថានអប់រំកាយ និងកីឡារូបនេះយល់ឃើញថា ការរៀបចំការប្រកួតកីឡាជាតិនេះ មានសារសំខាន់ណាស់សម្រាប់កម្ពុជា ដើម្បីចម្រាញ់ជ្រើសរើសធនធានកីឡាករ និងមន្ត្រីបច្ចេកទេសដែលមានសមត្ថភាព និងបច្ចេកទេស សម្រាប់ត្រៀមធ្វើជាម្ចាស់ផ្ទះកីឡាស៊ីហ្គេមលើកទី៣២ ឆ្នាំ២០២៣។
អតីតកីឡាករម៉ារ៉ាតុនជើងចាស់វ័យ៥៦ឆ្នាំរូបនេះបានឲ្យដឹងទៀតថា ឆ្លងកាត់បទពិសោធន៍នៃការប្រឡូកក្នុងវិស័យកីឡាម៉ារ៉ាតុនលោកធ្លាប់ចូលរួមប្រកួតក្នុងព្រឹត្តិការណ៍អន្តរជាតិជាច្រើនដូចជា Olympic Games, Asia Games និង ASEAN Games។ ប៉ុន្តែលោកមិនធ្លាប់ទទួលបានមេដាយពីព្រឹត្តិការណ៍នោះទេ តែអ្វីដែលលោកកត់សម្គាល់គឺសមត្ថភាព និងបច្ចេកទេសមានការរីកចម្រើនខ្លាំង។
លោក តូ រិទ្ធីយ៉ា បានចូលប្រឡូកក្នុងវិស័យកីឡាម៉ារ៉ាតុននៅឆ្នាំ១៩៧៩ ក្រោយពីហ្វឹកហាត់អស់រយៈពេល៤ឆ្នាំលោកត្រូវបានជ្រើសរើសជាកីឡាករជម្រើសជាតិតាំងពីឆ្នាំ១៩៨៣ ដល់ឆ្នាំ១៩៨៩។
សម្រាប់ការរត់ភ្លើងគប់បើកការប្រកួតកីឡាជាតិលើកទី១នេះ ក្រៅពីលោក តូ រិទ្ធីយ៉ា នៅមានកីឡាករ និងអតីតកីឡាករជើងចាស់ឆ្នើមៗ៨រូបផ្សេងទៀតរួមមាន លោក កែវ ថុន, លោក អៀត គឹមហេង, លោក ប៉ែន ផាត, លោក សោម សារ៉ន, កីឡាករ ប្រាក់ មុន្នីឧត្តម, ចាន់ វឌ្ឍនាកា, កីឡាការិនី កែ ឡេង និងកីឡាការិនី ស៊ន សៀវម៉ី។
គួរបញ្ជាក់ថា ការប្រកួតកីឡាជាតិ លើកទី១ ដែលធ្វើឡើងចាប់ពីថ្ងៃទី២៥ ខែតុលា នេះ ដល់ថ្ងៃទី៥ ខែវិច្ឆិកា មានអត្តពលិ និងប្រតិភូ២៧០០នាក់ និងមន្ត្រីបច្ចេកទេសដាក់ឲ្យបម្រើការមានចំនួន៥៤៨នាក់ ក្នុងការប្រកួតនៅលើប្រភេទកីឡាចំនួន១៥ ដោយមាន១៨៩វិញ្ញាសា៕
លោក តូ រិទ្ធីយ៉ា អតីតកីឡាករម៉ារ៉ាតុនក្នុងទសវត្សរ៍៨០ និង៩០បានសម្រេចគោលបំណងដែលបានទន្ទឹងរង់ចាំអស់រយៈពេលជាង២០ឆ្នាំ ដោយលោកត្រូវបានថ្នាក់ដឹកកីឡាជ្រើសរើសឲ្យកាន់ភ្លើងគប់រត់ក្នុងថ្ងៃបើកការប្រកួតកីឡាជាតិលើកទី១ជាប្រវត្តិសាស្ត្រ នាយប់ថ្ងៃទី២៨ ខែតុលា នៅពហុកីឡដ្ឋានជាតិ។ បច្ចុប្បន្នលោកជានាយកផ្នែកបណ្តុះបណ្តាលនៃវិទ្យាស្ថានអប់រំកាយ និងកីឡា។
ក្នុងបទសម្ភាសជាមួយសារព័ត៌មានថ្មីក្នុងថ្ងៃសម្តែងសាកល្បងកាលពីថ្ងៃទី២៣ ខែតុលា លោក តូ រិទ្ធីយ៉ា បានបញ្ចាក់យ៉ាងដូច្នេះថា៖«សម្រាប់ខ្ញុំមានអារម្មណ៍សប្បាយយ៉ាងខ្លាំង ដោយសារខ្ញុំទន្ទឹងរង់ចាំកាន់ភ្លើងគប់ហ្នឹង ក្រោយពីខ្ញុំបានបញ្ចប់អាជីពជាកីឡាករម៉ារ៉ាតុន។ ប៉ុន្តែថ្ងៃនេះគឺជាថ្ងៃមួយដែលខ្ញុំមានមោទកភាពសម្រាប់ជាតិ ហើយខ្ញុំមានសេចក្តីសប្បាយរីករាយណាស់ដែលបានចូលរួមកាន់ភ្លើងគប់»។
នាយកផ្នែកបណ្តុះបណ្តាលនៃវិទ្យាស្ថានអប់រំកាយ និងកីឡារូបនេះយល់ឃើញថា ការរៀបចំការប្រកួតកីឡាជាតិនេះ មានសារសំខាន់ណាស់សម្រាប់កម្ពុជា ដើម្បីចម្រាញ់ជ្រើសរើសធនធានកីឡាករ និងមន្ត្រីបច្ចេកទេសដែលមានសមត្ថភាព និងបច្ចេកទេស សម្រាប់ត្រៀមធ្វើជាម្ចាស់ផ្ទះកីឡាស៊ីហ្គេមលើកទី៣២ ឆ្នាំ២០២៣។
អតីតកីឡាករម៉ារ៉ាតុនជើងចាស់វ័យ៥៦ឆ្នាំរូបនេះបានឲ្យដឹងទៀតថា ឆ្លងកាត់បទពិសោធន៍នៃការប្រឡូកក្នុងវិស័យកីឡាម៉ារ៉ាតុនលោកធ្លាប់ចូលរួមប្រកួតក្នុងព្រឹត្តិការណ៍អន្តរជាតិជាច្រើនដូចជា Olympic Games, Asia Games និង ASEAN Games។ ប៉ុន្តែលោកមិនធ្លាប់ទទួលបានមេដាយពីព្រឹត្តិការណ៍នោះទេ តែអ្វីដែលលោកកត់សម្គាល់គឺសមត្ថភាព និងបច្ចេកទេសមានការរីកចម្រើនខ្លាំង។
លោក តូ រិទ្ធីយ៉ា បានចូលប្រឡូកក្នុងវិស័យកីឡាម៉ារ៉ាតុននៅឆ្នាំ១៩៧៩ ក្រោយពីហ្វឹកហាត់អស់រយៈពេល៤ឆ្នាំលោកត្រូវបានជ្រើសរើសជាកីឡាករជម្រើសជាតិតាំងពីឆ្នាំ១៩៨៣ ដល់ឆ្នាំ១៩៨៩។
សម្រាប់ការរត់ភ្លើងគប់បើកការប្រកួតកីឡាជាតិលើកទី១នេះ ក្រៅពីលោក តូ រិទ្ធីយ៉ា នៅមានកីឡាករ និងអតីតកីឡាករជើងចាស់ឆ្នើមៗ៨រូបផ្សេងទៀតរួមមាន លោក កែវ ថុន, លោក អៀត គឹមហេង, លោក ប៉ែន ផាត, លោក សោម សារ៉ន, កីឡាករ ប្រាក់ មុន្នីឧត្តម, ចាន់ វឌ្ឍនាកា, កីឡាការិនី កែ ឡេង និងកីឡាការិនី ស៊ន សៀវម៉ី។
គួរបញ្ជាក់ថា ការប្រកួតកីឡាជាតិ លើកទី១ ដែលធ្វើឡើងចាប់ពីថ្ងៃទី២៥ ខែតុលា នេះ ដល់ថ្ងៃទី៥ ខែវិច្ឆិកា មានអត្តពលិ និងប្រតិភូ២៧០០នាក់ និងមន្ត្រីបច្ចេកទេសដាក់ឲ្យបម្រើការមានចំនួន៥៤៨នាក់ ក្នុងការប្រកួតនៅលើប្រភេទកីឡាចំនួន១៥ ដោយមាន១៨៩វិញ្ញាសា៕
Tag:
កីឡាជាតិលើកទី១
តូ រិទ្ធីយ៉ា
ប៉ែន ផាត
កែ ឡេង
© រក្សាសិទ្ធិដោយ thmeythmey.com
